ರಕ್ಷಕರ ಜತೆ ಸ್ಟೈಲಾಗಿ ನಿಂತು ಸೆಲ್ಫಿಗೆ ಪೋಸ್‌ ಕೊಟ್ಟ ಗೋರಿಲ್ಲಾಗಳು!

ಸಾಮಾಜಿಕ ತಾಣಗಳಲ್ಲಿ ಸೆಲ್ಫಿಗೆ ಸ್ಟೈಲಾಗಿ ಪೋಸ್‌ ಕೊಟ್ಟ ಗೋರಿಲ್ಲಾಗಳ ಚಿತ್ರಗಳು ದೂಳೆಬ್ಬಿಸಿವೆ. ವನ್ಯ ಜೀವಿ ರಕ್ಷಣಾ ಅಧಿಕಾರಿಗಳ ಜತೆ ಸೆಲ್ಫಿಗೆ ಪೋಸ್‌ ನೀಡುವ ಮೂಲಕ ನೆಟ್ಟಿಗರ ಮನ ಗೆದ್ದಿದ್ದಾವೆ.

ಕಾಂಗೊದ ಡೆಮಾಕ್ರಟಿಕ್‌ ರಿಪಬ್ಲಿಕ್‌ನ ವಿರುಂಗ ರಾಷ್ಟ್ರೀಯ ವನ್ಯಜೀವಿ ಧಾಮದಲ್ಲಿ ಈ ಚಿತ್ರಗಳನ್ನು ಕ್ಲಿಕ್ಕಿಸಲಾಗಿದ್ದು, ಫೇಸ್‌ಬುಕ್‌, ಟ್ವೀಟರ್‌, ಇನ್ಸ್‌ಟಾಗ್ರಾಮ್‌ ಸೇರಿದಂತೆ ಎಲ್ಲಾ ಸಾಮಾಜಿಕ ತಾಣಗಳಲ್ಲಿ ಭಾರಿ ಸಂಚಲನ ಸೃಷ್ಟಿಸಿವೆ. ಎರಡು ಗೋರಿಲ್ಲಾಗಳ ಹೆಸರು ನಡಕಾಸಿ ಮತ್ತು ಮಟಾಬಿಶಿ!

ವನ್ಯಜೀವಿಗಳ ಪ್ರಾಮುಖ್ಯತೆ ಮತ್ತು ಅವುಗಳ ರಕ್ಷಣೆ ಮಾಡುವ ಕರ್ತವ್ಯದ ಬಗ್ಗೆ ಜಗತ್ತಿಗೆ ಬೆಳಕು ಚೆಲ್ಲುವ ಉದ್ದೇಶದಿಂದ ದಿ ಎಲೈಟ್‌ ಆ್ಯಂಟಿ ಪೋಚಿಂಗ್‌ ಯುನಿಟ್ಸ್‌ ಆ್ಯಂಡ್‌ ಕಂಬಾತ್‌ ಟ್ರಾಕರ್ಸ್‌ ತನ್ನ ಅಧಿಕೃತ ಫೇಸ್‌ಬುಕ್‌ ಪೇಜ್‌ನಲ್ಲಿ ರಕ್ಷಣಾ ಅಧಿಕಾರಿಗಳ ಜತೆಗೆ ಸೆಲ್ಫಿಗೆ ಪೋಸ್‌ ನೀಡುತ್ತಿರುವ ಗೋರಿಲ್ಲಾಗಳ ಚಿತ್ರಗಳನ್ನು ಅಪ್‌ಲೋಡ್‌ ಮಾಡಲಾಗಿದೆ.