ಭಾರಿ ಪ್ರೇಕ್ಷಕರಿಂದ ತುಂಬಿದ್ದ ಸರ್ಕಸ್‌ನಲ್ಲಿ ತರಬೇತುದಾರನ ಮೇಲೆ ಸಿಂಹ ದಾಳಿ (ವೀಡಿಯೋ)

ಉಕ್ರೇನ್‌ ಲುಗಾನ್‌ಸ್ಕ್‌ ಪ್ರದೇಶದಲ್ಲಿ ನಡೆದ ಸರ್ಕಸ್‌ ಒಂದರಲ್ಲಿ ಸಿಂಹವೊಂದು ತರಬೇತುದಾರನ ಮೇಲೆ ದಾಳಿ ನಡೆಸಿದೆ.

ಭಾರಿ ಪ್ರೇಕ್ಷಕರನ್ನು ತುಂಬಿದ್ದ ಗ್ಯಾಲರಿ ಮಧ್ಯೆ ನಡೆಯುತ್ತಿದ್ದ ಸರ್ಕಸ್‌ ಶೋ ವೇಳೆ ಘಟನೆ ನಡೆದಿದೆ. ಎಲ್ಲರೂ ನೋಡ ನೋಡುತ್ತಿದ್ದಂತೆ ಸಡನ್‌ ಆಗಿ ಸಿಟ್ಟಿಗೆದ್ದ ಸಿಂಹ ತರಬೇತುದಾರನ ಮೇಲೆ ದಾಳಿ ಮಾಡಿ ಕೆಳಗೆ ಬೀಳಿಸಿದೆ. ಅದೃಷ್ಟವಶಾತ್‌ ತರಬೇತುದಾರ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ. ದಾಳಿ ವೇಳೆ ಭುಜದ ಮೇಲೆ ಸಿಂಹದ ಹಲ್ಲು ಒಳಹೊಕ್ಕಿದ್ದು ಗಂಭೀರ ಗಾಯವಾಗಿದೆ. ಹೊಟ್ಟೆಯ ಮೇಲೂ ತರಚಿದ ಗಾಯವಾಗಿದೆ.

ಈ ಬಗ್ಗೆ ಪ್ರತಿಕ್ರಿಯಿಸಿರುವ ತರಬೇತುದಾರ ಪ್ರಾಣಿಗಳು ತರಬೇತುದಾರರ ಮೇಲೆ ದಾಳಿ ನಡೆಸುತ್ತವೆ ಎಂದರೆ ಅದು ಸಂಪೂರ್ಣವಾಗಿ ತರಬೇತುದಾರನ ತಪ್ಪಾಗಿರುತ್ತದೆ. ಅದೇನೆ ಆದರು ಅವುಗಳು ನನ್ನ ಮಕ್ಕಳಿದ್ದಂತೆ. ಏನು ಬೇಕಿದ್ದರೂ ನಡೆಯ ಬಹುದು ಎಂಬ ಅರಿವಿದೆ. ಅವುಗಳನ್ನು ನಾನು ಮನುಷ್ಯರಿಗಿಂತ ಹೆಚ್ಚಾಗಿ ನಂಬುತ್ತೇನೆ. ದಾಳಿ ನಡೆಯುತ್ತಿದ್ದಂತೆ ಸಿಂಹವನ್ನು ಸಮಾದಾನ ಪಡಿಸಿದೆ. ನಂತರ ಮೊದಲಿನಂತೆ ಸರ್ಕಸ್‌ ನಡೆಸಿದೆವು ಎಂದಿದ್ದಾರೆ.

ಸರ್ಕಸ್‌ ಸಿಂಹ ತರಬೇತುದಾರನ ಮೇಲೆ ನಡೆಸಿದ ದಾಳಿಯ ವೀಡಿಯೋ ಸಾಮಾಜಿಕ ತಾಣಗಳಲ್ಲಿ ವೈರಲ್‌ ಆಗಿದೆ.