ಕೃತಕ ಕಾಲು ಅಳವಡಿಸಿದ್ದಕ್ಕೆ ಅಫ್ಘಾನಿಸ್ತಾನ ಬಾಲಕ ಡ್ಯಾನ್ಸ್! ವೀಡಿಯೋ ವೈರಲ್

ಕಾಬುಲ್‌: ಅಫ್ಘಾನಿಸ್ತಾನದಲ್ಲಿ ಯುದ್ಧ, ಸಂಘರ್ಷಕ್ಕೆ ಹಲವರು ತಮ್ಮ ಜೀವವನ್ನೇ ಕಳೆದುಕೊಂಡಿದ್ದಾರೆ. ಅಲ್ಲದೆ, ಇದಕ್ಕೆ ಸಾವಿಗೀಡಾದ ಅಥವಾ ಗಾಯಗೊಳಗಾದ ಮಕ್ಕಳು, ಮಹಿಳೆಯರ ಸಂಖ್ಯೆಯೂ ಹೆಚ್ಚು. 2018ರಲ್ಲೇ 927 ಅಫ್ಘಾನಿಸ್ತಾನದ ಮಕ್ಕಳು ಯುದ್ಧಕ್ಕೆ ಜೀವ ಕಳೆದುಕೊಂಡಿದ್ದಾರೆ ಎಂದು ಉನಾಮಾ ಮಾಹಿತಿ ನೀಡಿದೆ.

ಆದರೆ, ಲ್ಯಾಂಡ್‌ಮೈನ್‌ ಸ್ಫೋಟದಲ್ಲಿ ಬಲಗಾಲು ಕಳೆದುಕೊಂಡಿದ್ದ ಬಾಲಕನ ವೀಡಿಯೋ ಹಲವರಿಗೆ ಭರವಸೆ ನೀಡಿದೆ. ಅಫ್ಘಾನಿಸ್ತಾನದ ಅಂತಾರಾಷ್ಟ್ರೀಯ ರೆಡ್‌ ಕ್ರಾಸ್‌ ಆರ್ಥೋಪೆಡಿಕ್‌ ಸೆಂಟರ್‌ನಲ್ಲಿ ಈ ವೀಡಿಯೋ ಸೆರೆ ಹಿಡಿಯಲಾಗಿದ್ದು, ಕೃತಕ ಕಾಲು ಅಳವಡಿಸಿದ ಬಳಿಕ ಖುಷಿಯಲ್ಲಿ ಡ್ಯಾನ್ಸ್ ಮಾಡಿದ್ದಾನೆ.

ಡ್ಯಾನ್ಸ್ ಇಲ್ಲಿದೆ ನೋಡಿ

ಲೋಗರ್‌ ಪ್ರದೇಶದ ಅಹ್ಮದ್‌ ಎನ್ನುವ ಬಾಲಕ ಲ್ಯಾಂಡ್‌ಮೈನ್‌ ಸ್ಫೋಟದಲ್ಲಿ ತನ್ನ ಕಾಲು ಕಳೆದುಕೊಂಡಿದ್ದ. ಆದರೆ, ಕಾಲ ಅಳವಡಿಸಿದ ಬಳಿಕ ಯಾವುದೇ ನೋವು ಅಥವಾ ಯಾತನೆಯನ್ನು ತೋರಿಸದೆ ಸ್ಥಳೀಯ ಭಾಷೆಯ ಹಾಡಿಗೆ ಕುಣಿದಾಡಿದ್ದಾನೆ. ರೊಯಾ ಮುಸಾವಾಯ್‌ ಎಂಬುವರು ಈ ವೀಡಿಯೋವನ್ನು ಮೊದಲಿಗೆ ಟ್ವಿಟರ್‌ನಲ್ಲಿ ಶೇರ್‌ ಮಾಡಿದ್ದರು. ನಂತರ, ಈ ವೀಡಿಯೋ ಸಿಕ್ಕಾಪಟ್ಟೆ ವೈರಲ್‌ ಆಗಿದೆ.

ಈ ವೀಡಿಯೋಗೆ ನೆಟ್ಟಿಗರು ನೀಡಿರುವ ಪ್ರತಿಕ್ರಿಯೆಗಳನ್ನು ಇಲ್ಲಿ ನೋಡಿ: