ಟೋಲ್‌ಗೇಟ್‌ ಸ್ಥಳಾಂತರಕ್ಕೆ ಆಗ್ರಹ

ಸಿಂದಗಿ: ತಾಲೂಕಿನ ಕನ್ನೊಳ್ಳಿಯ ಗ್ರಾಮದ ಹತ್ತಿರ ರಾಷ್ಟ್ರೀಯ ಹೆದ್ದಾರಿಯ ಟೋಲ್‌ಗೇಟ್‌ ನಿರ್ಮಿಸುತ್ತಿದ್ದು, ಅದು ಬೇರೆಕಡೆಗೆ ಸ್ಥಳಾಂತರಿಸಬೇಕು ಎಂದು ಬಿಜೆಪಿ ಯುವ ಧುರೀಣ ಶಿವಾನಂದ ಆಲಮೇಲ ಆಗ್ರಹಿಸಿದ್ದಾರೆ.

ಈ ಟೋಲ್‌ಗೇಟ್‌ ನಿರ್ಮಿಸುವುದರಿಂದ ಸಿಂದಗಿಯಿಂದ ವಿಜಯಪುರಕ್ಕೆ ಹೋಗುವವರೆಗೂ ತುಂಬಾ ತೊಂದರೆಯಾಗುತ್ತಿದ್ದು, ಅಲ್ಲದೇ ವ್ಯಾಪಾರ ವಹಿವಾಟಕ್ಕೆ ವಿಜಯಪುರ ಕೇಂದ್ರಬಿಂದು ಇರುವುದರಿಂದ ಸುತ್ತಮುತ್ತಲಿನ ಜನರು ಟೋಲ್‌ಗೇಟ್‌ಗೆ ಹಣಭರಿಸಿ ಹೋಗುವುದು ಕಷ್ಟಕರವಾಗುತ್ತದೆ. ಅದನ್ನು ಸ್ಥಳಾಂತರಿಸಬೇಕು ಇಲ್ಲದಿದ್ದರೇ ಸಿಂದಗಿಯಿಂದ ವಿಜಯಪುರಕ್ಕೆ ಹೋಗುವವರೆಗೂ ಯಾವುದೇ ಶುಲ್ಕವಿಲ್ಲದೇ ತಿರುಗಾಡಲು ಅನುಕೂಲ ಮಾಡಿಕೊಡಬೇಕು ಎಂದು ತಹಸೀಲ್ದಾರ್‌ಗೆ ಮನವಿ ಮಾಡಿಕೊಂಡಿದ್ದಾರೆ.