ಇಂಟರ್‌ನೆಟ್‌ ಸೆನ್ಸೆಷನ್‌ ಮಿಜೋರಾಂ ಬಾಲಕನಿಗೆ ಇದೆ ಕರ್ನಾಟಕದ ನಂಟು

ಬೆಂಗಳೂರು: ತಾನು ಗಾಯಗೊಳಿಸಿದ ಕೋಳಿ ಮರಿಯನ್ನು ಆಸ್ಪತ್ರೆಗೆ ಕರೆದುಕೊಂಡು ಹೋಗಿ ಲಕ್ಷಾಂತರ ಜನರ ಹೃದಯ ಗೆದ್ದಿದ್ದ ಮಿಜೋರಾಂ ಬಾಲಕ ಇಂಟರ್‌ನೆಟ್‌ನಲ್ಲಿ ಸಖತ್‌ ಸೆನ್ಸೆಷನ್‌ ಆಗಿದ್ದಾನೆ.

6 ವರ್ಷದ ಮಿಜೋರಾಂ ಮೂಲದ ಬಾಲಕ ಡೆರೆಕ್ ಸಿ ಲಾಲ್ಛಾನ್ಹಿಮಾನನ್ನು ಆತ ಓದುತ್ತಿರುವ ಶಾಲೆ ಸನ್ಮಾನ ಮಾಡಿದೆ. ಬಾಲಕನ ಪ್ರಾಮಾಣಿಕತೆ ಮತ್ತು ಸಹಾನುಭೂತಿಗೆ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗಿದ್ದು ಮಾಧ್ಯಮಗಳಲ್ಲಿ ಹಾಗೂ ಸಾಮಾಜಿಕ ಜಾಲತಾಣಗಳಲ್ಲಿ ಈತ ಸೆನ್ಸೇಷನ್‌ ಆಗಿದ್ದಾನೆ.

ಈಗ ಮತ್ತೊಂದು ಸೆನ್ಸೆಷನ್‌ ವಿಷಯ ಎಂದರೆ ಈ ಬಾಲಕನಿಗೂ ಕರ್ನಾಟಕಕ್ಕೂ ಸಂಬಂಧ ಇದೆ ಎಂದು.

ಗೊತ್ತಾಗದೆ ಸೈಕಲ್‌ ಹತ್ತಿಸಿ ಗಾಯಗೊಳಿಸಿದ ಕೋಳಿ ಮರಿಯನ್ನು ಆಸ್ಪತ್ರೆಗೆ ಸೇರಿಸಿದ ಬಾಲಕ.
ಸಾಮಾಜಿಕ ಮಾಧ್ಯಮ ಶೇಕ್ ಮಾಡುತ್ತಿರುವ ಈ ಫೋಟೋ ಕ್ಲಿಕ್ಕಿಸಿದ್ಯಾರು...
ಕೋಳಿ ಮರಿಯನ್ನು ಆಸ್ಪತ್ರೆಗೆ ಕರೆದುಕೊಂಡು ಹೋಗಿದ್ದ ಬಾಲಕನಿಗೆ ಶಾಲೆಯಿಂದ ಸನ್ಮಾನ

ಸೈರಾಂಗ್‌ನಲ್ಲಿರುವ ಸೇಂಟ್‌ ಲಿಯೊ ಶಾಲೆಯಲ್ಲಿಯೇ ಡೆರೆಕ್‌ ಓದುತ್ತಿರುವುದು. ಈ ಶಾಲೆಗೂ ಕರ್ನಾಟಕಕ್ಕೂ ನಂಟಿದೆ.

ಈ ಶಾಲೆಯನ್ನು ನಡೆಸುತ್ತಿರುವುದು ಹೋಲಿ ಟ್ರಿನಿಟಿ ಪ್ರಾವಿನ್ಸ್‌ನ ಆರ್ಡರ್‌ ಆಫ್‌ ಪ್ರಿಯಾರ್ಸ್ ಮೈನರ್‌ (ಕ್ಯಾಪುಚಿನ್‌). ಇದರ ಮುಖ್ಯ ಕಚೇರಿ ಇರುವುದೇ ಬೆಂಗಳೂರಿನಲ್ಲಿ.

ಇನ್ನು ಈ ಶಾಲೆಯ ಮುಖ್ಯೋಪಾಧ್ಯಾಯರು ಫಾದರ್ ಸ್ಟುವರ್ಟ್‌ ಪ್ರಜ್ವಲ್‌ ಫರ್ನಾಂಡಿಸ್‌ ಮಂಗಳೂರಿನವರು. ಹೀಗಾಗಿ ಈ ಮಗುವಿಗೂ ಕರ್ನಾಟಕಕ್ಕೂ ಸಂಬಂಧ ಇದೆ.

ಸೈರಾಂಗ್‌ ಎಂಬದು ಮಿಜೋರಾಂ ರಾಜಧಾನಿ ಐಜ್ವಾಲ್‌ನಿಂದ 20 ಕಿಲೋ ಮೀಟರ್‌ನಲ್ಲಿದೆ. ಈ ಗ್ರಾಮದ ಬಾಲಕ ಈಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್‌ ಹಿಟ್‌ ಆಗಿದ್ದಾನೆ.