ಮರಿಗಳ ರಕ್ಷಣೆಗೆ ಹುಲಿಗಳ ಜತೆ ಕಾದಾಡಿದ ತಾಯಿ ಕರಡಿ - ವೀಡಿಯೋ ನೋಡಿ

ರಣಥಂಬೂರ್‌: ರಾಜಸ್ಥಾನದ ರಣಥಂಬೂರ್‌ ರಾಷ್ಟ್ರೀಯ ಉದ್ಯಾನದಲ್ಲಿ ತಾಯಿ ಕರಡಿಯೊಂದು ತನ್ನ ಮರಿಗಳ ರಕ್ಷಣೆಗೆ ದೈತ್ಯ ಹುಲಿಗಳ ಜತೆ ಕಾದಾಡುವ ರೋಚಕ ವೀಡಿಯೋ ಫೂಟೇಜ್‌ ಪ್ರವಾಸಿಗರ ಕ್ಯಾಮರಾಗೆ ಸೆರೆಯಾಗಿದೆ.

ಎರಡು ಮರಿಗಳ ಜತೆ ಪೊದೆಯತ್ತ ಹೋಗುತ್ತಿದ್ದ ತಾಯಿ ಕರಡಿಯನ್ನು ಎರಡು ದೈತ್ಯ ಹುಲಿಗಳು ಅಡ್ಡ ಗಟ್ಟುತ್ತವೆ. ಓಡಿ ಹೋದರೆ ಮರಿಗಳು ಬಲಿಯಾಗುತ್ತವೆ. ಆದ್ದರಿಂದ ತಾಯಿ ಕರಡಿ ಹುಲಿಗಳ ವಿರುದ್ಧ ಹೋರಾಡಲು ನಿರ್ಧರಿಸುತ್ತದೆ.

ಗಂಡು ಹುಲಿಯನ್ನು ಬೆದರಿಸುವಲ್ಲಿ ತಾಯಿ ಕರಡಿ ಯಶಸ್ವಿಯಾಗುತ್ತದೆ. ಆದರೆ ಹೆಣ್ಣು ಹುಲಿ ಕರಡಿ ಜತೆ ಭೀಕರ ಕಾಳಗಕ್ಕೆ ಇಳಿಯುತ್ತದೆ. ಕರಡಿಯನ್ನು ಕೆಡವಲು ಯಶಸ್ವಿಯಾದರೂ, ಪಟ್ಟು ಬಿಡದ ತಾಯಿ ಕರಡಿಯ ಎದಿರೇಟಿನಿಂದ ಕೊನೆಗೆ ಹುಲಿ ಪರಾರಿಯಾಗುತ್ತದೆ.

ರಣಥಂಬೂರ್‌ ಬಂಗಾಳ ಹುಲಿಗಳಿಗೆ ಪ್ರಸಿದ್ಧಿ ಪಡೆದಿದೆ. ಹಗಲು ಹೊತ್ತಿನಲ್ಲಿ ಹುಲಿಗಳು ಕಾಣಿಸುವುದು ಸರ್ವೇ ಸಾಮಾನ್ಯ. ಇಲ್ಲಿ ಹುಲಿ ಸಫಾರಿಗೆ ಉತ್ತಮ ಸಮಯ ಎಂದರೆ ನವೆಂಬರ್‌ ನಿಂದ ಮೇ ತಿಂಗಳು.