ಮಧ್ಯಪ್ರದೇಶ ಪೊಲೀಸರ ನಿದ್ದೆಗೆಡಿಸಿರುವ 19ರ ಡಕಾಯಿತಿ ರಾಣಿ

This story originally published in Times of India on Aug 30, 2018

Vijaya Karnataka Web

ಭೂಪಾಲ್‌: 19 ವರ್ಷದ ಡಕಾಯಿತಿ ರಾಣಿಯೊಬ್ಬಳು ಭೂಪಾಲ್ ಪೊಲೀಸರ ನಿದ್ದೆಗೆಡಿಸಿದ್ದು, ಆಕೆಯ ಕುರಿತು ಸುಳಿವು ನೀಡಿದವರಿಗೆ ರೂ. 10, 000 ಬಹುಮಾನ ನೀಡುವುದಾಗಿ ಪೊಲೀಸ್‌ ಇಲಾಖೆ ಘೋಷಿಸಿದೆ.

7 ಜನ ಡಕಾಯಿತರ ಗುಂಪಿನ ನಾಯಕಿ ಆಗಿರುವ ಸಾಧನಾ ಪಾಟೇಲ್ ನೋಡಲು ಹೇಗಿದ್ದಾಳೆ ಎಂಬುವುದರ ಕುರಿತು ಪೊಲೀಸರಿಗೆ ಯಾವುದೇ ಸುಳಿವು ಇಲ್ಲ. 2005ರಲ್ಲಿ ಮಹಿಳಾ ಡಕಾಯಿತಿ ರಾಣಿ ಗೌರ್ ಸುಳಿವು ನೀಡಿದವರಿಗೆ ಬಹುಮಾನವನ್ನು ಘೋಷಿಸಲಾಗಿತ್ತು. ಆಕೆ 2012ರಲ್ಲಿ ನಡೆದ ಎನ್‌ಕೌಂಟರ್‌ನಲ್ಲಿ ಹತಳಾದಳು. ಆ ಬಳಿಕ 13 ವರ್ಷಗಳ ನಂತರ ಮತ್ತೊಬ್ಬ ಡಕಾಯಿತಿಯ ಮೇಲೆ ಪೊಲೀಸರು ಬಹುಮಾನ ಘೋಷಿಸಿದ್ದಾರೆ.

ಡಕಾಯಿತ ಲಲಿತ್‌ ಪಟೇಲ್‌ ಸಾವಿನ ನಂತರ ಸಾಧನಾ ಗ್ಯಾಂಗ್‌ ಹುಟ್ಟಿಕೊಂಡಿದ್ದು, ನಯಗೋನ್ ಗ್ರಾಮಸ್ಥನೊಬ್ಬನನ್ನು ಅಪಹರಿಸಿ ಹಣಕ್ಕಾಗಿ ಹಿಂಸೆ ನೀಡಿದ್ದರಿಂದ ಆಗಸ್ಟ್ 21ರಂದು ಮೊದಲ ಬಾರಿಗೆ ಆಕೆಯ ಹೆಸರಿನಲ್ಲಿ ಕೇಸ್ ದಾಖಲಾಗಿದೆ.

ಸಾಧನಾ ಮೂಲತಃ ಉತ್ತರ ಪ್ರದೇಶದ ಬರಾಹಿಯಾ ಗ್ರಾಮದವಳು, ತಂದೆಯ ಸಾವಿನ ನಂತರ ನಯಾಗೋನ್‌ ಗ್ರಾಮಕ್ಕೆ ಹೋದರು. ಆಕೆಯ ಆಂಟಿ ಡಕಾಯಿತ ಚುನ್ನಿಲಾಲ್‌ ಪಟೇಲ್‌ಗೆ ಆಪ್ತಳಾಗಿದ್ದಳು, ಆತ 2015ರಲ್ಲಿ ಎನ್‌ಕೌಂಟರ್‌ನಲ್ಲಿ ಚುನ್ನಿಲಾಲ್‌ ಮೃತನಾದ ಬಳಿಕ ಮತ್ತೊಬ್ಬ ಡಕಾಯಿತ ದೀಪಕ್‌ ಗ್ಯಾಂಗ್‌ ಸೇರಿಕೊಂಡ ಸಾಧನಾ ಇದೀಗ ಗ್ಯಾಂಗ್‌ ನಡೆಸುತ್ತಿದ್ದಾಳೆ ಎಂದು ಪೊಲೀಸರು ಹೇಳಿದ್ದಾರೆ.