ಅಪ್ಪನಾದ ಖೈದಿ: ಪೊಲೀಸರ ಭ್ರಷ್ಟಾಚಾರ ಬಯಲು

ಮುಂಬಯಿ: ವಿಚಾರಣಾಧೀನ ಭೂಗತ ಪಾತಕಿಯೊಬ್ಬ 2013ರಿಂದ ಜೈಲಿನಲ್ಲಿಯೇ ಇದ್ದಾನೆ. ಆದರೆ ಈತ ಇದೀಗ ಒಂದು ವರ್ಷ 5 ತಿಂಗಳ ಹೆಣ್ಣು ಮಗುವಿನ ತಂದೆ!

ಜೈಲಿನಲ್ಲಿ ಒಂದು ದಿನವೂ ಹೊರಗೆ ಹೋಗದಿದ್ದ ಈತ ತಂದೆಯಾಗಿದ್ದು ಹೇಗೆ ಎಂಬುದರ ಬಗ್ಗೆ ಸಾಕಷ್ಟು ಚರ್ಚೆ ನಡೆಯಿತು (ಜೈಲಿನಲ್ಲಿ ಇದ್ದುಕೊಂಡೇ ಅಪ್ಪನಾದ ಭೂಗತ ಡಾನ್). ಈತ ತಂದೆಯಾದ ಸೀಕ್ರೆಟ್ ಇದೀಗ ಬಯಲಾಗಿದೆ. ವಿಪರ್ಯಾಸವೆಂದರೆ ಇದರೊಂದಿಗೆ ಪೊಲೀಸ್‌ ಭ್ರಷ್ಟಾಚಾರವೂ ಬಹಿರಂಗಗೊಂಡಿದೆ.

ಹನುಮಾನ್‌ ಪಟೇಲ್‌ ಎಂಬ ಈ ಖೈದಿಯನ್ನು ವಿಚಾರಣೆಗೆ ಕರೆದೊಯ್ಯುವಾಗ 10 ಪೊಲೀಸರ ಬಿಗಿ ಕಾವಲಿನಲ್ಲಿ ಕರೆದುಕೊಂಡು ಹೋಗುತ್ತಿದ್ದರು.

ಪೊಲೀಸರು ಕಾವಲು ಕಾಯುತ್ತಿರುವಾಗ ಅವರ ಕಣ್ಣಿಗೆ ಮಣ್ಣೆರೆಚಿ, ಹೆಂಡತಿ ಜತೆ ಹೋಟೆಲ್‌ ರೂಮ್‌ನಲ್ಲಿ ರೊಮ್ಯಾನ್ಸ್‌ ಮಾಡಲು ಇಬ್ಬರು ಪೊಲೀಸರು ಸಹಾಯ ಮಾಡಿದ್ದಾರೆ. ಇದಕ್ಕಾಗಿ ಒಂದು ಲಕ್ಷ ಹಣವನ್ನೂ ತೆಗೆದುಕೊಂಡಿದ್ದಾರೆ. ಇದೀಗ ಆ ಇಬ್ಬರು ಪೊಲೀಸರು ಕರ್ತವ್ಯ ಲೋಪ ಎಸಗಿದ್ದಕ್ಕೆ ಕೆಲಸದಿಂದ ವಜಾ ಮಾಡಲಾಗಿದೆ.

jailed gangster's wife bribes police for 'private time', husband flees hotel