ಆಲಮಟ್ಟಿ ಜಲಾಶಯದಿಂದ 5.70 ಕ್ಯುಸೆಕ್‌ ನೀರು ಹೊರಕ್ಕೆ

ವಿಜಯಪುರ: ಜಿಲ್ಲೆಯ ಆಲಮಟ್ಟಿ ಜಲಾಶಯದಿಂದ 5.70 ಲಕ್ಷ ಕ್ಯುಸೆಕ್ ನೀರನ್ನು ನಾರಾಯಣಪುರ ಜಲಾಶಯಕ್ಕೆ ಬಿಡಲಾಯತು.

ಇದರಿಂದಾಗಿ ಮುದ್ದೆಬಿಹಾಳ ತಾಲೂಕಿನ ಪ್ರವಾಹ ಪೀಡಿತ ಗ್ರಾಮಗಳ ನೀರಿನ ಮಟ್ಟ ಯಥಾಸ್ಥಿತಿಯಲ್ಲಿರುವುದರಿಂದ ಕಾಳಜಿ ಕೇಂದ್ರಗಳನ್ನು ಸಹ ಮುಂದುವರಿಸಲಾಗಿದೆ.

ಮುದ್ದೆಬಿಹಾಳ ತಾಲೂಕಿನ ಗಂಗೂರು, ಅಂಡರ್‌ಗಲ್, ನಾಗರಾಳ್, ಮುದೂರ, ದೇವೂರ್, ಕಮಲದಿಮ್ಮಿ, ಹೊಳೆಮಸೂತಿ, ಬಬಲಾದಿ, ಶಿರಗೂರ, ಚಿಕ್ಕ್‌ಗಲಗಲಿ ಗ್ರಾಮಗಳ ನಿರಾಶ್ರಿತರನ್ನು ಕಾಳಜಿ ಕೇಂದ್ರಕ್ಕೆ ಸ್ಥಳಾಂತರಿಸಲಾಗಿದೆ.

ಕೃಷ್ಣಾ ನದಿ ಮತ್ತು ಪ್ರವಾಹದಿಂದಾಗಿ ಹಾನಿಗೀಡಾದ ಗ್ರಾಮಗಳ ಮನೆಗಳಿಗೆ ನೀರು ನುಗ್ಗಿ ನಾಶವಾದ ವಸ್ತುಗಳು ಸಂತ್ರಸ್ತರಿಗೆ ಸೂಕ್ತ ಸಮಯದಲ್ಲಿ ತಲುಪಬೇಕೆಂದು ಸಂಬಂಧಪಟ್ಟ ಅಧಿಕಾರಿಗಳಿಗೆ ಸೂಚನೆ ನೀಡಲಾಗಿದೆ.