ಹೊಸದಿಲ್ಲಿ: ದೇಶದ ಅತ್ಯುನ್ನತ ಸೇನಾ ಹುದ್ದೆಯಾದ ರಕ್ಷಣಾ ಸಿಬ್ಬಂದಿ ಮುಖ್ಯಸ್ಥ (ಸಿಡಿಎಸ್) ಸ್ಥಾನಕ್ಕೆ ಲೆಫ್ಟಿನೆಂಟ್ ಜನರಲ್ ಅನಿಲ್ ಚೌಹಾಣ್ (ನಿವೃತ್ತ) ಅವರನ್ನು ಕೇಂದ್ರ ಸರ್ಕಾರ ನೇಮಕ ಮಾಡಿದೆ. ಸೇನೆ, ನೌಕಾಪಡೆ ಮತ್ತು ವಾಯುಪಡೆಗಳನ್ನು ಒಂದೆಡೆ ನಿಯಂತ್ರಿಸುವ ಉದ್ದೇಶ ಹೊಂದಿರುವ ಈ ಹುದ್ದೆ, ದೇಶದ ಒಟ್ಟಾರೆ ಸೇನಾ ಶಕ್ತಿಯನ್ನು ತನ್ನ ಬಳಿ ಇರಿಸಿಕೊಳ್ಳುತ್ತದೆ.
ಯಾರಿದು ಅನಿಲ್ ಚೌಹಾಣ್?
ಸೇನೆಯಲ್ಲಿ ಸುಮಾರು 40 ವರ್ಷಗಳ ಅನುಭವ ಹೊಂದಿರುವ ಲೆ. ಜನರಲ್ ಅನಿಲ್ ಚೌಹಾಣ್, ಅನೇಕ ಹುದ್ದೆಗಳನ್ನು ನಿಭಾಯಿಸಿದ್ದಾರೆ. ಸಿಬ್ಬಂದಿ ನೇಮಕಾತಿ ಮುಂತಾದ ಪ್ರಮುಖ ಚಟುವಟಿಕೆಗಳಲ್ಲಿ ಭಾಗಿಯಾಗಿದ್ದಾರೆ. ಜಮ್ಮು ಮತ್ತು ಕಾಶ್ಮೀರದಲ್ಲಿ ಹಾಗೂ ಈಶಾನ್ಯ ರಾಜ್ಯಗಳಲ್ಲಿ ಉಗ್ರರ ಹಾವಳಿ ವಿರುದ್ಧದ ಕಾರ್ಯಾಚರಣೆಗಳಲ್ಲಿ ಸಾಕಷ್ಟು ಅನುಭವ ಹೊಂದಿದ್ದಾರೆ.
ಎರಡನೇ ಸಿಡಿಎಸ್
ದೇಶದ ಎರಡನೇ ಸಿಡಿಎಸ್ ಎನಿಸಿಕೊಂಡಿರುವ ಲೆ. ಜನರಲ್ ಅನಿಲ್ ಚೌಹಾಣ್ ಅವರು ಉತ್ತರಾಖಂಡದ ಪೌರಿ ಗರ್ವಾಲ್ ಜಿಲ್ಲೆಯ ಗ್ವಾನಾ ಎಂಬ ಗ್ರಾಮದವರು, ದೇಶದ ಮೊದಲ ಸಿಡಿಎಸ್ ದಿವಂಗತ ಬಿಪಿನ್ ರಾವತ್ ಅವರೂ ಉತ್ತರಾಖಂಡದವರು ಎನ್ನುವುದು ಗಮನಾರ್ಹ. 1961ರ ಮೇ 18ರಂದು ಜನಿಸಿದ ಅನಿಲ್ ಚೌಹಾಣ್ ಅವರು, 1981ರಲ್ಲಿ ಭಾರತೀಯ ಸೇನೆಯ 11 ಗೋರ್ಖಾ ರೈಫಲ್ಸ್ ಮೂಲಕ ಸೇನಾ ಸೇವೆಗೆ ಪ್ರವೇಶಿಸಿದರು.
ಸೇನೆಯಲ್ಲಿ ಅಧಿಕಾರ
ಅನಿಲ್ ಅವರು ಓದಿದ್ದು ಕೋಲ್ಕತಾದ ಕೇಂದ್ರೀಯ ವಿದ್ಯಾಲಯದಲ್ಲಿ. ಅವರು ಡೆಹರಾಡೂನ್‌ನ ಭಾರತೀಯ ಸೇನಾ ಅಕಾಡೆಮಿ ಮತ್ತು ಖಡಕ್ವಾಸ್ಲಾದ ರಾಷ್ಟ್ರೀಯ ರಕ್ಷಣಾ ಅಕಾಡೆಮಿಯ ವಿದ್ಯಾರ್ಥಿಯಾಗಿದ್ದರು.
ಮೇಜರ್ ಜನರಲ್ ಶ್ರೇಯಾಂಕ ಪಡೆದ ಅವರು ನಾರ್ದರ್ನ್ ಕಮಾಂಡ್‌ನಲ್ಲಿ ಬಹಳ ಸೂಕ್ಷ್ಮವಾದ ಬಾರಾಮುಲ್ಲಾ ಪ್ರದೇಶದಲ್ಲಿ ಒಂದು ಇನ್‌ಫೆಂಟ್ರಿ ವಿಭಾಗದ ನೇತೃತ್ವ ವಹಿಸಿದ್ದರು.
ಲೆಫ್ಟಿನೆಂಟ್ ಜನರಲ್ ಆಗಿ ಅವರು ಈಶಾನ್ಯದಲ್ಲಿ ಸೇನಾ ತಂಡವೊಂದನ್ನು ನಡೆಸಿದ್ದರು. 2019ರ ಸೆಪ್ಟೆಂಬರ್‌ನಲ್ಲಿ ಈಸ್ಟರ್ನ್ ಕಮಾಂಡ್‌ನ ಜನರಲ್ ಆಫೀಸರ್ ಕಮಾಂಡಿಂಗ್ ಇನ್ ಚೀಫ್ ಹುದ್ದೆಗೇರಿದರು. 2021ರ ಮೇ ತಿಂಗಳಲ್ಲಿ ನಿವೃತ್ತರಾಗುವವರೆಗೂ ಅವರು ಈ ಹುದ್ದೆಯಲ್ಲಿ ಮುಂದುವರಿದಿದ್ದರು.
ಕಮಾಂಡ್ ನೇಮಕಾತಿಗಳ ಜತೆ ಅವರು, ಸೇನಾ ಕಾರ್ಯಾಚರಣೆಗಳ ಪ್ರಧಾನ ನಿರ್ದೇಶಕರ ಹುದ್ದೆ ಸೇರಿದಂತೆ ಪ್ರಮುಖ ಸಿಬ್ಬಂದಿ ನೇಮಕಾತಿಗಳಲ್ಲಿಯೂ ಭಾಗಿಯಾಗಿದ್ದರು. ಚೌಹಾಣ್ ಅವರು ಅಂಗೋಲಾದಲ್ಲಿ ವಿಶ್ವಸಂಸ್ಥೆಯ ಯೋಜನೆಯಲ್ಲಿ ಕೂಡ ಸೇವೆ ಸಲ್ಲಿಸಿದ್ದರು.
2021ರ ಮೇ 31ರಂದು ಅವರು ಭಾರತೀಯ ಸೇನೆಯಿಂದ ನಿವೃತ್ತರಾದರು. ಸೇನೆಯಿಂದ ನಿವೃತ್ತರಾದ ಬಳಿಕವೂ ಅವರು ರಾಷ್ಟ್ರೀಯ ಭದ್ರತೆ ಮತ್ತು ಕಾರ್ಯತಂತ್ರ ವಿಷಯಗಳಲ್ಲಿ ಕೊಡುಗೆಯನ್ನು ಮುಂದುವರಿಸಿದ್ದರು.
ಸೇನೆಗೆ ನೀಡಿರುವ ಮಹತ್ತರ ಸೇವೆಗಾಗಿ ಅವರಿಗೆ ಪರಮ ವಿಶಿಷ್ಟ್ ಸೇವಾ ಪದಕ, ಉತ್ತಮ್ ಯುದ್ಧ್ ಸೇವಾ ಪದಕ, ಅತಿ ವಿಶಿಷ್ಟ್ ಸೇವಾ ಪದಕ, ಸೇನಾ ಪದಕ ಮತ್ತು ವಿಶಿಷ್ಟ್ ಸೇವಾ ಪದಕಗಳು ದೊರೆತಿವೆ.
ವೈಯಕ್ತಿಕ ಜೀವನಲೆ. ಜನರಲ್ ಅನಿಲ್ ಚೌಹಾಣ್ ಅವರು ಕಲಾವಿದೆ ಅನುಪಮಾ ಅವರನ್ನು ಮದುವೆಯಾಗಿದ್ದಾರೆ. ಈ ದಂಪತಿಗೆ ಪ್ರಗ್ಯಾ ಚೌಹಾಣ್ ಎಂಬ ಮಗಳಿದ್ದಾರೆ. ಕಲೆಯ ಬಗ್ಗೆ ಬಹಳ ಆಸಕ್ತಿ ಹೊಂದಿರುವ ಅನಿಲ್ ಅವರಿಗೆ ಟಿಬೆಟಿಯನ್ ಕಲೆಗಳ ಬಗ್ಗೆ ಒಲವಿದೆ. ಸೇನೆಯಲ್ಲಿನ ತಮ್ಮ ಕೆಲಸದ ನಡುವೆ ಅವರು ಎರಡು ಪುಸ್ತಕಗಳನ್ನು ಬರೆದಿದ್ದಾರೆ. 'ಆಫ್ಟರ್‌ಮಥ್ ಆಫ್ ಎ ನ್ಯೂಕ್ಲಿಯರ್ ಅಟ್ಯಾಕ್' ಮತ್ತು '11 ಗೋರ್ಖಾ ರೈಫಲ್ಸ್ ರೆಜಿಮೆಂಟ್ ಸೆಂಟರ್' ಎಂಬುದು ಪ್ರಕಟಿತ ಕೃತಿಗಳಾಗಿವೆ.
ಯಾರಿದು ಅನಿಲ್ ಚೌಹಾಣ್?
ಸೇನೆಯಲ್ಲಿ ಸುಮಾರು 40 ವರ್ಷಗಳ ಅನುಭವ ಹೊಂದಿರುವ ಲೆ. ಜನರಲ್ ಅನಿಲ್ ಚೌಹಾಣ್, ಅನೇಕ ಹುದ್ದೆಗಳನ್ನು ನಿಭಾಯಿಸಿದ್ದಾರೆ. ಸಿಬ್ಬಂದಿ ನೇಮಕಾತಿ ಮುಂತಾದ ಪ್ರಮುಖ ಚಟುವಟಿಕೆಗಳಲ್ಲಿ ಭಾಗಿಯಾಗಿದ್ದಾರೆ. ಜಮ್ಮು ಮತ್ತು ಕಾಶ್ಮೀರದಲ್ಲಿ ಹಾಗೂ ಈಶಾನ್ಯ ರಾಜ್ಯಗಳಲ್ಲಿ ಉಗ್ರರ ಹಾವಳಿ ವಿರುದ್ಧದ ಕಾರ್ಯಾಚರಣೆಗಳಲ್ಲಿ ಸಾಕಷ್ಟು ಅನುಭವ ಹೊಂದಿದ್ದಾರೆ.
ಎರಡನೇ ಸಿಡಿಎಸ್
ದೇಶದ ಎರಡನೇ ಸಿಡಿಎಸ್ ಎನಿಸಿಕೊಂಡಿರುವ ಲೆ. ಜನರಲ್ ಅನಿಲ್ ಚೌಹಾಣ್ ಅವರು ಉತ್ತರಾಖಂಡದ ಪೌರಿ ಗರ್ವಾಲ್ ಜಿಲ್ಲೆಯ ಗ್ವಾನಾ ಎಂಬ ಗ್ರಾಮದವರು, ದೇಶದ ಮೊದಲ ಸಿಡಿಎಸ್ ದಿವಂಗತ ಬಿಪಿನ್ ರಾವತ್ ಅವರೂ ಉತ್ತರಾಖಂಡದವರು ಎನ್ನುವುದು ಗಮನಾರ್ಹ. 1961ರ ಮೇ 18ರಂದು ಜನಿಸಿದ ಅನಿಲ್ ಚೌಹಾಣ್ ಅವರು, 1981ರಲ್ಲಿ ಭಾರತೀಯ ಸೇನೆಯ 11 ಗೋರ್ಖಾ ರೈಫಲ್ಸ್ ಮೂಲಕ ಸೇನಾ ಸೇವೆಗೆ ಪ್ರವೇಶಿಸಿದರು.
ಸೇನೆಯಲ್ಲಿ ಅಧಿಕಾರ
ಅನಿಲ್ ಅವರು ಓದಿದ್ದು ಕೋಲ್ಕತಾದ ಕೇಂದ್ರೀಯ ವಿದ್ಯಾಲಯದಲ್ಲಿ. ಅವರು ಡೆಹರಾಡೂನ್‌ನ ಭಾರತೀಯ ಸೇನಾ ಅಕಾಡೆಮಿ ಮತ್ತು ಖಡಕ್ವಾಸ್ಲಾದ ರಾಷ್ಟ್ರೀಯ ರಕ್ಷಣಾ ಅಕಾಡೆಮಿಯ ವಿದ್ಯಾರ್ಥಿಯಾಗಿದ್ದರು.
ಮೇಜರ್ ಜನರಲ್ ಶ್ರೇಯಾಂಕ ಪಡೆದ ಅವರು ನಾರ್ದರ್ನ್ ಕಮಾಂಡ್‌ನಲ್ಲಿ ಬಹಳ ಸೂಕ್ಷ್ಮವಾದ ಬಾರಾಮುಲ್ಲಾ ಪ್ರದೇಶದಲ್ಲಿ ಒಂದು ಇನ್‌ಫೆಂಟ್ರಿ ವಿಭಾಗದ ನೇತೃತ್ವ ವಹಿಸಿದ್ದರು.
ಲೆಫ್ಟಿನೆಂಟ್ ಜನರಲ್ ಆಗಿ ಅವರು ಈಶಾನ್ಯದಲ್ಲಿ ಸೇನಾ ತಂಡವೊಂದನ್ನು ನಡೆಸಿದ್ದರು. 2019ರ ಸೆಪ್ಟೆಂಬರ್‌ನಲ್ಲಿ ಈಸ್ಟರ್ನ್ ಕಮಾಂಡ್‌ನ ಜನರಲ್ ಆಫೀಸರ್ ಕಮಾಂಡಿಂಗ್ ಇನ್ ಚೀಫ್ ಹುದ್ದೆಗೇರಿದರು. 2021ರ ಮೇ ತಿಂಗಳಲ್ಲಿ ನಿವೃತ್ತರಾಗುವವರೆಗೂ ಅವರು ಈ ಹುದ್ದೆಯಲ್ಲಿ ಮುಂದುವರಿದಿದ್ದರು.
ಕಮಾಂಡ್ ನೇಮಕಾತಿಗಳ ಜತೆ ಅವರು, ಸೇನಾ ಕಾರ್ಯಾಚರಣೆಗಳ ಪ್ರಧಾನ ನಿರ್ದೇಶಕರ ಹುದ್ದೆ ಸೇರಿದಂತೆ ಪ್ರಮುಖ ಸಿಬ್ಬಂದಿ ನೇಮಕಾತಿಗಳಲ್ಲಿಯೂ ಭಾಗಿಯಾಗಿದ್ದರು. ಚೌಹಾಣ್ ಅವರು ಅಂಗೋಲಾದಲ್ಲಿ ವಿಶ್ವಸಂಸ್ಥೆಯ ಯೋಜನೆಯಲ್ಲಿ ಕೂಡ ಸೇವೆ ಸಲ್ಲಿಸಿದ್ದರು.
2021ರ ಮೇ 31ರಂದು ಅವರು ಭಾರತೀಯ ಸೇನೆಯಿಂದ ನಿವೃತ್ತರಾದರು. ಸೇನೆಯಿಂದ ನಿವೃತ್ತರಾದ ಬಳಿಕವೂ ಅವರು ರಾಷ್ಟ್ರೀಯ ಭದ್ರತೆ ಮತ್ತು ಕಾರ್ಯತಂತ್ರ ವಿಷಯಗಳಲ್ಲಿ ಕೊಡುಗೆಯನ್ನು ಮುಂದುವರಿಸಿದ್ದರು.
ಸೇನೆಗೆ ನೀಡಿರುವ ಮಹತ್ತರ ಸೇವೆಗಾಗಿ ಅವರಿಗೆ ಪರಮ ವಿಶಿಷ್ಟ್ ಸೇವಾ ಪದಕ, ಉತ್ತಮ್ ಯುದ್ಧ್ ಸೇವಾ ಪದಕ, ಅತಿ ವಿಶಿಷ್ಟ್ ಸೇವಾ ಪದಕ, ಸೇನಾ ಪದಕ ಮತ್ತು ವಿಶಿಷ್ಟ್ ಸೇವಾ ಪದಕಗಳು ದೊರೆತಿವೆ.
ವೈಯಕ್ತಿಕ ಜೀವನಲೆ. ಜನರಲ್ ಅನಿಲ್ ಚೌಹಾಣ್ ಅವರು ಕಲಾವಿದೆ ಅನುಪಮಾ ಅವರನ್ನು ಮದುವೆಯಾಗಿದ್ದಾರೆ. ಈ ದಂಪತಿಗೆ ಪ್ರಗ್ಯಾ ಚೌಹಾಣ್ ಎಂಬ ಮಗಳಿದ್ದಾರೆ. ಕಲೆಯ ಬಗ್ಗೆ ಬಹಳ ಆಸಕ್ತಿ ಹೊಂದಿರುವ ಅನಿಲ್ ಅವರಿಗೆ ಟಿಬೆಟಿಯನ್ ಕಲೆಗಳ ಬಗ್ಗೆ ಒಲವಿದೆ. ಸೇನೆಯಲ್ಲಿನ ತಮ್ಮ ಕೆಲಸದ ನಡುವೆ ಅವರು ಎರಡು ಪುಸ್ತಕಗಳನ್ನು ಬರೆದಿದ್ದಾರೆ. 'ಆಫ್ಟರ್‌ಮಥ್ ಆಫ್ ಎ ನ್ಯೂಕ್ಲಿಯರ್ ಅಟ್ಯಾಕ್' ಮತ್ತು '11 ಗೋರ್ಖಾ ರೈಫಲ್ಸ್ ರೆಜಿಮೆಂಟ್ ಸೆಂಟರ್' ಎಂಬುದು ಪ್ರಕಟಿತ ಕೃತಿಗಳಾಗಿವೆ.