ಸ್ವದೇಶಿ ನಿರ್ಮಿತ ಯುದ್ಧ ವಿಮಾನ 'ತೇಜಸ್ ' ವಾಯು ಪಡೆಗೆ ಸೇರ್ಪಡೆ
ದೇಸೀ ನಿರ್ಮಿತ ಲಘು ಯುದ್ಧ ವಿಮಾನ ‘ತೇಜಸ್’ ವಿಧ್ಯುಕ್ತವಾಗಿ ಭಾರತೀಯ ವಾಯುಪಡೆಗೆ ಸೇರ್ಪಡೆಗೊಳ್ಳುವುದರ ಮೂಲಕ ಭಾರತದ ದಶಕಗಳ ಕನಸು ಈಡೇರಿದೆ. ಇನ್ನು ಮುಂದೆ ಭಾರತದ ಆಕಾಶ ಹಿಂದೆಂದಿಗಿಂತಲೂ ಹೆಚ್ಚು ಸುರಕ್ಷಿತವಾಗಿರಲಿದೆ ಎಂಬುದರಲ್ಲಿ ಅನುಮಾನವಿಲ್ಲ. ಈ ಹಿನ್ನೆಲೆಯಲ್ಲಿ ತೇಜಸ್ ವಿಮಾನದ ಹಿಂದಿನ ಕತೆಯನ್ನು ಬಿಚ್ಚಿಡುವ ಪ್ರಯತ್ನ ಇಲ್ಲಿದೆ.
-----
ಬೆಂಗಳೂರು: ಸ್ವದೇಶಿ ನಿರ್ಮಿತ ಯುದ್ಧ ವಿಮಾನ ನಿರ್ಮಿಸಿ ಸೇನೆಗೆ ಸೇರ್ಪಡೆಗೊಳಿಸಬೇಕೆನ್ನುವ 33 ವರ್ಷಗಳ ಕನಸು ನನಸಾಗಿದೆ. 4ನೇ ತಲೆಮಾರಿನ ಲಘು ಯುದ್ಧ ವಿಮಾನ ತೇಜಸ್ನ್ನು ಭಾರತೀಯ ವಾಯುಸೇನೆಗೆ ಸೇರ್ಪಡೆಗೊಳಿಸುವ ಮೂಲಕ ಸಾಕಾರಗೊಂಡಿದೆ.
ಯುದ್ಧ ಸಾಮರ್ಥ್ಯ ಹೊಂದಿರುವ ಎರಡು ತೇಜಸ್ ವಿಮಾನಗಳನ್ನು 'ಫ್ಲೈಯಿಂಗ್ ಡ್ಯಾಗರ್ಸ್' (ಸ್ಕ್ವಾಡ್ರನ್) ತಂಡಕ್ಕೆ ಶುಕ್ರವಾರ (ಜು.1)ಅಕೃತವಾಗಿ ಸೇರ್ಪಡೆಗೊಳಿಸಲಾಯಿತು. ಎಚ್ಎಎಲ್ ವ್ಯವಸ್ಥಾಪಕ ನಿರ್ದೇಶಕ ಶ್ರೀಧರನ್ ಅವರು ವಾಯುಸೇನೆ ಅಕಾರಿಗಳಿಗೆ ವಿಮಾನಗಳನ್ನು ಹಸ್ತಾಂತರಿಸಿದರು. ಹಿಂದೂ, ಕ್ರೈಸ್ತ, ಮುಸಲ್ಮಾನ ಹಾಗೂ ಸಿಖ್ಖ ಧರ್ಮದ ಪ್ರಾರ್ಥನೆಯೊಂದಿಗೆ ತೇಜಸ್ ತಂಡಕ್ಕೆ ಶುಭ ಕೋರಲಾಯಿತು.
ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ ಕೇಂದ್ರದ (ಡಿಆರ್ಡಿಒ) ಸ್ವಾಯತ್ತ ಸಂಸ್ಥೆಯಾಗಿರುವ ವೈಮಾನಿಕ ಅಭಿವೃದ್ ಏಜೆನ್ಸಿ(ಎಡಿಎ) ಅಭಿವೃದ್ಪಡಿಸಿ ಹಿಂದೂಸ್ಥಾನ ಏರೋನಾಟಿಕ್ಸ್ ಲಿಮಿಟೆಡ್(ಎಚ್ಎಎಲ್) ಜಂಟಿಯಾಗಿ ನಿರ್ಮಿಸಿರುವ ತೇಜಸ್ ದೇಶದ ಹೆಮ್ಮೆಯಾಗಿದೆ.
ಎಚ್ಎಎಲ್ ವಿಮಾನ ನಿಲ್ದಾಣದಲ್ಲಿ ಗ್ರೂಪ್ ಕ್ಯಾಪ್ಟನ್ ಎಂ.ರಂಗಾಚಾರಿ ಅವರು ಸುಮಾರು 20 ನಿಮಿಷಗಳ ಕಾಲ ಮೋಡ ಮುಸುಕಿದ ಆಕಾಶದಲ್ಲಿ ತೇಜಸ್ ಹಾರಾಟದ ಮೂಲಕ ವೈಮಾನಿಕ ಪ್ರದರ್ಶನ ನೀಡಿದರು. ಬಳಿಕ ವಿಮಾನಕ್ಕೆ ನೀರಿನ ಸಿಂಚನದೊಂದಿಗೆ ಬರಮಾಡಿಕೊಳ್ಳಲಾಯಿತು.
''ಸೇನೆಗೆ ಸೇರ್ಪಡೆ ಬಳಿಕ ತೇಜಸ್ನಲ್ಲಿ ಮೊದಲ ಹಾರಾಟ ನಡೆಸಿರುವುದಕ್ಕೆ ಅತ್ಯಂತ ಖುಷಿಯಾಗಿದೆ. ನಾನು ಹಾರಾಟ ನಡೆಸಿದ ಯುದ್ಧ ವಿಮಾನಗಳಲ್ಲೇ ಇದೊಂದು ಅದ್ಬುತ ವಿಮಾನ. ಶಬ್ಧದ ವೇಗದ 1.6ರಷ್ಟು ಅಂದರೆ ಗಂಟೆಗೆ 2200 ಕಿ.ಮೀ ವೇಗದಲ್ಲಿ ಹಾರಾಟ ನಡೆಸಬಲ್ಲ ಸಾಮರ್ಥ್ಯ ಹೊಂದಿದೆ. ಹೆಚ್ಚಿನ ಸಂಖ್ಯೆಯಲ್ಲಿ ತೇಜಸ್ ವಿಮಾನಗಳ ನಿರ್ಮಾಣಕ್ಕೆ ಮೇಕ್ ಇನ್ ಇಂಡಿಯಾ ಯೋಜನೆ ಸಹಕಾರಿಯಾಗಲಿದ್ದು ಇದು ಬಹುದೊಡ್ಡ ಘಟ್ಟವಾಗಿದೆ'' ಎಂದು ಪೈಲಟ್ ಎಂ.ರಂಗಾಚಾರಿ ತಿಳಿಸಿದರು.
ಮಿರಜ್ ಹಾಗೂ ಮಿಗ್21 ವಿಮಾನದಲ್ಲಿ ಹಾರಾಟ ನಡೆಸಿರುವ ರಂಗಾಚಾರಿ ಅವರು ತೇಜಸ್ ವಿಮಾನದ ಟೆಸ್ಟ್ ಪೈಲಟ್ ಆಗಿದ್ದಾರೆ. ಸುಮಾರು 1,500 ತಾಸುಗಳ ಕಾಲ ವಿಮಾನ ಚಾಲನೆ ಅನುಭವ ಹೊಂದಿದ್ದಾರೆ.
ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಯಾಗಿ ಭಾಗವಹಿಸಿ ಸುದ್ದಿಗಾರರೊಂದಿಗೆ ಪ್ರತ್ಯೇಕವಾಗಿ ಮಾತನಾಡಿದ ದಕ್ಷಿಣ ಏರ್ ಕಮಾಂಡ್ನ ಮುಖ್ಯಸ್ಥ ಏರ್ ಮಾರ್ಷಲ್ ಜಸ್ಬಿರ್ ವಾಲಿಯಾ, ''ಇದು ಐತಿಹಾಸಿಕ ದಿನ. ತೇಜಸ್ ಬಗ್ಗೆ ಎಲ್ಲರೂ ಹೆಮ್ಮೆಯಿಂದಿದ್ದೇವೆ. ಯುದ್ಧ ವಿಮಾನ ತಯಾರಿಯಲ್ಲಿ ದೇಶ ಸ್ವಾವಲಂಬನೆ ಸಾಸುವ ಮೂಲಕ ದೊಡ್ಡ ಮೈಲಿಗಲ್ಲು ಆಗಿದೆ. ವಾಯುಸೇನೆ ಸ್ವಂತ ವಿಮಾನ ಹೊಂದಿದ ಖುಷಿಯಿದೆ. ದಕ್ಷಿಣ ಏರ್ ಕಮಾಂಡ್ನಲ್ಲಿ ತೇಜಸ್ನ ಸ್ಕ್ವಾಡ್ರನ್ ಸ್ಥಾಪನೆಯಾಗಲಿದೆ. ತಮಿಳುನಾಡಿನ ಸೂಲೂರ್ ಏರ್ ಬೇಸ್ ತೇಜಸ್ನ ಕಾಯಂ ತಾಣವಾಗಿರಲಿದೆ. 20 ವಿಮಾನಗಳ ಸ್ಕ್ವಾಡ್ರನ್ ಸಿದ್ಧಗೊಳ್ಳಲು 2 ವರ್ಷಗಳ ಆಗಬಹುದು. ಸೂಲೂರ್ನಲ್ಲಿ ಮೂಲ ಸೌಕರ್ಯ ಅಭಿವೃದ್ ವಿಸ್ತರಣೆ ಕಾರ್ಯ ಭರದಿಂದ ಸಾಗಿದೆ. ಹೊಸ ವಿಮಾನಗಳ ಸೇರ್ಪಡೆ ಮೂಲಕ ಹೊಸ ಸವಾಲುಗಳು ಇರಲಿದ್ದು ಅವುಗಳನ್ನು ಮೆಟ್ಟಿ ನಿಲ್ಲಲಿದ್ದೇವೆ'' ಎಂದರು.
''ಯುದ್ಧ ವಿಮಾನ ತಯಾರಿಸಿ ದೇಶಕ್ಕೆ ಸಮರ್ಪಿಸಲು ತುಂಬಾ ಸಮಯ ಹಿಡಿದಿದೆ ಎಂಬ ಆರೋಪಗಳು ನಿಜವಾದರೂ ಅಭಿವೃದ್ ಕುರಿತ ಸೂಕ್ಷ್ಮ ಮಾಹಿತಿ ಸಾರ್ವಜನಿಕವಾಗಿರಲಿಲ್ಲ. ಅಲ್ಲದೇ, ರಕ್ಷಣೆ ಇಲಾಖೆ, ಸಂಶೋಧನೆಯ ಮಾಹಿತಿ ಲಭ್ಯವಾಗುವುದು ಇಲ್ಲ. ಹೀಗಾಗಿ, ಹಲವರಲ್ಲಿ ಈ ಬಗ್ಗೆ ತಪ್ಪು ಕಲ್ಪನೆ ಇದೆ. ಆದರೆ, ಯುದ್ಧ ವಿಮಾನ ಅಭಿವೃದ್ಯಂತಹ ಸೂಕ್ಷ ್ಮ ವಿಚಾರಗಳಲ್ಲಿ ಕಠಿಣ ನಿಯಮಗಳ ಪಾಲನೆ ಮಾಡಬೇಕಾಗುತ್ತದೆ. ಅದನ್ನು ನಾವು ಪಾಲಿಸಿದ್ದೇವೆ. ಏನೂ ಇಲ್ಲದ ಸ್ಥಿತಿಯಿಂದ ಆರಂಭವಾದ ನಮ್ಮ ಕೆಲಸ ಇಂದು ಆತ್ಯಾಧುನಿಕ ವಿಮಾನ ತಯಾರಿಸಿದ ಘಟ್ಟಕ್ಕೆ ತಲುಪಿದ್ದೇವೆ. ಇದರ ಹಿಂದೆ ಹಲವು ಸರಕಾರಿ ಸಂಸ್ಥೆಗಳ ಪರಿಶ್ರಮವಿದೆ. ಹಲವು ತೊಡಕುಗಳು ಹಾಗೂ ಸಂಬಂಧಪಟ್ಟ ಏಜೆನ್ಸಿಗಳಿಂದ ಅನುಮತಿ, ಗುಣಮಟ್ಟ ಕಾಪಾಡಿಕೊಳ್ಳುವಾಗ ವಿಳಂಬ ಸಹಜ. ಇಷ್ಟು ವರ್ಷ ಕಾಯ್ದ ನಂತರ ಆತ್ಯಾಧುನಿಕ ತಂತ್ರಜ್ಞಾನದ ವಿಮಾನ ನಮ್ಮ ಮುಂದೆ ಇದೆ. ಭವಿಷ್ಯದಲ್ಲಿ 12, ಸಾವಿರ ಕೋಟಿ ರೂ. ವೆಚ್ಚದಲ್ಲಿ 100 ವಿಮಾಅನಗಳ ತಯಾರಿ ಗುರಿ ಇದೆ. ಮೇಕ್ ಇನ್ ಇಂಡಿಯಾ ಯೋಜನೆಯಡಿ ಖಾಸಗಿ ಸಂಸ್ಥೆಗಳು ವಿಮಾನ ನಿರ್ಮಾಣದಲ್ಲಿ ಪಾಲುದಾರರಾಗಬಹುದು. ಅವರಿಗೆ ದೊಡ್ಡ ಅವಕಾಶಗಳು ಇವೆ'' ಎಂದು ಎಚ್ಎಎಲ್ ಸಿಎಂಡಿ ಸುವರ್ಣರಾಜು ಸುದ್ದಿಗಾರರಿಗೆ ತಿಳಿಸಿದರು.
ಎಲ್ಸಿಎ ಅಭಿವೃದ್ಯ ಪಿತಾಮಹ ತೇಜಸ್ ಯೋಜನಾ ನಿರ್ದೇಶಕ ಡಾ.ಕೋಟಾ ಹರಿನಾರಾಯಣ, ''ಸ್ವಂತ ಯುದ್ಧ ವಿಮಾನ ತಯಾರಿಯ ದಶಕಗಳ ಪರಿಶ್ರಮ ಹಾಗೂ ಕಲಿಯುವಿಕೆಯ ಫಲಶ್ರುತಿ ಕೊನೆಗೂ ದಕ್ಕಿದೆ'' ಎಂದು ಹೇಳಿದರು.
**
ತೇಜಸ್ ನಡೆದು ಬಂದ ಹಾದಿ(ಟೈಮ್ಲೈನ್)
1970
ಅವಧಿಯಲ್ಲಿ ಯುದ್ಧ ವಿಮಾನ ನಿರ್ಮಾಣ ಆಲೋಚನೆ
1983 ಆಗಸ್ಟ್
ಈ ಯೋಜನೆಯ ಉದ್ದೇಶಕ್ಕೆ 560 ಕೋಟಿ ರೂ. ಬಿಡುಗಡೆ
1993 ಜೂನ್
560 ಕೋಟಿ ರೂ. ಸೇರಿ 2,188 ಕೋಟಿ ರೂ. ಬಿಡುಗಡೆ
2001 ಜನವರಿ 4
ಎಲ್ಸಿಎ ತೇಜಸ್ ಮೊದಲ ಹಾರಾಟ
2011 ಜನವರಿ
ಪ್ರಾರಂಭಿಕ ಹಾರಾಟ ಕಾರ್ಯಾಚರಣೆ ಯೋಗ್ಯ (ಕ್ಲಿಯರೆನ್ಸ್)
2013 ಡಿಸೆಂಬರ್
ಎರಡನೇ ಪ್ರಾರಂಭಿಕ ಹಾರಾಟ ಕಾರ್ಯಾಚರಣೆ ಯೋಗ್ಯ (ಕ್ಲಿಯರೆನ್ಸ್)
2015 ಜನವರಿ
ತೇಜಸ್ ಮೊದಲ ಹಂತದ ವಿಮಾನಗಳು ವಾಯುಸೇನೆಗೆ ಹಸ್ತಾಂತರ
2016 ಜುಲೈ 1
ವಾಯುಸೇನೆಗೆ ಅಧಿಕೃತ ಸೇರ್ಪಡೆ
2018
20 ವಿಮಾನಗಳ ಪೂರ್ಣ ಪ್ರಮಾಣದ ಸ್ಕ್ವಾಡ್ರನ್ ಸೇರ್ಪಡೆ ನಿರೀಕ್ಷೆ
-----
ಪಾಟಿಂಟರ್ಸ್
55 ಸಾವಿರ ಕೋಟಿ ರೂ.
ಆರಂಭದಿಂದ ಭವಿಷ್ಯದ ಆರ್ಡರ್ಗಳ ಆಧಾರದಲ್ಲಿ ತೇಜಸ್ ವಿಮಾನ ಅಭಿವೃದ್ಧಿ, ಉತ್ಪಾದನೆ ವೆಚ್ಚ
17,500 ಕೋಟಿ ರೂ.
ತಂತ್ರಜ್ಞಾನ ಅಭಿವೃದ್ಧಿಗೆ ವೆಚ್ಚ
37,440 ಕೋಟಿ ರೂ.
ವಾಯು ಸೇನೆ, ನೌಕಾಸೇನೆ ಮಾದರಿ ಹಾಗೂ ಅಭಿವೃದ್ಧಿಪಡಿಸಲಿರುವ 120 ತೇಜಸ್ ವಿಮಾನಗಳ ವೆಚ್ಚ
220ರಿಂದ 250 ಕೋಟಿ ರೂ.
ತೇಜಸ್ ಉತ್ಪಾದನೆ ವೆಚ್ಚ
290ರಿಂದ 300 ಕೋಟಿ ರೂ.
ತೇಜಸ್ ಮಾರ್ಕ್ 1 ಮಾರ್ಕ್ 2 ಉತ್ಪಾದನೆ ವೆಚ್ಚ
ಶೇ.60
ಸ್ವದೇಶಿ ತಂತ್ರಜ್ಞಾನ, ಬಿಡಿಭಾಗಗಳು
- ತೇಜಸ್ ಸಿಂಗಲ್ ಸೀಟ್ ಹಾಗೂ ಟ್ವಿನ್ ಸೀಟ್ ಮಾದರಿ-
*ವಾಯು ಸೇನೆ ಹಾಗೂ ನೌಕಾ ಸೇನೆ ಮಾದರಿ
*ಎತ್ತರ- 4.4 ಮೀಟರ್
*ಉದ್ದ -13.2 ಮೀಟರ್
*ತೂಕ -12 ಟನ್
*ಹಾರಾಟ ಎತ್ತರ- 42 ಸಾವಿರ ಅಡಿವರೆಗೆ
*ಇಂಧನ ಸಾಮರ್ಥ್ಯ 2.500 ಕೆಜಿ
*ಗರಿಷ್ಠ ಹಾರಾಟ - 3 ಸಾವಿರ ಕಿ.ಮೀವರೆಗೆ
*ಯುದ್ಧ ಸಂದರ್ಭದ ಹಾರಾಟ- 500 ಕಿ.ಮೀ ವ್ಯಾಪ್ತಿ
*ಶಸ್ತ್ರಾಸ್ತ್ರಗಳು- ಗನ್, ಬಾಂಬ್, ಮಿಸೈಲ್, ರಾಕೇಟ್, ಡ್ರಾಪ್ ಟ್ಯಾಂಕ್ (4 ಟನ್ವರೆಗೆ )
* ವೇಗ - ಶಬ್ದದ ವೇಗದ 1.6 ಪಟ್ಟು (ಗಂಟೆಗೆ 2,000-2,200 ಕಿ.ಮೀ )
**
ವಾಜಪೇಯಿ ನಾಮಕರಣ ಮಾಡಿದ ತೇಜಸ್
ಶುಕ್ರವಾರ ವಾಯುಪಡೆಗೆ ಸೇರ್ಪಡೆಗೊಂಡ ಸ್ವದೇಶಿ ನಿರ್ಮಿತ ತೇಜಸ್ ಬಗ್ಗೆ ನೀವು ತಿಳಿಯಬೇಕಾದ 10 ಸಂಗತಿಗಳು ಇಲ್ಲಿವೆ;
1. ಮೊದಲ ಎರಡು ತೇಜಸ್ ಲಘು ಯುದ್ಧವಿಮಾನಗಳನ್ನು ಬೆಂಗಳೂರಿನಲ್ಲಿ ಸರಕಾರಿ ಸಂಸ್ಥೆ ಹಿಂದೂಸ್ಥಾನ್ ಏರೋನಾಟಿಕ್ಸ್ ಲಿಮಿಟೆಡ್(ಎಚ್ಎಎಲ್) ವಾಯುಸೇನೆಗೆ ಹಸ್ತಾಂತರಿಸಿದೆ.
2. ತೇಜಸ್ ಕಾಳಗಪಡೆಗೆ 'ಫ್ಲೈಯಿಂಗ್ ಡ್ಯಾಗರ್ಸ್' ಎಂದು ಹೆಸರಿಡಲಾಗಿದೆ.
3. ಎಂ.ರಂಗಾಚಾರಿ ಅವರು ಫ್ಲೈಯಿಂಗ್ ಡ್ಯಾಗರ್ಸ್ ಪಡೆಯ ಮೊದಲ ನಿಯಂತ್ರಣಾಧಿಕಾರಿ. ಅವರ ಕೈಕೆಳಗೆ ಆರಂಭದಲ್ಲಿ ಏಳು ಅಧಿಕಾರಿಗಳು, 42 ವಾಯುಸೇನೆಯ ಯೋಧರು, ಸುಮಾರು 20 ಅಧೀನ ಅಧಿಕಾರಿಗಳು ಕಾರ್ಯ ನಿರ್ವಹಿಸಲಿದ್ದಾರೆ.
4. ಈ ಆರ್ಥಿಕ ವರ್ಷಾಂತ್ಯದೊಳಗೆ ಇನ್ನೂ ಆರು ತೇಜಸ್ ಜೆಟ್ಗಳು ವಾಯುಪಡೆಗೆ ಸೇರಲಿವೆ.
5. ಅಟಲ್ ಬಿಹಾರಿ ವಾಜಪೇಯಿಯವರು ಪ್ರಧಾನಿಯಾಗಿದ್ದಾಗ ಈ ವಿಮಾನಗಳಿಗೆ 'ತೇಜಸ್' (ಕಾಂತಿ) ಎಂದು ನಾಮಕರಣ ಮಾಡಿದ್ದರು.
6. ತೇಜಸ್ ವಿಮಾನಗಳ ನಿರ್ಮಾಣ ಕಾರ್ಯ ಆರಂಭವಾಗಿ 33 ವರ್ಷಗಳ ಬಳಿಕ ವಾಯುಸೇನೆಗೆ ಸೇರ್ಪಡೆಯಾಗಿವೆ.
7. 'ಫ್ಲೈಯಿಂಗ್ ಡ್ಯಾಗರ್ಸ್' ಪಡೆಯು ಮೊದಲೆರಡು ವರ್ಷ ಬೆಂಗಳೂರಿನಲ್ಲೇ ನೆಲೆಯೂರಲಿವೆ.
8. ತೇಜಸ್ನ ಪ್ರತಿ ಪಡೆಯು 20 ವಿಮಾನಗಳನ್ನು ಒಳಗೊಳ್ಳಲಿವೆ.
9. ಅತ್ಯಾಧುನಿಕ ವ್ಯವಸ್ಥೆಗಳನ್ನು ಹೊಂದಿದ ತೇಜಸ್ಗಳಿಗೆ ಒಂದಕ್ಕೆ 275 ಕೋಟಿಯಿಂದ 300 ಕೋಟಿ ರೂ. ವೆಚ್ಚವಾಗಲಿವೆ.
10. ಹಂತಹಂತವಾಗಿ ತೇಜಸ್ ವಿಮಾನಗಳು ಹಾಲಿ ಇರುವ ವಯಸ್ಸಾದ ಮಿಗ್-21 ವಿಮಾನಗಳ ಸ್ಥಾನ ತುಂಬಲಿವೆ.