ಈ ಫೋಟೋದ ಹಿಂದಿದೆ ಸ್ವಾರಸ್ಯಕರ ಕತೆ

ಕೆಲವೊಂದು ಘಟನೆಗಳು ಕಾಕತಾಳೀಯ ಅನಿಸಿದರೂ ತುಂಬಾ ಸ್ವಾರಸ್ಯಕರವಾಗಿರುತ್ತದೆ. ಅಂಥದ್ದೊಂದು ಘಟನೆ ಕುರಿತು ಹೇಳುತ್ತಿದ್ದೇವೆ.

ಈ ಫೋಟೊದಲ್ಲಿರುವುದು ಚೈನಾ ದಂಪತಿ. ಈ ಫೋಟೋ ಅವರು ಮದುವೆಯಾಗುವುದಕ್ಕಿಂತ ಮೊದಲು ತೆಗೆದಂಥ ಫೋಟೋ. ಅದರಲ್ಲೇನು ವಿಶೇಷ? ಮದುವೆಯಾಗುವ ಮೊದಲು ಅವರಿಬ್ಬರು ಪ್ರೇಮಿಗಳಾಗಿರಬಹುದು ಎಂದು ಭಾವಿಸಿದ್ದೀರಾ? ಇಲ್ಲೇ ಇರುವುದು ಸ್ವಾರಸ್ಯ.

ಈ ಫೋಟೋದಲ್ಲಿ ಒಂದೇ ಫ್ರೇಮ್‌ ಬಂದಿದ್ದರೂ ಅವರಿಬ್ಬರಿಗೆ ಆಗ ಒಬ್ಬರಿಗೊಬ್ಬರು ಪರಿಚಯ ಕೂಡ ಇರಲಿಲ್ಲ. ಈ ಫೋಟೋವನ್ನು 2000ನೇ ಇಸವಿಯಲ್ಲಿ ತೆಗೆದದ್ದು, ಆದರೆ ಅವರಿಬ್ಬರ ಮದುವೆಯಾಗಿದ್ದು 2011ರಲ್ಲಿ!

2000ನೇ ಇಸವಿಯ ಮೇ ತಿಂಗಳಿನಲ್ಲಿ ಕ್ವಿಂಗಾಡೋಗೆ ಭೇಟಿ ನೀಡಿದ್ದಾರೆ. ಆಗ ಆಕೆ ತೆಗೆದ ಪೋಟೋದಲ್ಲಿ ಈತನು ಬಂದಿದ್ದಾನೆ. ಟ್ರಿಪ್‌ ಹೋದಾಗ ತೆಗೆಯುವ ಫೋಟೋಗಳಲ್ಲಿ ಕೆಲವೊಮ್ಮೆ ಅಲ್ಲಿಗೆ ಬಂದಿದ್ದವರೂ ನಮ್ಮ ಫ್ರೇಮ್‌ನಲ್ಲಿ ಬರುತ್ತಾರೆ. ಆದರೆ ನಾವು ಅವರ ಕಡೆ ಗಮನ ಕೊಡುವುದೇ ಇಲ್ಲ. ಅದೇ ರೀತಿ ಈಕೆ ಕೂಡ ಆಗ ಗಮನಿಸಿರಲಿಲ್ಲ. ಇತ್ತೀಚೆಗೆ ಏಕೋ ಹಳೆಯ ಫೋಟೋ ನೋಡಿದಾಗ ಆ ಫೋಟೊದಲ್ಲಿ ತಾವಿಬ್ಬರು ಸೆರೆಯಾಗಿರುವುದು ಅಚ್ಚರಿ ತಂದಿದೆ. ಇದನ್ನೇ ಸೋಷಿಯಲ್‌ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.