ವಿಸಿ, ರಜಿಸ್ಟಾರ್‌ ವಿರುದ್ಧ ಲೋಕಾಯುಕ್ತ ದೂರು

ವಿಜಯಪುರ: ಇಲ್ಲಿನ ಮಹಿಳಾ ವಿವಿಯಲ್ಲಿ371 (ಜೆ) ಅಡಿ ಬೋಧಕೇತರ ಸಿಬ್ಬಂದಿ ನೇಮಕಾತಿಯಲ್ಲಿಅವ್ಯವಹಾರ ನಡೆದಿದೆ ಎಂದು ಆರೋಪಿಸಿ ಪಾಲಿಕೆ ಮಾಜಿ ಸದಸ್ಯ ರಾಜಶೇಖರ ಮಗಿಮಠ ಕೊನೆಗೂ ಲೋಕಾಯುಕ್ತ ಪೊಲೀಸರಿಗೆ ದೂರು ದಾಖಲಿಸಿದ್ದಾರೆ.

ವಿವಿಯ ಕುಲಪತಿ ಪ್ರೊ.ಸಬಿಹಾ ಭೂಮಿಗೌಡ, ಕುಲಸಚಿವೆ ಡಾ.ಆರ್‌.ಸುನಂದಮ್ಮ, ಪಿಎಂಇ ಬೋರ್ಡ್‌ ನಿರ್ದೇಶಕ ಪ್ರೊ.ಎ.ಖಾಜಿ, ನೇಮಕಾತಿ ಸಮಿತಿ ಸದಸ್ಯ ಪ್ರೊ.ಪಿ.ಜಿ.ತಡಸದ ಹಾಗೂ ಪ್ರೊ.ಓಂಕಾರಗೌಡ ಕಾಕಡೆ ವಿರುದ್ಧ ಲೋಕಾಯುಕ್ತ ಪೊಲೀಸರಿಗೆ ಮಗಿಮಠ ದೂರು ನೀಡಿ, ಅವರನ್ನು ತಕ್ಷಣದಿಂದ ಸೇವೆಯಿಂದ ಅಮಾನತುಗೊಳಿಸಬೇಕೆಂದು ಆಗ್ರಹಿಸಿದ್ದಾರೆ.

ದೂರಿನಲ್ಲೇನಿದೆ

ಅಕ್ಕಮಹಾದೇವಿ ವಿವಿಯಲ್ಲಿ371 (ಜೆ) ನಡಿ ಬೋಧಕೇತರ ಸಿಬ್ಬಂದಿ ನೇಮಕಾತಿಯಲ್ಲಿಅರ್ಹ ಎಸ್ಸಿ/ ಎಸ್ಟಿ ಅಭ್ಯರ್ಥಿಗಳಿಗೆ ನೇಮಕಾತಿ ಮಾಡಿಕೊಳ್ಳದೇ ಎಸ್ಸಿ/ ಎಸ್ಟಿ ಖಾಯ್ದೆ ಉಲ್ಲಂಘಿಘಿಸಿ, ಅರ್ಹ ಅಭ್ಯರ್ಥಿಗಳಿಗೆ ಅನ್ಯಾಯ ಮಾಡಿದ್ದಾರೆ. ಅಲ್ಲದೇ ಸರಕಾರದ ನಿಯಮಗಳನ್ನು ಗಾಳಿಗೆ ತೂರಿ, ಅಕ್ರಮ ನೇಮಕಾತಿ ಮಾಡಿಕೊಂಡಿದ್ದಾರೆ ಎಂದವರು ದೂರಿದ್ದಾರೆ.

ಈ ಅಕ್ರಮ ನೇಮಕಾತಿಯಲ್ಲಿಭಾಗಿಯಾಗಿರುವ ವಿವಿಯ ಅಧಿಕಾರಿಗಳನ್ನು ವಿವಿಯ ಉನ್ನತ ಹುದ್ದೆ ಅಥವಾ ಪ್ರಭಾರ ಹುದ್ದೆ ನೀಡಬಾರದು ಎಂದವರು ದೂರಿನಲ್ಲಿತಿಳಿಸಿದ್ದಾರೆ.


ಮಗಿಮಠ ರಾಜ್ಯ ಲೋಕಾಯುಕ್ತಕ್ಕೆ ದೂರು ನೀಡಿರುತ್ತಾರೆ. ಮುಖ್ಯ ಕಚೇರಿಯಿಂದ ಆದೇಶ ಬಂದ ಬಳಿಕ ತನಿಖೆ ಕೈಗೊಳ್ಳುತ್ತೇವೆ.
ಬಸವರಾಜ ಯಲಿಗಾರ, ಡಿವೈಎಸ್ಪಿ, ಲೋಕಾಯುಕ್ತ ಪೊಲೀಸ್‌, ವಿಜಯಪುರ.