ಅಡ್ಡ ಬಂದ ವೃದ್ಧನ ರಕ್ಷಿಸಲು ಹೋಗಿ KSRTC ಬಸ್ ಪಲ್ಟಿ: ಮಹಿಳೆ ಸಾವು

ವಿಜಯಪುರ: ಹೆದ್ದಾರಿ ಮೇಲೆ ಅಡ್ಡ ಬಂದ ವೃದ್ದನನ್ನು ರಕ್ಷಿಸಲು ಹೋಗಿ ಕೆಎಸ್‌ಆರ್‌ಟಿಸಿ ಬಸ್ ಪಲ್ಟಿಯಾದ ಪರಿಣಾಮ ಓರ್ವ ಮಹಿಳೆ ಮೃತಪಟ್ಟಿದ್ದು, 43 ಜನರಿಗೆ ಗಾಯಗೊಂಡ ಘಟನೆ ಇಂಡಿ ತಾಲೂಕಿನ ಕಪನಿಂಬರಗಿ ಕ್ರಾಸ್ ಬಳಿ ನಡೆದಿದೆ.

ಇಂಡಿ ತಾಲೂಕಿನ ಬಬಲಾದಿ ಗ್ರಾಮದ ಮಹಿಳೆ ಮೃತ ದುರ್ದೈವಿ. ಬಸ್ ಗೆ ಅಡ್ಡ ಬಂದ ವೃದ್ಧನ ಕಾಲು ಕಟ್ ಆಗಿದೆ. ಗಾಯಾಳು ಚಿಕಿತ್ಸೆಗಾಗಿ ವಿಜಯಪುರ ಜಿಲ್ಲಾ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.

ವಿಜಯಪುರ ಡಿಪೋಗೆ ಸೇರಿದ ಕೆಎ 28 ಎಫ್ 2381 ನಂಬರಿನ ಬಸ್ ಪಲ್ಟಿಯಾಗಿದೆ. ಘಟನೆ ಸಂಬಂಧ ಝಳಕಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.