ಹೈದರಾಬಾದಿ ಬಿರಿಯಾನಿ ಡೆಲಿವರಿಗೆ ಫುಲ್‌ ಕ್ಯೂ: ಟ್ರೋಲ್‌ ಆದ ಜೊಮ್ಯಾಟೋ ಟ್ವೀಟ್‌

ಹೈದರಾಬಾದ್: ಮಾಂಸಾಹಾರಿಗಳಲ್ಲಿ ಬಹುತೇಕರು ಎಲ್ಲರೂ ಹೈದರಾಬಾದಿ ಬಿರಿಯಾನಿಯನ್ನು ಇಷ್ಟಪಡುತ್ತಾರೆ. ಇದು ಕೇವಲ ಹೈದರಾಬಾದ್ ಜನತೆಯಷ್ಟೇ ಅಲ್ಲ, ಭಾರತೀಯರು ಬಹುತೇಕ ಎಲ್ಲರೂ ಇಷ್ಟಪಟ್ಟುಕೊಂಡು ತಿನ್ನುತ್ತಾರೆ.

ಹೈದರಾಬಾದಿ ಬಿರಿಯಾನಿಯಲ್ಲಿ ಬಾಸಮತಿ ಅಕ್ಕಿ, ಕೇಸರಿ, ಮ್ಯಾರಿನೇಟೆಡ್‌ ಬಿರಿಯಾನಿ, ಏಲಕ್ಕಿ ಮುಂತಾದ ಪದಾರ್ಥಗಳನ್ನು ಬಳಸಲಾಗುತ್ತದೆ. ಭಾರತೀಯರು ಬಿರಿಯಾನಿಯನ್ನು ಎಷ್ಟು ಇಷ್ಟಪಡುತ್ತಾರೆ ಅನ್ನುವುದಕ್ಕೆ ಆನ್‌ಲೈನ್‌ ಆಹಾರ ಡೆಲಿವರಿ ಕಂಪನಿ ಜೊಮ್ಯಾಟೋ ಇತ್ತೀಚೆಗಷ್ಟೇ ಫೋಟೋವೊಂದನ್ನು ಶೇರ್ ಮಾಡಿತ್ತು. ಹೋಟೆಲ್‌ವೊಂದರ ಹೊರಗೆ ಬಿರಿಯಾನಿ ಆರ್ಡರ್‌ಗಳನ್ನು ತೆಗೆದುಕೊಳ್ಳಲು ಜೊಮ್ಯಾಟೋ ಸಿಬ್ಬಂದಿ ಉದ್ದದ ಕ್ಯೂ ನಿಂತಿದ್ದಾರೆ.

ಬವಾರ್ಚಿ ಬಿರಿಯಾನಿ ಔಟ್ಲೆಟ್‌ನ ಹೊರಗೆ ನೂರಾರು ಮಂದಿ ಜೊಮ್ಯಾಟೋ ಸಿಬ್ಬಂದಿ ಬಿರಿಯಾನಿ ಆರ್ಡರ್‌ಗಳನ್ನು ತೆಗೆದುಕೊಂಡು ಗ್ರಾಹಕರಿಗೆ ನೀಡಲು ಕ್ಯೂನಲ್ಲಿ ನಿಂತಿದ್ದರು. ಈ ಟ್ವೀಟ್‌ ಅನ್ನು ಸ್ವತ: ಜೊಮ್ಯಾಟೋದ ಅಧಿಕೃತ ಟ್ವಿಟರ್‌ ಖಾತೆಯಲ್ಲಿ ಮಾಡಲಾಗಿತ್ತು. ಬವಾರ್ಚಿ ಬಿರಿಯಾನಿ ಔಟ್ಲೆಟ್‌ ಸಿಕ್ಕಾಪಟ್ಟೆ ಫೇಮಸ್‌ ಹೋಟೆಲ್‌ ಆಗಿದ್ದು, ಜೊಮ್ಯಾಟೊದಿಂದಲೇ ಪ್ರತಿದಿನ 2000ದಷ್ಟು ಬಿರಿಯಾನಿ ಆರ್ಡರ್‌ಗಳು ಸಾಮಾನ್ಯವಾಗಿ ಬರುತ್ತವೆ ಎಂಬುದು ವಾರ್ಷಿಕ ವರದಿಯಲ್ಲಿ ತಿಳಿದುಬಂದಿದೆ.

ಜೊಮ್ಯಾಟೋ ತನ್ನ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಹಾಕಿಕೊಂಡಿದ್ದ ಈ ಟ್ವೀಟ್ ಸಿಕ್ಕಾಪಟ್ಟೆ ವೈರಲ್‌ ಆಗಿದ್ದು, ನೆಟ್ಟಿಗರು ಮೀಮ್‌ ಮಾಡುತ್ತಿದ್ದಾರೆ.