46 ದಿನಗಳ ಕಾಲ ಬಿಯರ್ ಮಾತ್ರ ಕುಡಿದು 20 ಕೆಜಿ ತೂಕ ಇಳಿಸಿಕೊಂಡ ಭೂಪ!

ವಾಷಿಂಗ್ಟನ್: ತೂಕ ಇಳಿಸಿಕೊಳ್ಳಲು ಹಲವರು ಏನೇನೋ ಸಾಹಸ ಪಡುತ್ತಾರೆ. ಸಾಮಾನ್ಯವಾಗಿ ತೂಕ ಕಡಿಮೆಮಾಡಿಕೊಳ್ಳಲು ನಿಯಮಿತವಾಗಿ ಆಹಾರ ಪಥ್ಯೆ ಹಾಗೂ ವ್ಯಾಯಾಮ ಮಾಡಬೇಕು. ಆರೋಗ್ಯಕರವಾಗಿ ತಿನ್ನುವುದರಿಂದ ತೂಕವನ್ಉ ಕಳೆದುಕೊಳ್ಳಬಹುದು.

ಇನ್ನು, ನೀವು ತೂಕ ಕಳೆದುಕೊಳ್ಳಬೇಕೆಂದಿದ್ದರೆ ಬಿಯರ್ ಕುಡಿಯಬೇಡಿ ಎಂದು ಹತ್ತರಲ್ಲಿ 9 ವೈದ್ಯರು ಸಲಹೆ ನೀಡುತ್ತಾರೆ. ಆದರೆ, ಅಮೆರಿಕದ ವ್ಯಕ್ತಿಯೊಬ್ಬರು 46 ದಿನಗಳ ಕಾಲ ಬಿಯರ್‌ ಡಯಟ್‌ ಮಾಡಿಕೊಂಡೇ 20 ಕೆಜಿ ತೂಕ ಕಳೆದುಕೊಂಡಿದ್ದಾರೆ.

ಕ್ರೈಸ್ತ ಲಿಟರ್ಜಿಕಲ್ ಕ್ಯಾಲೆಂಡರ್ ನಂತೆ ಧಾರ್ಮಿಕ ಆಚರಣೆ, ಲೆಂಟ್‌ ಅವಧಿಯಲ್ಲಿ 46 ದಿನಗಳ ಕಾಲ ಉಪವಾಸವಿದ್ದ ಡೆಲ್‌ ಹಾಲ್‌ ಎಂಬ ಅಮೆರಿಕದ ವ್ಯಕ್ತಿ ಕೇವಲ ಬಿಯರ್ ಕುಡಿದುಕೊಂಡೇ ಜೀವಿಸಿದ್ದ. 1600 ನೇ ಶತಮಾನದಿಂದ ಪುರಾತನ ಕ್ಯಾಥೋಲಿಕ್‌ ಸಂಪ್ರದಾಯದಂತೆ ಸನ್ಯಾಸಿಗಳು ಬಿಯರ್ ಡಯಟ್‌ ಅನ್ನು ಆರಂಭಿಸಿದ್ದರು ಎಂದು ತಿಳಿದಬಂದಿದೆ. ಇದೇ ರೀತಿ ಹಾಲ್ ಒಂದೂವರೆ ತಿಂಗಳು ಕಾಲ ಬಿಯರ್ ಮಾತ್ರ ಕುಡಿದಿದ್ದು ಫಲಿತಾಂಶ ಪ್ರಭಾವಶಾಲಿಯಾಗಿದೆ.

ನೀರಿನ ಬದಲಾಗಿ ಪ್ರಬಲವಾದ ಪೌಷ್ಠಿಕಾಂಶ ಹೊಂದಿದ ಬಿಯರ್ ಅನ್ನು ಅಂದಿನ ಸನ್ಯಾಸಿಗಳು ಸೇವಿಸುತ್ತಿದ್ದರು ಎಂದು ಹಾಲ್‌ ಹೇಳಿಕೊಂಡಿದ್ದಾರೆ. ಹೆಚ್ಚು ಕಾರ್ಬೊಹೈಡ್ರೇಟ್‌ ಹಾಗೂ ಪೌಷ್ಠಿಕಾಂಶಗಳುಳ್ಳ ಬಿಯರ್ ಅನ್ನು ಸನ್ಯಾಸಿಗಳು ಕುಡಿಯುತ್ತಿದ್ದರು. ಇದರಿಂದ ಅವರ ಉಪವಾಸ ಮುಂದುವರಿಯುತ್ತಿತ್ತು ಎಂದು ಮಾರ್ಟಿನ್‌ ಝುಬರ್ ಎಂಬುವರು ಸಹ ಹೇಳಿದ್ದಾರೆ.