ಆಲಮಟ್ಟಿ ಡ್ಯಾಂಗೆ ಒಳ ಹರಿವು ಹೆಚ್ಚಳ

ವಿಜಯಪುರ: ಆಲಮಟ್ಟಿಯ ಲಾಲ್ ಬಹದ್ದೂರ್ ಶಾಸ್ತ್ರಿ ಸಾಗರಕ್ಕೆ ಒಳಹರಿವು ಹೆಚ್ಚಾದ ಕಾರಣ, ಜಲಾಶಯದ 26 ಗೇಟ್‌ಗಳ ಪೈಕಿ 12 ಗೇಟ್‌ಗಳನ್ನು ತೆರೆದು ನೀರನ್ನು ಭಾನುವಾರ ಸಂಜೆಯಿಂದ ಹೊರಕ್ಕೆ ಬಿಡಲಾಯಿತು.

ಬೆಳಗ್ಗೆ 6 ಗೇಟ್‌ಗಳ ಮೂಲಕ ನೀರ ಹೊರ ಹರಿಸಲಾಗಿತ್ತು. ಸಂಜೆ ಒಳಹರಿವು ಮತ್ತಷ್ಟು ಹೆಚ್ಚಿದ್ದರಿಂದ 12 ಗೇಟ್‌ಗಳ ಮೂಲಕ ನೀರನ್ನು ಹೊರಬಿಡಲಾಯಿತು. ಗೇಟ್‌ಗಳ ಮೂಲಕ 56,780 ಹಾಗೂ ಜಲಾಶಯದ ಬಲಭಾಗದ ಕೆಪಿಸಿಎಲ್ ಮೂಲಕ 45,000 ಕ್ಯುಸೆಕ್ ನೀರು ಸೇರಿ ಒಟ್ಟಾರೇ 1,01,780 ಕ್ಯುಸೆಕ್ ನೀರನ್ನು ನದಿ ಪಾತ್ರಕ್ಕೆ ಬಿಡಲಾಯಿತು.

ಭಾನುವಾರ ಬೆಳಗ್ಗೆ 29,159 ಕ್ಯುಸೆಕ್ ಇದ್ದ ಒಳಹರಿವು ಸಂಜೆ ವೇಳೆ 80,872 ಕ್ಯುಸೆಕ್‌ಗೇರಿಕೆಯಾಗಿದೆ.

ಜಲಾಶಯದ ಮಟ್ಟ 519.60 ಮೀ ಎತ್ತರದ ಆಲಮಟ್ಟಿ ಜಲಾಶಯದಲ್ಲಿ ಭಾನುವಾರ ಸಂಜೆ 519.40 ಮೀ, ವರೆಗೆ ನೀರಿತ್ತು. 123.081 ಟಿಎಂಸಿ ಸಂಗ್ರಹ ಸಾಮರ್ಥ್ಯದ ಜಲಾಶಯದಲ್ಲಿ 119 ಟಿಎಂಸಿ ಅಡಿ ನೀರಿತ್ತು.