ಸಾವಿನಲ್ಲೂಒಂದಾದ ವೃದ್ಧ ಗೆಳೆತಿಯರು !

ನಾಲತವಾಡ ( ವಿಜಯಪುರ): ವೃದ್ಧ ಗೆಳೆತಿಯರಿಬ್ಬರು ಸಾವಿನಲ್ಲೂಒಂದಾದ ಘಟನೆ ಪಟ್ಟಣದ ನಾಡಗೌಡ ಓಣಿಯಲ್ಲಿಶನಿವಾರ ನಡೆದಿದೆ.

ರಸೂಲಬಿ ಬಿದರಕೋಟಿ (100) ಹಾಗೂ ಅಮೀನಬಿ ಬಪ್ಪರಗಿ (80) ಒಂದೇ ದಿನ ಇಹಲೋಕ ತ್ಯಜಿಸಿದ ಒಂದೇ ಓಣಿಯ ಇಬ್ಬರು ಗೆಳತಿಯರು.

ವಯಸ್ಸಿನಲ್ಲಿವ್ಯತ್ಯಸಾವಿದ್ದರೂ ಈ ಇಬ್ಬರು ಗೆಳತಿಯರ ನಡುವಿನ ಬಾಂಧವ್ಯ ಉತ್ತಮವಾಗಿತ್ತು. ವಯೋ ಸಹಜ ರೋಗದಿಂದ ಬಳಲುತ್ತಿದ್ದರೂ ಪರಸ್ಪರ ಆರೋಗ್ಯ ವಿಚಾರಿಸುವ ಮೂಲಕ ಗಮನಸೆಳೆಯುತ್ತಿದ್ದರು ಎಂದು ಓಣಿಯ ಹಲವು ಮಹಿಳೆಯರು ಅವರ ಗೆಳತನವನ್ನು ಸ್ಮರಿಸಿದರು.

ರಸೂಲಬಿ ಅವರು ಹಲವು ವರ್ಷಗಳಿಂದ ಸುರಕ್ಷಿತ ಹೆರಿಗೆ ಮಾಡಿಸಿಕೊಳ್ಳುವ ಮೂಲಕ ಗರ್ಭಿಣಿಯರಿಗೆ ಮನೆ ವೈದ್ಯೆಯಾಗಿದ್ದರು. ಇತ್ತೀಚೆಗೆ ಅನಾರೋಗ್ಯದಿಂದ ಹೆರಿಗೆ ಮಾಡಿಸಿಕೊಳ್ಳುವ ಕಾಯಕದಿಂದ ದೂರ ಉಳಿದಿದ್ದರು.

ರಸೂಲಬಿ ಬಿದರಕೋಟಿ ಅವರಿಗೆ ಇಬ್ಬರು ಪುತ್ರರು, ಮೂವರು ಪುತ್ರಿಯರು ಇದ್ದಾರೆ. ಅಮೀನಬಿ ಬಪ್ಪರಗಿ ಅವರಿಗೆ ನಾಲ್ವರು ಪುತ್ರರು ಹಾಗೂ ಇಬ್ಬರು ಪುತ್ರಿಯರು ಇದ್ದಾರೆ.