ನಿದ್ದೆಯಲ್ಲಿ ನಡೆದಾಡುತ್ತ 11ನೇ ಮಹಡಿಯಿಂದ ಬಿದ್ದರೂ ಬದುಕುಳಿದ ಬಾಲಕಿ

ನಿದ್ದೆಯಲ್ಲಿ ನಡೆದಾಡುವ ಕಾಯಿಲೆ ಬಗ್ಗೆ ನಿಮಗೆ ಗೊತ್ತಿರಲೇ ಬೇಕು. ನಿಮ್ಮಲ್ಲಿ ಕೆಲವರಿಗೆ ಆ ಕಾಯಿಲೆಯೂ ಇರಬಹುದು. 5 ವರ್ಷದ ಪುಟ್ಟ ಹುಡುಗಿಗೂ ಆ ಕಾಯಿಲೆ ಇತ್ತು. ಇದರಿಂದ ಆಕೆ ಪ್ರಾಣವನ್ನೇ ಕಳೆದುಕೊಳ್ಳುವ ಪರಿಸ್ಥಿತಿ ಬಂದೊದಗಿತು. ಆದರೆ ಆಕೆ ಪವಾಡಸದೃಶವಾಗಿ ಬದುಕುಳಿದಿದ್ದಾಳೆ.

ಥಾಯ್ಲೆಂಡ್ ನಿವಾಸಿಯಾಗಿರುವ ಬಾಲಕಿ, ತನ್ನ ಪೋಷಕರೊಂದಿಗೆ ಹೋಟೆಲೊಂದರಲ್ಲಿ ತಂಗಿದ್ದಳು. ರಾತ್ರಿ ನಿದ್ದೆಯಲ್ಲಿ ನಡೆಯಲು ಆರಂಭಿಸಿದ ಆಕೆ ಕೋಣೆಯ ಬಾಗಿಲು ತೆಗೆದು ಹೊರಗೆ ಹೋದಾಗ ಬಾಲ್ಕನಿಯಿಂದ ಕೆಳಕ್ಕೆ ಬಿದ್ದಳು.

ಆಕೆಯನ್ನು ತಕ್ಷಣ ಮೇಲಕ್ಕೆತ್ತಿದ ಸಿಬ್ಬಂದಿ ಆಸ್ಪತ್ರೆಗೆ ದಾಖಲಿಸಿದರು. ಆಕೆಯ ಕಾಲು ಮುರಿದಿದ್ದು, ಹೊಟ್ಟೆಯ ಮೇಲೂ ಸ್ವಲ್ಪ ಗಾಯಗಳಾಗಿವೆ.


ಈ ಕುರಿತು ಪ್ರತಿಕ್ರಿಯಿಸಿರುವ ಪೊಲೀಸ್ ಅಧಿಕಾರಿ ಮಕ್ಕಳ ಜವಾಬ್ದಾರಿ ಹೊರಬೇಕಿರುವುದು ತಂದೆ-ತಾಯಿ, ಹೊರತು ಹೋಟೆಲ್ ಸಿಬ್ಬಂದಿಯಾಗಲೀ, ಪೊಲೀಸರಗಾಗಲಿ ಅಲ್ಲ ಎಂದಿದ್ದಾರೆ.

ಕೈಕಾಲು ನಡುಗಿಸುವ ಈ ವೀಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.