ತಾಳಿಕೋಟೆ: ವಿದ್ಯುತ್ ಕ್ಷೇತ್ರದ ಖಾಸಗೀಕರಣದ ವಿರುದ್ಧ ಆಕ್ರೋಶ, ಪ್ರತಿಭಟನೆ

ತಾಳಿಕೋಟೆ: ವಿದ್ಯುತ್‌ ಕ್ಷೇತ್ರದ ಹೊರ ಗುತ್ತಿಗೆ ಹಾಗೂ ಖಾಸಗೀಕರಣವನ್ನು ವಿರೋಧಿಸಿ ಪಟ್ಟಣದ ಹೆಸ್ಕಾಂ ಕಚೇರಿಯಲ್ಲಿ ಸಾಂಕೇತಿಕವಾಗಿ ಪ್ರತಿಭಟನೆ ಕೈಕೊಂಡ ನೌಕರರು, ಕೇಂದ್ರ ಸರ್ಕಾರ ಜಾರಿಗೆ ತರುತ್ತಿರುವ 2020ರ ವಿದ್ಯುತ್‌ ಕಾಯ್ದೆ ತಿದ್ದುಪಡಿಗೆ ವಿರೋಧ ವ್ಯಕ್ತಪಡಿಸಿದರು. ವಿದ್ಯುತ್‌ ಇಲಾಖೆ ಸಂಪೂರ್ಣವಾಗಿ ಲಾಭದಲ್ಲಿ ನಡೆಯುತ್ತಿದ್ದರೂ ಸಹ ಇಲಾಖೆಯನ್ನು ಖಾಸಗೀಕರಣ ಮಾಡುತ್ತಿರುವುದು ಖಂಡನೀಯವಾಗಿದೆ. ಇಲಾಖೆಯನ್ನು ಯಾವುದೇ ಕಾರಣಕ್ಕೂ ಸಹ ಖಾಸಗಿಕರಣ ಮಾಡಬಾರದು. ಇದರೊಂದಿಗೆ ಕಾರ್ಮಿಕರ ಕೆಲಸದ ಅವಧಿಯನ್ನು ಹೆಚ್ಚುವರಿ ಮಾಡಿ ಕಾರ್ಮಿಕ ವಿರೋಧಿ ನೀತಿಯನ್ನು ಅನುಸರಿಸುತ್ತಿದೆ. ಇದನ್ನು ಕೂಡಲೇ ನಿಲ್ಲಿಸಬೇಕು. ಈ ಕಾಯಿದೆಯಿಂದ ರೈತರಿಗೂ ಸಹ ತೊಂದರೆಯಾಗುತ್ತಿದೆ ಎಂದು ಪ್ರತಿಭಟನಾಕಾರರು ಆರೋಪಿಸಿದರು.

ಸಹಾಯಕ ಕಾರ್ಯನಿವಾಹಕ ಅಭಿಯಂತರ ಟಿ.ವಿ.ರಾಠೋಡ, ಅಭಿಯಂತರರಾದ ಶಿವನಗೌಡ ಪಾಟೀಲ,ಆರ್‌.ಎಸ್‌.ಕುಲಕರ್ಣಿ, ಪಿ.ಡಿ,ಗುರಡ್ಡಿ, ಬಿ.ಆಯ್‌.ಸಾರವಾಡ, ಡಿ.ಎಂ.ಹೆಬ್ಬಾಳ, ಸಿಬ್ಬಂದಿಗಳಾದ ಮಾಧುಸಿಂಗ ಬಿಜಾಪೂರ, ಬಾಹುಬಲಿ ಸುರಪೂರ, ಎಸ್‌.ಎಂ.ಬೇನಾಳಮಠ, ಎಚ್‌.ಎಸ್‌.ಮೇಟಿ, ಎನ್‌.ವಿ.ಬಿರಾದಾರ, ಎಸ್‌.ಬಿ.ಮಂಗ್ಯಾಳ, ಬಿ.ಆರ್‌.ದೇಸಾಯಿ, ಆನಂದ ದೊಡಮನಿ, ಬಿ.ಎಸ್‌.ಗಂಗನಳ್ಳಿ, ಶಿವಾಜಿ ಬಿಜಾಪೂರ, ಎಸ್‌.ಎಂ.ಬಿದರಿ, ಎಂ.ಆಯ್‌.ಮುಲ್ಲಾ, ಎನ್‌.ಎಚ್‌.ಮಳಳ್ಳಿ, ರಾಮಂಚಂದ್ರ ಕೆಂಬಾವಿ, ತಿಪ್ಪಣ್ಣ ಅಂಬಳನೂರ, ಶ್ರೀಶೈಲ ಬಿರಾದಾರ ಸೇರಿದಂತೆ ಇತರರು ಇದ್ದರು.