ತಂದೆಯನ್ನು ಉಳಿಸಿಕೊಳ್ಳಲು ತನ್ನ ಲಿವರ್ ಅನ್ನೇ ದಾನ ಮಾಡಿದ ಪುತ್ರಿ! ನೆಟ್ಟಿಗರಿಂದ ಮೆಚ್ಚುಗೆ

ಕೋಲ್ಕತ: ಮಗಳು ತನ್ನ ತಂದೆಗೆ ತನ್ನ ಯಕೃತ್ತು ( ಲಿವರ್ ) ಅನ್ನು ದಾನ ಮಾಡಿರುವುದನ್ನು ಉದ್ಯಮಿ ಹರ್ಷ್ ಗೋಯೆಂಕಾ ಟ್ವೀಟ್‌ ಮಾಡಿ ಆಕೆಯನ್ನು ಹೊಗಳಿದ್ದಾರೆ. ಈ ಟ್ವೀಟ್‌ ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್‌ ಆಗಿದೆ.

ರಾಖಿ ದತ್ತಾ ಎನ್ನುವ 19 ವರ್ಷದ ಯುವತಿ ತನ್ನ ತಂದೆ ಸಾವು ಬದುಕಿನಿಂದ ಹೋರಾಡುತ್ತಿದ್ದರು ಎಂಬ ಕಾರಣಕ್ಕೆ ತನ್ನ ದೇಹದ ಶೇ. 65 ರಷ್ಟು ಯಕೃತ್ತನ್ನು ತಂದೆಗೆ ದಾನ ಮಾಡಿದ್ದಾರೆ. ಆಕೆಯ ತಂದೆ ಯಕೃತ್ತು ಕಾಯಿಲೆಯಿಂದ ಬಳಲುತ್ತಿದ್ದರು ಎಂದು ತಿಳಿದುಬಂದಿದೆ.

ತನ್ನ ತಂದೆ ಮೇಲೆ ಆಕೆಗಿರುವ ಪ್ರೀತಿಯನ್ನು ನೆಟ್ಟಿಗರು ಮೆಚ್ಚಿಕೊಂಡಿದ್ದು, ಇದು ಹೆಣ್ಣು ಮಕ್ಕಳಿಂದ ಮಾತ್ರ ಸಾಧ್ಯ. ಆಪರೇಷನ್‌ ಬಳಿಕ ಆಕೆಗೆ ತನ್ನ ದೇಹದ ಮೇಲೆ ಆಗುವ ಕಲೆ, ನೋವು, ತನ್ನ ಜೀವಕ್ಕಾಗಬಹುದಾದ ಅಪಾಯ ಇವೆಲ್ಲವನ್ನು ಮರೆತು ತನ್ನ ಯಕೃತ್ತನೇ ದಾನ ಮಾಡಿರುವುದಕ್ಕೆ ತೀವ್ರ ಮೆಚ್ಚುಗೆ ವ್ಯಕ್ತವಾಗಿದೆ.

ಖ್ಯಾತ ಉದ್ಯಮಿ ಹರ್ಷ್ ಗೋಯೆಂಕಾ ಸಹ ಇದೇ ರೀತಿ ಟ್ವೀಟ್‌ ಮಾಡಿಕೊಂಡಿದ್ದಾರೆ. ಅವರ ಟ್ವೀಟ್‌ ಅನ್ನು 5 ಸಾವಿರಕ್ಕೂ ಅಧಿಕ ಮಂದಿ ರೀ ಟ್ವೀಟ್‌ ಮಾಡಿಕೊಂಡಿದ್ದು, ಇದಕ್ಕೆ 22 ಸಾವಿರಕ್ಕೂ ಹೆಚ್ಚು ಲೈಕ್ಸ್ ಸಿಕ್ಕಿದೆ.
ಈ ಟ್ವೀಟ್‌ಗೆ ಹಲವು ನೆಟ್ಟಿಗರು ಕಾಮೆಂಟ್‌ ಮಾಡಿದ್ದು, ಒಬ್ಬರಂತೂ, ಇದನ್ನು ನೋಡಿ ನನ್ನ ತಂದೆ ನೆನಪಾದರು. ಅವರು ಇರಬೇಕಿತ್ತು. ಇದು ಮಗಳಿಂದ ಮಾತ್ರ ಸಾಧ್ಯ ಎಂದಿದ್ದಾರೆ.

ಇನ್ನು, ಹೆಣ್ಣು ಮಗುವಿನ ತಂದೆಯೊಬ್ಬರು ''ಹೆಣ್ಣು ಮಕ್ಕಳಿಗೆ ಬೆಲೆ ಕಟ್ಟಲಾಗದು'' ಎಂದು ಟ್ವೀಟ್‌ ಮಾಡಿದ್ದಾರೆ. ಇದೇ ರೀತಿ, ರಾಖಿ ದತ್ತಾಗೆ ಮೆಚ್ಚುಗೆ ವ್ಯಕ್ತಪಡಿಸಿ ಹಲವರು ಟ್ವೀಟ್ ಹಾಗೂ ಕಾಮೆಂಟ್‌ ಮಾಡಿದ್ದಾರೆ.