ಟಿವಿ ಆ್ಯಂಟೆನಾದ ಮೇಲೆ ಹೆಬ್ಬಾವಿನ ಬೇಟೆ (ವೀಡಿಯೋ)

ಮನೆಯೊಳಗೆ, ವಾಹನಗಳೊಳಗೆ ಹೆಬ್ಬಾವುಗಳು ಸಿಕ್ಕಿದ ಬೇಟೆಯನ್ನು ನುಂಗುತ್ತಿರುವುದನ್ನು ನೋಡಿ ಬೆಚ್ಚಿ ಬಿದ್ದ ಘಟನೆಗಳ ಬಗ್ಗೆ ಓದಿರುತ್ತೀರಿ. ಆದರೆ ಈ ಘಟನೆಗಳು ಹೆಚ್ಚೆಚ್ಚು ಕೇಳಿ ಬರುವುದರಿಂದ ಸಾಮಾನ್ಯ ಸಂಗತಿ ಎಂದೆನಿಸಬಹುದು.

ಆದರೆ ಆಸ್ಟ್ರೇಲಿಯಾದ ಕಿಂಗ್ಸ್‌ಕ್ಲಿಫ್‌ನ ಮನೆಯೊಂದರ ಮೇಲಿನ ಟಿವಿ ಆ್ಯಂಟೆನಾದ ಮೇಲೆ ಹೆಬ್ಬಾವು ಕಾಣಿಸಿಕೊಂಡಿದ್ದು, ದೊಡ್ಡ ಗಾತ್ರದ ಹಕ್ಕಿಯನ್ನು ಹಿಡಿದು ನುಂಗುತ್ತಿದ್ದ ಘಟನೆ ನಡೆದಿದೆ. ನೋಡುಗರನ್ನು ಬೆಚ್ಚಿ ಬೀಳಿಸುವಂತಿರುವ ದೃಶ್ಯ ಇದೀಗ ಸಾಮಾಜಿಕ ತಾಣಗಳಲ್ಲಿ ವೈರಲ್‌ ಆಗಿದೆ.

ಆ್ಯಂಟೆನಾದಲ್ಲಿ ಜೋತಾಡುತ್ತ ಹಕ್ಕಿಯನ್ನು ನುಂಗುತ್ತಿರುವ ಹೆಬ್ಬಾವಿನ ವೀಡಿಯೋವನ್ನು ಮನೆಯ ಮಾಲೀಕ ಕ್ಯಾಥಿ ಗಾಲ್‌ ಸೆರೆ ಹಿಡಿದಿದ್ದಾರೆ. ಫೇಸ್‌ಬುಕ್‌ನಲ್ಲಿ ಹೆಬ್ಬಾವಿನ ಬೇಟೆಯ ದೃಶ್ಯವನ್ನು ಪೋಸ್ಟ್‌ ಮಾಡಿದ್ದು, ಲಕ್ಷಾಂತರ ಮಂದಿ ವೀಕ್ಷಿಸಿದ್ದಾರೆ.

ಸುಮಾರು ಒಂದುವರೆ ಗಂಟೆಯ ವರೆಗೆ ಟಿವಿ ಆ್ಯಂಟೆನಾದಲ್ಲಿ ಹೆಬ್ಬಾವು ಅದೇ ಸ್ಥಿತಿಯಲ್ಲಿ ಜೋತಾಡುತ್ತಿತ್ತು ಎಂದು ಕ್ಯಾಥಿ ವಿವರಿಸಿದ್ದಾರೆ.

https://www.facebook.com/cathy.gall/videos/10216030588551081/