ವೇತನ ಶ್ರೇಣಿ ಮಂಜೂರು

ಚಡಚಣ : ರಾಜ್ಯದ ಸರಕಾರಿ ಮತ್ತು ಅನುದಾನಿತ ಕಾಲೇಜುಗಳಲ್ಲಿ 10 ವರ್ಷ ಪೂರೈಸಿದ ಅಂದಾಜು 4 ಸಾವಿರ ಉಪನ್ಯಾಸಕರಿಗೆ ಕೊನೆಗೂ ಪ್ರತ್ಯೇಕ ವೇತನ ಶ್ರೇಣಿ ದೊರೆತಿದೆ.

ವಿಜಯ ಕರ್ನಾಟಕದಲ್ಲಿ ಪ್ರಕಟವಾದ 'ತೀರದ ವೇತನ ಶ್ರೇಣಿ ಗೊಂದಲ' ವಿಶೇಷ ವರದಿಗೆ ಸ್ಪಂದಿಸಿದ ಸರಕಾರ, 10 ವರ್ಷ ಸೇವೆ ಪೂರೈಸಿದ ಉಪನ್ಯಾಸಕರಿಗೂ 6 ನೇ ವೇತನ ಆಯೋಗದಲ್ಲಿ 45300-88300 ಹೊಸ ವೇತನ ಶ್ರೇಣಿಯನ್ನು ಸೃಜಿಸಿ ಆದೇಶ ಹೊರಡಿಸಿದೆ.

10 ವರ್ಷಗಳ ಸೇವೆ ಪೂರೈಸಿದ ಉಪನ್ಯಾಸಕರಿಗೆ 5ನೇ ವೇತನ ಆಯೋಗದಲ್ಲಿ 25300-46500 ವೇತನ ಶ್ರೇಣಿ ನೀಡಲಾಗಿತ್ತು. ಆದರೆ 6ನೇ ವೇತನ ಆಯೋಗದಲ್ಲಿ ಈ ವೇತನ ಶ್ರೇಣಿಗೆ ಸಮನಾದ ಶ್ರೇಣಿಯನ್ನು ನಿಗದಿಪಡಿಸಿರಲಿಲ್ಲ . ಇದರಿಂದ ಉಪನ್ಯಾಸಕರು ತೊಂದರೆ ಅನುಭವಿಸುತ್ತಿದ್ದರು. ಸರಕಾರದ ಹೊಸ ನಿರ್ಧಾರ ಹಾಗೂ ಪತ್ರಿಕೆ ಕಾರ್ಯಕ್ಕೆ ಉಪನ್ಯಾಸಕರು ಶ್ಲಾಘಿಸಿದ್ದಾರೆ.