ನೀನು ನನ್ನೊಂದಿಗೆ ಸೆಕ್ಸ್ ಮಾಡು, ಇಲ್ಲದಿದ್ದರೆ ಕಾಯಿಲೆ ಬೀಳುತ್ತೇನೆ: ಮಹಿಳೆಗೆ ಒತ್ತಾಯಿಸಿದ ವ್ಯಕ್ತಿ!

ಅಹಮದಾಬಾದ್: 24 ವರ್ಷದ ಮಹಿಳೆಯೊಬ್ಬರು ಅಪರಿಚಿತ ವ್ಯಕ್ತಿಯೊಬ್ಬರ ವಿರುದ್ಧ ದೂರು ನೀಡಿದ್ದು, ''ಆತ ತನ್ನೊಂದಿಗೆ ಲೈಂಗಿಕ ಕ್ರಿಯೆ ನಡೆಸುವಂತೆ ಬೇಡಿಕೊಂಡ'' ಎಂದು ದೂರು ನೀಡಿದ್ದಾರೆ. ತನ್ನ ತೋಳುಗಳಲ್ಲಿ ನನ್ನನ್ನು ಹಿಡಿದು ಸೆಕ್ಸ್ ಮಾಡಬೇಕೆಂದು ಬೇಡಿಕೊಂಡ ಎಂದು ಪೊಲೀಸರಿಗೆ ದೂರು ಕೊಟ್ಟಿರುವ ಘಟನೆ ಗುಜರಾತ್‌ನ ಅಹಮದಾಬಾದ್‌ ನಗರದ ಜುಹಾಪುರ ಪ್ರದೇಶದಲ್ಲಿ ನಡೆದಿದೆ.

ಅಲ್ಲದೆ, ''ಲೈಂಗಿಕ ಕ್ರಿಯೆ ನಡೆಸುವಂತೆ ವೈದ್ಯರು ನನಗೆ ಸಲಹೆ ನೀಡಿದ್ದಾರೆ. ನೀನು ನನ್ನೊಂದಿಗೆ ಸೆಕ್ಸ್ ಮಾಡದಿದ್ದರೆ ನಾನು ಅನಾರೋಗ್ಯಕ್ಕೊಳಗಾಗುತ್ತೇನೆ ಎಂದು ಅಪರಿಚಿತ ವ್ಯಕ್ತಿ ನನ್ನ ಮನೆಗೆ ನುಗ್ಗಿ ನನ್ನನ್ನು ಬೇಡಿಕೊಂಡ'' ಎಂದೂ ವೇಜಲ್‌ಪುರ ಪೊಲೀಸ್‌ ಠಾಣೆಗೆ ಮಹಿಳೆ ದೂರು ನೀಡಿದ್ದು, ಈ ಸಂಬಂಧ ಎಫ್‌ಐಆರ್‌ ದಾಖಲಿಸಿಕೊಳ್ಳಲಾಗಿದೆ.

''ನನ್ನ ಪತಿ ಕೆಲಸಕ್ಕೆ ಹೋಗುತ್ತಿದ್ದರು. ಒಬ್ಬಳೇ ಮನೆಯಲ್ಲಿದ್ದ ನಾನು ಮನೆಕೆಲಸದಲ್ಲಿ ತಲ್ಲೀನನಾಗಿದ್ದೆ. ಆ ವೇಳೆ, ಹೆಚ್ಚು ಗಡ್ಡ ಬಿಟ್ಟಿದ್ದ ಅಪರಿಚಿತ ವ್ಯಕ್ತಿಯೊಬ್ಬರು ನನ್ನ ಮನೆಯೊಳಗೆ ಬಂದರು. ಅಲ್ಲದೆ, ನೀನು ಸುಂದರವಾಗಿದ್ದೀಯ, ನಿನ್ನಂತಹವಳನ್ನೇ ಮದುವೆಯಾಗಬೇಕೆಂದು ನಾನು ಬಯಸಿದ್ದೇನೆ'' ಎಂದು ಆತ ಹೇಳಿದ ಎಂದು ಸಹ ಎಫ್‌ಐಆರ್‌ನಲ್ಲಿ ದಾಖಲಿಸಲಾಗಿದೆ.

''ಅಷ್ಟು ಹೇಳುತ್ತಿದ್ದಂತೆ ನನ್ನ ಕೈ ಹಿಡಿದುಕೊಂಡ ಆತ ಬಲವಂತವಾಗಿ ನನಗೆ ಮುತ್ತು ಕೊಟ್ಟ. ಬಳಿಕ, ನಾನು ಲೈಂಗಿಕ ಕ್ರಿಯೆ ನಡೆಸದಿದ್ದರೆ ನಾನು ಅನಾರೋಗ್ಯಕ್ಕೀಡಾಗುತ್ತೇನೆ ಎಂದು ವೈದ್ಯರು ಎಚ್ಚರಿಸಿದ್ದಾರೆ ಎಂದು ಹೇಳಿದ'' ಎಂದೂ ದೂರುದಾರ ಮಹಿಳೆ ದೂರಿನಲ್ಲಿ ತಿಳಿಸಲಾಗಿದೆ.

ಬಳಿಕ, ''ನಾನು ಈಗಾಗಲೇ ಮದುವೆಯಾಗಿದ್ದೇನೆ, ನನ್ನ ಪತಿ ಕೆಲಸಕ್ಕೆ ಹೋಗಿದ್ದು, ನನ್ನನ್ನು ಬಿಟ್ಟುಬಿಡುವಂತೆ ಕೇಳಿಕೊಂಡೆ. ಜತೆಗೆ, ನಾನು ಗರ್ಭಿಣಿ ಎಂದೂ ಹೇಳಿಕೊಂಡೆ'' ಎಂದೂ ಮಹಿಳೆ ದೂರಿನಲ್ಲಿ ಹೇಳಿಕೊಂಡಿದ್ದಾರೆ.

ಆದರೆ, ಇದಕ್ಕೆ ಉತ್ತರಿಸಿದ ಆತ, ''ನೀನು ನನ್ನ ಗೆಳತಿ ಇದ್ದಂತೆ, ನಮ್ಮಿಬ್ಬರ ಹುಟ್ಟೂರು ಒಂದೇ ಆಗಿರುವುದರಿಂದ ನೀನು ನನ್ನನ್ನು ಮನರಂಜಿಸಬೇಕು ಎಂದ. ಅಲ್ಲದೆ, ನಿನ್ನಂತಹ ಹುಡುಗಿಯನ್ನು ಮದುವೆಯಾಗಲು ನನಗೆ ಸಹಾಯ ಮಾಡು ಎಂದೂ ಕೇಳಿಕೊಂಡ. ಜತೆಗೆ ನನ್ನ ಮೊಬೈಲ್ ನಂಬರ್ ಕೂಡ ಕೇಳಿ ಸೆಕ್ಸ್‌ಗೆ ಒತ್ತಾಯಿಸಿದ. ಆದರೆ, ನಮ್ಮಿಬ್ಬರಿಗೂ ವಯಸ್ಸಿನ ಅಂತರ ಬಹಳ ಇದೆ ಎಂದು ನಾನು ಹೇಳಿದೆ. ಜತೆಗೆ, ನನ್ನ ಮನಸ್ಥಿತಿ ನೋಡಿಕೊಂಡು ಅತ ವಾಪಸ್‌ ತೆರಳಿದ'' ಎಂದು ಅಹಮದಾಬಾದ್‌ನಲ್ಲಿ ದೂರುದಾರ ಮಹಿಳೆ ಪೊಲೀಸರಿಗೆ ನೀಡಿರುವ ದೂರಿನಲ್ಲಿ ಹೇಳಿದ್ದಾರೆ.