ಪತ್ನಿಗಾಗಿ ಆರು ಗಂಟೆ ವಿಮಾನದಲ್ಲಿ ನಿಂತೇ ಪ್ರಯಾಣಿಸಿದ ಪತಿ ! ಪ್ರೀತಿ ಅಂದ್ರೆ ಇದಪ್ಪಾ

ಮದುವೆಯಾದ ಆರಂಭದಲ್ಲಿ ಖುಷಿ ಖುಷಿಯಾಗಿರುವ ಅದೆಷ್ಟೋ ಗಂಡ - ಹೆಂಡತಿಯರು ಬರಬರುತ್ತಾ ಸಣ್ಣ ಪುಟ್ಟ ವಿಷಯಕ್ಕೂ ಕಿತ್ತಾಟ ನಡೆಸುತ್ತಾರೆ. ಇದು ಅತಿಯಾದರೆ ಸಾಕಪ್ಪಾ ಸಾಕು ಸಂಸಾರ ಅಂತ ವಿಚ್ಚೇದನದ ಹಂತಕ್ಕೂ ಬಂದು ತಲುಪುತ್ತಾರೆ.

ಹಾಗಂತ ಎಲ್ಲಾ ಗಂಡ ಹೆಂಡತಿಯರು ಹೀಗೆ ಇರುತ್ತಾರೆ ಅನ್ನುವುದು ತಪ್ಪು ಕಲ್ಪನೆ. ಗಂಡ- ಹೆಂಡತಿ ಪ್ರೀತಿ ಹೀಗಿರಬೇಕಪ್ಪಾ ಎಂಬ ಘಟನೆಯೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ. ಹೌದು, ಪತ್ನಿಯ ನಿದ್ದೆಗೆ ಭಂಗವಾಗದಿರಲಿ ಎಂದು ಪತಿ ಮಹಾಶಯನೊಬ್ಬ ವಿಮಾನದಲ್ಲಿ ಆರು ತಾಸು ನಿಂತುಕೊಂಡೇ ಪ್ರಯಾಣಿಸಿದ್ದಾನೆ.


ಟ್ವಟರ್‌ನಲ್ಲಿ ಕೂರ್ಟಿ ಲಿ ಜಾನ್ಸನ್ ಎಂಬ ವ್ಯಕ್ತಿ ಅಪ್ಲೋಡ್ ಮಾಡಿರುವ ತ್ಯಾಗಮಯಿ ಪತಿ ಮಹಾಶಯನ ಪೋಟೋ ನೆಟ್ಟಿಗರ ಗಮನಸೆಳೆದಿದ್ದು ಪರ- ವಿರೋಧ ಚರ್ಚೆಗಳು ನಡೆಯುತ್ತಿವೆ. ಈ ಚಿತ್ರಕ್ಕೆ ಸುಮಾರು 16,000 ಜನರು ಲೈಕ್ ಒತ್ತಿದ್ದು , ಆರು ಸಾವಿರಕ್ಕೂ ಮಿಕ್ಕಿದ ನೆಟ್ಟಿಗರು ಕಾಮೆಂಟ್ ಮಾಡಿದ್ದಾರೆ.

ಪೋಟೋದಲ್ಲಿ ಕಾಣಿಸುವ ಹಾಗೆ ವಿಮಾನದ ಮೂರು ಆಸನನಲ್ಲಿ ಪತ್ನಿ ಮಲಗಿದ್ದು ವಯಸ್ಸಾದ ಆಕೆಯ ಪತಿ ನಿಂತುಕೊಂಡಿದ್ದಾರೆ. ಟ್ವಿಟರ್‌ನಲ್ಲಿ ಸಿಕ್ಕ ಮಾಹಿತಿ ಪ್ರಕಾರ ಪತಿ ಆರು ತಾಸು ನಿಂತುಕೊಂಡೇ ಪ್ರಯಾಣ ಮಾಡಿದ್ದಾರಂತೆ.

ಪತ್ನಿಗಾಗಿ ಪತಿ ಮಹಾಶಯನ ಈ ಮಟ್ಟದ ತ್ಯಾಗಕ್ಕೆ ಟ್ವಿಟರ್‌ನಲ್ಲಿ ಹಲವರು ಮೆಚ್ಚುಗೆ ವ್ಯಕ್ತಪಡಿಸಿದ್ದು, ಇದಪ್ಪ ನೈಜ್ಯ ಪ್ರೀತಿ ಎಂದಿದ್ದಾರೆ. ಮತ್ತೆ ಕೆಲವರು ಪತಿಯನ್ನು ಆರು ತಾಸು ನಿಂತುಕೊಂಡು ಪ್ರಯಾಣಿಸುವಂತೆ ಮಾಡಿದ ಪತ್ನಿ ಸ್ವಾರ್ಥಿ ಅಂತ ಜರಿದಿದ್ದಾರೆ. ಅದೇನೇ ಇದ್ದರೂ ಪತ್ನಿಗಾಗಿ ಇಷ್ಟೊಂದು ತ್ಯಾಗ ಮಾಡಿದ ಪತಿಯನ್ನು ಮೆಚ್ಚಲೇ ಬೇಕು.