ಬಾಲಕಿಯ ಮಾನಸಿಕ ಆರೋಗ್ಯ ಸ್ಥಿತಿಯ ಫೋಟೋ ವೈರಲ್‌! ನೆಟ್ಟಿಗರ ಪ್ರತಿಕ್ರಿಯೆ ಹೇಗಿದೆ ನೋಡಿ

ಮಾನಸಿಕ ಅಸ್ವಸ್ಥತೆ ಎಲ್ಲರನ್ನೂ ಕಾಡಬಹುದು. ಅದಕ್ಕೆ ವಯಸ್ಸು, ಲಿಂಗ, ಜನಾಂಗ, ಜನಾಂಗೀಯತೆ ಮತ್ತು ಹಿನ್ನೆಲೆ ಯಾವುದೂ ಇಲ್ಲ. ಹದಿಹರೆಯದ ಯುವಕರು / ಯುವತಿಯರು ಹಾಗೂ ಬೆಳೆಯುತ್ತಿರುವ ಮಕ್ಕಳು ಸಹ ಆತಂಕ, ಖಿನ್ನತೆ, ಗಮನ-ಕೊರತೆ / ಹೈಪರ್ ಆ್ಯಕ್ಟಿವಿಟಿ ಡಿಸಾರ್ಡರ್ (ಎಡಿಎಚ್‌ಡಿ), ತಿನ್ನುವ ಕಾಯಿಲೆ ಹಾಗೂ ಆತ್ಮಹತ್ಯಾ ಪ್ರವೃತ್ತಿಯಿಂದ ಬಳಲುತ್ತಿದ್ದಾರೆ.

ಇತ್ತೀಚೆಗಂತೂ ಹದಿಹರೆಯದವರಲ್ಲಿ ಮಾನಸಿಕ ಆರೋಗ್ಯ ಸಮಸ್ಯೆಗಳು ಅಚ್ಚರಿಯಂತೆ ಸಾಮಾನ್ಯವಾಗುತ್ತಿದೆ. ಇದರಿಂದ ಮಕ್ಕಳ ಕಲಿಕೆ, ವರ್ತನೆಯ ಭಾವಣೆಗಳು ದೊಡ್ಡಮಟ್ಟದಲ್ಲಿ ಪರಿಣಾಮ ಬೀರುತ್ತದೆ. ಅಲ್ಲದೆ, ಮಾನಸಿಕ ಆರೋಗ್ಯ ತೊಂದರೆಗಳಿಂದ ಹದಿಹರೆಯದವರಿಗೆ ಹೆಚ್ಚು ಅಪಾಯಕಾರಿಯಾಗಬಹುದು ಎಂಬುದು ತಿಳಿದುಬಂದಿದೆ.

ಇನ್ನು, ಮಾನಸಿಕ ಆರೋಗ್ಯ ಸಮಸ್ಯೆ ಕೇವಲ ವ್ಯಕ್ತಿಯ ಮಾನಸಿಕ ಸ್ಥಿತಿಯನ್ನು ಮಾತ್ರ ಬದಲಾವಣೆ ಮಾಡುತ್ತದೆ ಎಂದು ಕೆಲವರು ಯೋಚಿಸಬಹುದು. ಆದರೆ, ಯುನೈಟೆಡ್‌ ಕಿಂಗ್‌ಡಮ್‌ನ ಮೊದಲು ಹಾಗೂ ನಂತರದ ಫೋಟೋ ಹಾಕಿದ್ದು, ಈ ಮೂಲಕ ಅವರ ದೈಹಿಕ ನೋಟದಲ್ಲೂ ಬದಲಾವಣೆಯಾಗುತ್ತದೆ ಎಂಬುದು ಧೃಡಪಟ್ಟಿದೆ.

ಕ್ವೆನ್ಲಿನ್‌ ಬ್ಲ್ಯಾಕ್‌ವೆಲ್‌ ಎಂಬಾಕೆ ಖಿನ್ನತೆ ಮತ್ತು ಆತಂಕವನ್ನು ಎದುರಿಸಿದ್ದು, ಹಲವು ವರ್ಷಗಳು ಎದುರಿಸಿದ ಕಾರಣಗಳಿಂದ ಆಕೆಯ ದೈಹಿಕ ಆರೋಗ್ಯದ
ಮೇಲೂ ಪರಿಣಾಮ ಬೀರಿದೆ. ಇತ್ತೀಚೆಗೆ ಆಕೆ ತನ್ನ ಮೊದಲು ( ಖಿನ್ನತೆಗೆ ಒಳಗಾದ ವೇಳೆ) ಹಾಗೂ ನಂತರ ( ಖಿನ್ನತೆಯಿಂದ ಹೊರಬಂದ ಬಳಿಕ) ಫೋಟೋವನ್ನು ಸಾಮಾಜಿಕ ಜಾಲತಾಣ ಟ್ವಿಟರ್‌ನಲ್ಲಿ ಶೇರ್‌ ಮಾಡಿಕೊಂಡಿದ್ದಾಳೆ.

ಕ್ವೆನ್ಲಿನ್‌ ಬ್ಲ್ಯಾಕ್‌ವೆಲ್‌ನ ಟ್ವೀಟ್‌ ಸಿಕ್ಕಾಪಟ್ಟೆ ವೈರಲ್‌ ಆಗಿದ್ದು, ಇದನ್ನು 13 ಸಾವಿರಕ್ಕೂ ಅಧಿಕ ಮಂದಿ ರೀಟ್ವೀಟ್‌ ಮಾಡಿಕೊಂಡಿದ್ದಾರೆ. ಅಲ್ಲದೆ, 1 ಲಕ್ಷ 47 ಸಾವಿರಕ್ಕೂ ಅಧಿಕ ಪ್ರತಿಕ್ರಿಯೆಗಳು ಹಾಗೂ ಸಾವಿರಾರು ಕಮೆಂಟ್‌ಗಳು ಬಂದಿವೆ.

ಬ್ಲ್ಯಾಕ್‌ವೆಲ್‌ನ ಈ ಎರಡೂ ಫೋಟೋಗಳ ನಡುವಣ ವ್ಯತ್ಯಾಸವನ್ನು ನೋಡಿ ಹಲವು ನೆಟ್ಟಿಗರು ಸಹ ತಮ್ಮ ಕಥೆಗಳನ್ನು ಹಂಚಿಕೊಂಡಿದ್ದಾರೆ. ಅಲ್ಲದೆ, ತಮ್ಮ ಮೊದಲು ಹಾಗೂ ನಂತರದ ಫೋಟೋಗಳನ್ನು ಹಾಕಿಕೊಂಡಿದ್ದಾರೆ.