ಹಳೆ ವೈಷಮ್ಯಕ್ಕೆ ವಕೀಲರ ಕೈ ಬೆರಳನ್ನೇ ಕತ್ತರಿಸಿದ ದುಷ್ಕರ್ಮಿಗಳು....!

ವಿಜಯಪುರ: ಹಳೆ ವೈಷಮ್ಯಕ್ಕೆ ವಕೀಲರೊಬ್ಬರ ಮೇಲೆ ನಾಲ್ವರು ದುಷ್ಕರ್ಮಿಗಳು ಮಾರಣಾಂತಿಕ ಹಲ್ಲೆ ನಡೆಸಿರುವ ಘಟನೆ ವಿಜಯಪುರ ಜಿಲ್ಲೆಯ ಇಂಡಿ ಪಟ್ಟಣದಲ್ಲಿ ನಡೆದಿದೆ. ಸಂಗಮೇಶ ಚಾಂದಕವಟೆ ಹಲ್ಲೆಗೊಳಗಾದ ವಕೀಲರು.

ಈ ಹಿಂದೆ ದುಡ್ಡಿನ ವಿಚಾರವಾಗಿ ಸಂಗಮೇಶ ಹಾಗೂ ಸಾಧಿಕ್ ಮೂಸಾ ಮತ್ತವನ ಸಹಚರೊಂದಿಗ ನಡುವೆ ಗಲಾಟೆ ನಡೆದಿತ್ತು. ಇದೇ ದ್ವೇಷವನ್ನು ಇಟ್ಟುಕೊಂಡು ಸಮಯ ಸಾಧಿಸಿ ಪ್ರತೀಕಾರ ತೀರಿಸಿಕೊಳ್ಳಬೇಕೆಂದು ಮೂಸಾ ಮತ್ತವರ ಬೆಂಬಲಿಗರು ಸಂಚು ರೂಪಿಸಿದ್ದರು. ಗುರುವಾರ ಸಾಧಿಕ್ ಮೂಸಾ ಸೇರಿದಂತೆ ನಾಲ್ವರು ಇಂಡಿ ನಗರದ ಶಾಂತೇಶ್ವರ ವಿದ್ಯಾವರ್ದಕ ಸಂಘದ ಆವರಣಕ್ಕೆ ಬರುವಂತೆ ವಕೀಲರಿಗೆ ಫೋನ್ ಕರೆ ಮಾಡಿ ಕರೆಸಿಕೊಂಡಿದ್ದಾರೆ.

ಬಳಿಕ ಅವರ ಮೇಲೆ ಮಾರಕಾಸ್ರ್ತಗಳಿಂದ ಹಲ್ಲೆ ನಡೆಸಿ ಪರಾರಿಯಾಗಿದ್ದಾರೆ. ಹಲ್ಲೆಯ ತೀವ್ರತೆಗೆ ಸಂಗಮೇಶನ ಕೈ ಬೆರಳುಗಳು ತುಂಡಾಗಿದ್ದು, ಮಹಾರಾಷ್ಟ್ರದ ಸೊಲಾಪೂರ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ..ಇಂಡಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.