ಬೆಂಗಳೂರಿಗೆ ಮೆಟ್ರೊ ರೈಲು ಯೋಜನೆ ತರವಲ್ಲಿ ಹಲವರು ಕೆಲಸ ಮಾಡಿದ್ದು, ಇದರಲ್ಲಿ ಕೇಂದ್ರ ಸಚಿವ ಅನಂತಕುಮಾರ್‌ ಪ್ರಮುಖರು. ಅಟಲ್‌ ಬಿಹಾರಿ ವಾಜಪೇಯಿ ಸರಕಾರ 2002ರಲ್ಲಿ ಮೆಟ್ರೊ ಯೋಜನೆ ತರಲು ರಾಷ್ಟ್ರೀಯ ನಗರ ಯೋಜನೆ ರೂಪಿಸಿತು.
ಹತ್ತು ಲಕ್ಷಕ್ಕಿಂತ ಹೆಚ್ಚಿನ ಜನಸಂಖ್ಯೆ ಇರುವ ಮಹಾನಗರಗಳಿಗೆ ಮೆಟ್ರೊ ಯೋಜನೆ ಮಂಜೂರು ಮಾಡಲಾಯಿತು. ಅಂದಿನ ಕೇಂದ್ರ ನಗರಾಭಿವೃದ್ಧಿ ಸಚಿವರಾಗಿದ್ದ ಅನಂತಕುಮಾರ್‌ ಬೆಂಗಳೂರಿಗೂ ಮೆಟ್ರೊ ಯೋಜನೆ ತಂದುಕೊಡುವಲ್ಲಿ ಕೆಲಸ ಮಾಡಿದರು. ಇದಕ್ಕೆ ಅಂದಿನ ಸಿಎಂ ಎಸ್‌.ಎಂ.ಕೃಷ್ಣ ಸಾಥ್‌ ಕೊಟ್ಟರು.
ಕೊಂಕಣ ರೈಲ್ವೆ ಯೋಜನೆ ರೂವಾರಿ ಹಾಗೂ ಮೆಟ್ರೊ ತಜ್ಞ ಎಂದೇ ಹೆಸರು ಪಡೆದ ಶ್ರೀಧರನ್‌ ಅವರಿಂದ ಕಾರ್ಯಸಾಧ್ಯತಾ ವರದಿಯನ್ನು ಪಡೆಯಲಾಯಿತು. ನಂತರ ಮೆಟ್ರೊ ಯೋಜನೆಗೆ ಚಾಲನೆ ಸಿಕ್ಕಿತು