ತಮಿಳುನಾಡಿನ Me Too ತಿಂಡಿಗೆ ಡಿಮ್ಯಾಂಡಪ್ಪೋ ಡಿಮ್ಯಾಂಡೋ

ಚೆನ್ನೈ: ದೇಶಾದ್ಯಂತ #MeToo ಅಭಿಯಾನದ ಬಿರುಗಾಳಿ ಎದ್ದಿದೆ. ಇದರಿಂದ ಎಷ್ಟು ಜನರಿಗೆ ನ್ಯಾಯ ಸಿಕ್ಕಿದೆ, ಎಷ್ಟು ಜನರ ಬದುಕು ಹೈರಾಣಾಗಿದೆಯೋ ಗೊತ್ತಿಲ್ಲ. ಆದರೆ ತಿರುನನ್ವೇಲಿಯ ಕಂಪನಿಯೊಂದಕ್ಕೆ ಮಾತ್ರ ಭರ್ಜರಿ ಲಾಭವಾಗಿದೆಯಂತೆ ಅದು ಹೇಗೆ ಅಂತೀರಾ?

'ಮೀ ಟೂ ತಿಂಡಿ' ತಿರುನನ್ವೇಲಿಯ ಪ್ರಖ್ಯಾತ ತಿಂಡಿಯ ಕಂಪನಿಯಾಗಿದ್ದು, ಇವರು ಉತ್ಪಾದಿಸುವ ಮೀ ಟೂ ಬ್ರಾಂಡ್ ತಿಂಡಿ , ಚೆನ್ನೈನ ಸೂಪರ್ ಮಾರ್ಕೆಟ್‌ಗಳಲ್ಲಿ ಕೂಡ ಮಾರಾಟವಾಗುತ್ತಿದೆ. #Metoo ಅಭಿಯಾನ ಆರಂಭವಾದಾಗಿನಿಂದ ಇದಕ್ಕೆ ಡಿಮ್ಯಾಂಡ್ ಜಾಸ್ತಿಯಾಗಿದ್ದು ಭರ್ಜರಿಯಾಗಿ ಮಾರಾಟವಾಗುತ್ತಿದೆ. ಅಷ್ಟೇ ಅಲ್ಲ ಆನ್‌ಲೈನ್‌ನಲ್ಲಿ ಕೂಡ ಬಿಕರಿಯಾಗುತ್ತಿದೆ.

ಕೇವಲ ದಕ್ಷಿಣ ಭಾರತದಲ್ಲಿ ಮಾತ್ರ ಈ ಬ್ರಾಂಡ್ ಸಿಗುತ್ತಿದ್ದು , ಹಲ್ವಾ, ಪೆಪ್ಪರ್ ಸೇವು, ಕಂಟ್ರಿ ಕಾರಾಸೇವು, ದ್ರಾಕ್ಷಿ ಲಡ್ಡು, ಮಸಾಲಾ ಕಡಲೆಕಾಯಿ, ಡಮ್ ಅಡೈ (ದೋಸೆ) ಇತ್ಯಾದಿ ತಿಂಡಿಗಳು ಈ ಬ್ರಾಂಡ್ ಅಡಿ ಬರುತ್ತವೆ

ತಮಿಳಿನಲ್ಲಿ ಹಲ್ವಾ ನೀಡುವುದೆಂದರೆ ಜನರಿಗೆ ಸುಳ್ಳು ಭರವಸೆಗಳನ್ನು ಕೊಟ್ಟು ಮೋಸ ಮಾಡುವುದೆಂದು ಪರಿಗಣಿಸಲಾಗುತ್ತದೆ.

#Metoo ಅಭಿಯಾನದ ಜತೆ ಲಿಂಕ್ ಮಾಡಿದ ಬಳಿಕ ತಮ್ಮ ತಿಂಡಿ ಜನಪ್ರಿಯವಾಗುತ್ತಿರುವುದಕ್ಕೆ ಕಂಪನಿ ಮಾಲೀಕರು ಸಂತೋಷ ವ್ಯಕ್ತಪಡಿಸಿದ್ದಾರೆ. ಮಿಟೂ ಅಭಿಯಾನದ ಬಳಿಕ ನಮ್ಮ ಆನ್‌ಲೈನ್ ಮಾರಾಟದಲ್ಲಿ 15% ದಿಂದ 20% ಏರಿಕೆಯಾಗಿದೆ ಎಂದು ಮಾಲೀಕರಲ್ಲೊಬ್ಬರಾದ ರಾಜ ಮೊಹಿದ್ದೀನ್ ರಿಸ್ವಿ ಹೇಳಿದ್ದಾರೆ.

2014ರಲ್ಲಿ ಆರಂಭವಾಗಿದ್ದ ಈ ಕಂಪನಿಗೆ ಐವರು ನಿರ್ದೇಶಕರಿದ್ದಾರೆ.