ಹೀಗೂ ಒಂದು ಪ್ರೊಪೋಸ್‌, ಬರ್ಗರ್ ಒಳಗೆ ವೆಡ್ಡಿಂಗ್‌ ರಿಂಗ್‌!

ವಿಶೇಷವಾಗಿ ಪ್ರೊಪೋಸ್‌ ಮಾಡುವ ಮೂಲಕ ಸಂಗಾತಿಯನ್ನು ಒಲಿಸಿಕೊಳ್ಳಬೇಕು ಎಂದು ಹಲವು ದಾರಿಗಳು ಯುವಕರು ಹುಡುಕುತ್ತಲೇ ಇದ್ದಾರೆ. ಕೆಲವು ಎಲ್ಲೋ ಹೋಗಿದ್ದಾಗೆ ಇದ್ದಕ್ಕಿದ್ದಂತೆ ಮಂಡಿಯೂರು ನನ್ನನ್ನು ಮದುವೆಯಾಗುತ್ತಿಯಾ? ಎಂದು ಕೇಳುವವರಿದ್ದಾರೆ. ಇತ್ತೀಚೆಗೆ ಓರ್ವ ಪೈಲಟ್‌ ಗಗನಸಖಿಗೆ ವಿಮಾನದ ಒಳಗೆ ಪ್ರೊಪೋಸ್‌ ಮಾಡುವ ಮೂಲಕ ಸುದ್ದಿಯಾಗಿತ್ತು. ಕೆಲವರು ವೈನ್‌ ಗ್ಲಾಸ್‌ ಒಳಗೆ ಉಂಗುರವನ್ನಿಟ್ಟು ತಮ್ಮ ಅಭಿಲಾಷೆಗಳನ್ನು ಹೇಳುವವರಿದ್ದಾರೆ.

ಈ ಪೈಕಿ ಹೆಚ್ಚೇ ಡಿಫರೆಂಟ್‌ ಎಂಬಂತೆ ಮೆಕ್‌ಡೊನಾಲ್ಡ್‌ನ ಬರ್ಗರ್‌ನಲ್ಲಿ ವೆಡ್ಡಿಂಗ್‌ ರಿಂಗ್‌ ಇರಿಸಿ ಸುದ್ದಿಯಾಗಿದ್ದಾನೆ. ಬರ್ಗರ್‌ ಮಧ್ಯೆ ಸುಂದರವಾದ ವಜ್ರದ ಉಂಗುರವನ್ನು ಇರಿಸಿದ್ದಾನೆ. ತಕ್ಷಣ ಪ್ರೇಯಸಿ ಓಕೆ ಎಂದಿದ್ದಾಳೆ. ಬರ್ಗರ್‌ನಲ್ಲಿರುವ ವರ್ಜದ ಉಂಗುರದ ಚಿತ್ರವನ್ನು ಫೇಸ್‌ಬುಕ್‌ನಲ್ಲಿ ಪ್ರೇಯಸಿ ಶೇರ್‌ ಮಾಡಿಕೊಂಡಿದ್ದಾಳೆ. ಇದೀಗ ಸಾಮಾಜಿಕ ತಾಣಗಳಲ್ಲಿ ವೈರಲ್‌ ಆಗಿದೆ.

ಇದೀಗ ಬರ್ಗರ್‌ ವೆಡ್ಡಿಂಗ್‌ ರಿಂಗ್‌ ಸಾಕಷ್ಟು ಟ್ರೋಲ್‌ಗಳಿಗೂ ಕಾರಣವಾಗಿದೆ. ಕೆಲವರು ಆಕೆಯ ಹಲ್ಲು ಮುರಿಯದೆ ಇರುವುದು ಅದೃಷ್ಟ ಎಂದಿದ್ದಾರೆ. ಕೆಲವರು ಇಂತಹ ಹುಚ್ಚಾಟಕ್ಕೆ ಗದರಿದ್ದು, ಒಂದು ವೇಳೆ ಬರ್ಗರ್‌ ತಿನ್ನುವ ಬರದಲ್ಲಿ ಹೊಟ್ಟೆಯೊಳಗೆ ಹೋಗಿದ್ದರೆ ಏನು ಗತಿ? ಎಂದು ಪ್ರಶ್ನಿಸಿದ್ದಾರೆ.