* ರಾಮ್ ಸುಂದರಂ
ಚೆನ್ನೈ: ಜಗತ್ತಿನಲ್ಲೇ ಅತ್ಯಂತ ಉದ್ದದ ದೋಸೆ ಇದು ಎಂದು ಚೆನ್ನೈ ಮೂಲದ ಸರವಣ ಭವನ್ ಹೋಟೆಲ್ ಘೋಷಿಸಿದೆ. ಇದನ್ನು ತಯಾರಿಸಲು ಒಟ್ಟು 60 ಮಂದಿ ಬಾಣಸಿಗರು ಶ್ರಮಿಸಿದ್ದು ತಂಡದ ಮುಂದಾಳತ್ವವನ್ನು ಐದು ಸಲ ವಿಶ್ವದಾಖಲೆ ನಿರ್ಮಿಸಿರುವ ವಿನೋದ್ ಕುಮಾರ್ ವಹಿಸಿದ್ದರು ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
ಈ ದೋಸೆಯ ಉದ್ದ 100 ಮೀಟರ್ ಇದ್ದು ಐಐಟಿ ಚೆನ್ನೈ ಕ್ಯಾಂಪಸ್‌ನಲ್ಲಿ ತಯಾರಿಸಲಾಗಿದೆ. ಈ ಹಿಂದೆ ಅಹಮದಾಬಾದ್‌ನ ದಾಸ್‍ಪಲ್ಲ ಹೋಟೆಲ್ ಅತ್ಯಂತ ಉದ್ದದ ದೋಸೆಯನ್ನು ತಯಾರಿಸಿತ್ತು. ಅದರ ಉದ್ದ 16.68 ಮೀಟರ್ (54 ಅಡಿ 8.69 ಇಂಚು), ಅದನ್ನು 2014ರಲ್ಲಿ ತಯಾರಿಸಲಾಗಿತ್ತು. ಆ ದಾಖಲೆಯನ್ನು ಈ ಚೆನ್ನೈ ದೋಸೆ ಮುರಿದಿದೆ.
ಜಗತ್ತಿನ ಅತ್ಯಂತ ಉದ್ದದ ಈ ದೋಸೆ ತಯಾರಿಸಲು 37.5 ಕೆಜಿ ದೋಸೆ ಹಿಟ್ಟನ್ನು ಬಳಸಲಾಗಿದೆ. ಇದರಲ್ಲ ಸುಮಾರು 10 ಕೆಜಿ ಅಕ್ಕಿ ಹಿಟ್ಟು, ಎರಡು ಕೆಜಿ ಕಡಲೆ ಸೇರಿದಂತೆ ಉಳಿದ ಅಗತ್ಯ ಪದಾರ್ಥಗಳನ್ನು ಬಳಸಿ ತಯಾರಿಸಲಾಗಿದೆ ಎಂದು ತಿಳಿಸಿದ್ದಾರೆ.
ಈ ಬಗ್ಗೆ ವಿವರ ನೀಡಿರುವ ವಿನೋದ್, "ಸರವಣ ಭವನ್‍ನ ಇಂಜಿನಿಯರ್ ತಂಡ ಇದಕ್ಕೆಂದೇ 105 ಅಡಿಯ ವಿಶೇಷ ದೋಸೆ ಹಂಚನ್ನು ತಯಾರಿಸಿತ್ತು. ಹಂಚಿನ ಉಷ್ಣತೆಯನ್ನು 180-200 ಡಿಗ್ರಿ ಸೆಲ್ಸಿಯಶ್‌ನಷ್ಟು ನಿಯಂತ್ರಿಸಲಾಗಿತ್ತು. ಹಾಗಾಗಿ ದೋಸೆ ಹಿಟ್ಟು ಹಂಚಿಗೆ ಅಂಟಿಕೊಳ್ಳುತ್ತಿರಲಿಲ್ಲ" ಎಂದಿದ್ದಾರೆ.
ಚೆನ್ನೈ: ಜಗತ್ತಿನಲ್ಲೇ ಅತ್ಯಂತ ಉದ್ದದ ದೋಸೆ ಇದು ಎಂದು ಚೆನ್ನೈ ಮೂಲದ ಸರವಣ ಭವನ್ ಹೋಟೆಲ್ ಘೋಷಿಸಿದೆ. ಇದನ್ನು ತಯಾರಿಸಲು ಒಟ್ಟು 60 ಮಂದಿ ಬಾಣಸಿಗರು ಶ್ರಮಿಸಿದ್ದು ತಂಡದ ಮುಂದಾಳತ್ವವನ್ನು ಐದು ಸಲ ವಿಶ್ವದಾಖಲೆ ನಿರ್ಮಿಸಿರುವ ವಿನೋದ್ ಕುಮಾರ್ ವಹಿಸಿದ್ದರು ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.
ಈ ದೋಸೆಯ ಉದ್ದ 100 ಮೀಟರ್ ಇದ್ದು ಐಐಟಿ ಚೆನ್ನೈ ಕ್ಯಾಂಪಸ್‌ನಲ್ಲಿ ತಯಾರಿಸಲಾಗಿದೆ. ಈ ಹಿಂದೆ ಅಹಮದಾಬಾದ್‌ನ ದಾಸ್‍ಪಲ್ಲ ಹೋಟೆಲ್ ಅತ್ಯಂತ ಉದ್ದದ ದೋಸೆಯನ್ನು ತಯಾರಿಸಿತ್ತು. ಅದರ ಉದ್ದ 16.68 ಮೀಟರ್ (54 ಅಡಿ 8.69 ಇಂಚು), ಅದನ್ನು 2014ರಲ್ಲಿ ತಯಾರಿಸಲಾಗಿತ್ತು. ಆ ದಾಖಲೆಯನ್ನು ಈ ಚೆನ್ನೈ ದೋಸೆ ಮುರಿದಿದೆ.
ಜಗತ್ತಿನ ಅತ್ಯಂತ ಉದ್ದದ ಈ ದೋಸೆ ತಯಾರಿಸಲು 37.5 ಕೆಜಿ ದೋಸೆ ಹಿಟ್ಟನ್ನು ಬಳಸಲಾಗಿದೆ. ಇದರಲ್ಲ ಸುಮಾರು 10 ಕೆಜಿ ಅಕ್ಕಿ ಹಿಟ್ಟು, ಎರಡು ಕೆಜಿ ಕಡಲೆ ಸೇರಿದಂತೆ ಉಳಿದ ಅಗತ್ಯ ಪದಾರ್ಥಗಳನ್ನು ಬಳಸಿ ತಯಾರಿಸಲಾಗಿದೆ ಎಂದು ತಿಳಿಸಿದ್ದಾರೆ.
ಈ ಬಗ್ಗೆ ವಿವರ ನೀಡಿರುವ ವಿನೋದ್, "ಸರವಣ ಭವನ್‍ನ ಇಂಜಿನಿಯರ್ ತಂಡ ಇದಕ್ಕೆಂದೇ 105 ಅಡಿಯ ವಿಶೇಷ ದೋಸೆ ಹಂಚನ್ನು ತಯಾರಿಸಿತ್ತು. ಹಂಚಿನ ಉಷ್ಣತೆಯನ್ನು 180-200 ಡಿಗ್ರಿ ಸೆಲ್ಸಿಯಶ್‌ನಷ್ಟು ನಿಯಂತ್ರಿಸಲಾಗಿತ್ತು. ಹಾಗಾಗಿ ದೋಸೆ ಹಿಟ್ಟು ಹಂಚಿಗೆ ಅಂಟಿಕೊಳ್ಳುತ್ತಿರಲಿಲ್ಲ" ಎಂದಿದ್ದಾರೆ.