ಮೊಸಳೆ , ಸಿಂಹಗಳನ್ನೆದುರಿಸಿ ಬದುಕುಳಿದ ಕೋಣ; ವೈರಲ್ ವೀಡಿಯೋ

ಆ ಕೋಣ ಅಸಹಾಯಕ ಸ್ಥಿತಿಯಲ್ಲಿತ್ತು. ನೀರಿಗಿಳಿದರೆ ಮೊಸಳೆಗಳು, ನೆಲದ ಮೇಲೇರಿದರೆ ಸಿಂಹಗಳು ಬಲಿ ಪಡೆಯಲು ಹವಣಿಸುತ್ತಿದ್ದವು. ಆದರೂ ಅದು ಎದಗುಂದಲಿಲ್ಲ. ಏಕಾಂಗಿಯಾಗಿ ಹೋರಾಡಿ, ಎಲ್ಲ ವೈರಿಗಳನ್ನು ಮೆಟ್ಟಿ ನಿಂತು ಪ್ರಾಣ ಕಾಪಾಡಿಕೊಂಡಿತು.

ದಕ್ಷಿಣ ಆಫ್ರಿಕಾದ ಕ್ರುಗರ್ ರಾಷ್ಟ್ರೀಯ ಉದ್ಯಾನವನದಲ್ಲಿ ಈ ದೃಶ್ಯವನ್ನು ಸೆರೆ ಹಿಡಿಯಲಾಗಿದ್ದು, ಬಳಿಕ ಫೇಸ್‌ಬುಕ್‌ನಲ್ಲಿ ಹಂಚಿಕೊಳ್ಳಲಾಗಿದೆ.

ವೀಡಿಯೋದಲ್ಲೇನಿದೆ: ಕೋಣವೊಂದನ್ನು ಸಿಂಹಗಳ ಗುಂಪೊಂದು ಓಡಿಸಿಕೊಂಡು ಬಂದಿವೆ. ಪ್ರಾಣ ರಕ್ಷಿಸಿಕೊಳ್ಳೋಣವೆಂದು ಕೋಣ ನೀರಿಗಿಳಿದಿದೆ. ಆದರೆ ಅಲ್ಲೂ ಅದಕ್ಕೆ ಪ್ರಾಣಾಪಾಯ ಎದುರಾಗಿತ್ತು. ಮೊಸಳೆಯೊಂದು ಅದರ ಮೇಲೆರಗಿತು. ಅದರಿಂದ ತಪ್ಪಿಸಿಕೊಂಡ ಕೋಣ ಪ್ರಾಣ ಉಳಿಸಿಕೊಳ್ಳಲು ನೀರಿನಿಂದ ಮೇಲೆ ಬಂದಿದೆ. ಆದರೆ ಅಲ್ಲಿ ಸಿಂಹಗಳು ಕಾದಿದ್ದವು. ಪ್ರಾಣ ಉಳಿಸಿಕೊಳ್ಳಲು ನೀರಿಗಿಂತ ನೆಲವೇ ಸರಿ ಎಂದುಕೊಂಡ ಕೋಣ ಸಿಂಹಗಳನ್ನು ಎದುರಿಸಿ ನಿಂತಿದೆ. ನಾಲ್ಕೈದು ಸಿಂಹಗಳನ್ನು ಧೈರ್ಯದಿಂದ ಎದುರಿಸಿದೆ.


ಕೆಲ ಹೊತ್ತಿನ ಬಳಿಕ ಕೋಣ-ಎಮ್ಮೆಗಳ ಗುಂಪು ಅಲ್ಲಿಗೆ ಬಂದು ಅದರ ಸಹಾಯಕ್ಕೆ ನಿಲ್ಲುವುದರ ಮೂಲಕ ಎಲ್ಲವೂ ಸುಖಾಂತ್ಯ ಕಂಡಿದೆ.