ತುಜ್‌ ಮೆ ರಬ್‌ ದಿಕ್ತಾ ಹೇ ಅಂದ ಹುಡುಗ ಯಾರ ಕಾಲಿಗೆ ಬಿದ್ದ ನೋಡಿ(ವೀಡಿಯೋ)

[This story originally published in Indiatimes on March 09,2019]

ಅಕ್ಷರ ಕಲಿಸಿದ ಶಿಕ್ಷಕರು, ಅಧ್ಯಾಪಕರನ್ನು ಪೂಜ್ಯರಂತೆ ಕಾಣುವುದೇ ದೇಶದ ವಿಶೇಷತೆ ಎನ್ನಬಹುದು.

ಅಂತಾರಾಷ್ಟ್ರೀಯ ಮಹಿಳಾ ದಿನಾಚರಣೆಯ ಹಿನ್ನೆಲೆಯಲ್ಲಿ ಇಲ್ಲೊಬ್ಬ ದ್ವಿತೀಯ ಪಿಯುಸಿ ವಿದ್ಯಾರ್ಥಿ ತನಗೆ ಪಾಠ ಮಾಡಿದ ಎಲ್ಲ ಶಿಕ್ಷಕಿ, ಅಧ್ಯಾಪಕಿಯರಿಗೆ ವಿಶಿಷ್ಠ ರೀತಿಯಲ್ಲಿ ಶುಭಕೋರಿದ್ದಾನೆ. ಶಾರುಖ್‌ ಖಾನ್‌ ಅಭಿನಯದ ರಬ್‌ನೇ ಬನಾದಿ ಜೋಡಿಯ ಸಾಂಗ್‌ ಒಂದಕ್ಕೆ ಸ್ಟೆಪ್‌ ಹಾಕಿರುವ ಹುಡುಗ, ತುಜ್‌ ಮೇ ರಬ್‌ ದಿಕ್ತಾ ಹೆ ಎಂದು ಹಾಡಿ- ಕುಣಿದು, ಕಲಿಸಿದ ಗುರುಗಳ ಪಾದಗಳಿಗೆ ನಮಿಸಿದ್ದಾನೆ. ಈ ವೀಡಿಯೋ ಇದೀಗ ಟ್ವಿಟರ್‌ನಲ್ಲಿ ವೈರಲ್‌ ಆಗಿದೆ.


ಶಾರುಖ್‌ ಚಿತ್ರದಲ್ಲಿ ನಿನ್ನಲ್ಲೇ ನಾನು ದೇವರನ್ನು ಕಾಣುತ್ತಿದ್ದೇನೆ. ಕಂಡೊಡೊಡನೇ ತೆಲೆ ಬಾಗುತ್ತೆ ಎಂಬ ಅರ್ಥವಿರುವ ಹಿಂದಿ ಹಾಡನ್ನು, ಶಿಕ್ಷಕರಿಗೆ ಮೀಸಲಿಟ್ಟ ಹುಡುಗನ ಡ್ಯಾನ್ಸ್‌ಗೆ ಒಂದೆಡೆ ಲೈಕ್‌ಗಳ ಸುರಿಮಳೆ ಬಂದರೆ, ಮತ್ತೊಂದಡೆ, 8 ಸಾವಿರಕ್ಕೂ ಅಧಿಕ ಮಂದಿ ರಿಟ್ವೀಟ್‌ ಮಾಡಿ, ಪ್ರಶಂಸೆ ವ್ಯಕ್ತಪಡಿಸಿದ್ದಾರೆ.


ಅಷ್ಟೇ ಅಲ್ಲ, ಶೈಕ್ಷಣಿಕ ವರ್ಷದ ಕೊನೆಯ ಹಂತದಲ್ಲಿರುವ ಮಕ್ಕಳು, ಈ ಹಾಡಿಗೆ ಡ್ಯಾನ್ಸ್‌ ಮಾಡುವ ಮೂಲಕ ಶಿಕ್ಷಕರಿಗೆ ವಂದನೆ ಅರ್ಪಿಸಿದ್ದಾರೆ.
ಆಧುನಿಕತೆಯ ಭರಾಟೆಯಲ್ಲಿರುವ ಮಕ್ಕಳು, ಶಿಕ್ಷಕರು, ಅಧ್ಯಾಪಕರಲ್ಲಿರಿಸಿದ ಪ್ರೀತಿಯನ್ನು ಎಂದೂ ಮರೆಯುವುದಿಲ್ಲ ಎಂಬುದನ್ನು ತೋರಿಸಲಾಗಿದೆ ಎಂಬಿತ್ಯಾದಿ ಪ್ರಶಂಸೆಗಳ ಟ್ವೀಟ್‌ ಈ ಪೋಸ್ಟ್‌ನಲ್ಲಿ ಕಾಣಬಹುದು.