ಕೈ ಕಾಲಿಲ್ಲದ ಮಗು ಜಾರು ಬಂಡೆ ಆಡುವ ಖುಷಿ ನೋಡಿ...

ಬೆಂಗಳೂರು: 'ಆಗದು ಎಂದು ಕೈ ಕಟ್ಟಿ ಕುಳಿತರೆ ಸಾಗದು ಕೆಲಸವು ಮುಂದೆ..' ಎಂದು ಡಾ. ರಾಜ್‌ಕುಮಾರ್ ಹಾಡಿದ ಗೀತೆ ಎಲ್ಲರನ್ನೂ ಒಂದಲ್ಲ ಒಂದು ರೀತಿಯಲ್ಲಿ ಹಿಡಿದ ಕಾರ್ಯವನ್ನು ಮುಗಿಸುವಂತೆ ಪ್ರೇರೇಪಿಸುತ್ತದೆ. ಹಾಗೆಯೇ ಕೈ, ಕಾಲು ಇಲ್ಲದ ಈ ಮಗುವಿನ ವೀಡಿಯೋ ನೋಡಿದರೂ, 'ಮನಸ್ಸು ಮಾಡಿದರೆ ಜೀವನದಲ್ಲಿ ಏನನ್ನು ಬೇಕಾದರೂ ಸಾಧಿಸಬಹುದು..' ಎಂಬ ವಿವೇಕ ವಾಣಿಯನ್ನು ನೆನಪಿಸುತ್ತದೆ.

ಕೈ ಕಾಲು ಸರಿ ಇರುವ, ಬಹುಶಃ ಸಮಕಾಲೀನ ಮಗುವೊಂದು ಜಾರು ಬಂಡೆಯ ಮೆಟ್ಟಿಲು ಹತ್ತಿ, ಆಡುತ್ತಿದ್ದರೆ, ಈ ಮಗುವಿಗೂ ಆಡುವ ಮನಸ್ಸು. ಹಾಗಂತ ಕೈ-ಕಾಲಿಲ್ಲವೆಂದು ಸುಮ್ಮನಿರುವುದಿಲ್ಲ. ಕಷ್ಟಪಟ್ಟು ಮೆಟ್ಟಿಲು ಹತ್ತುತ್ತದೆ. ಒಂದೊಂದು ಮೆಟ್ಟಿಲು ಹತ್ತಿದಾಗಲೂ ಆದರ ಮುಖದ ಸಂಭ್ರಮ ಎಂಥವರಿಗಾದರೂ ನಿರಾಳತೆ ಮೂಡಿಸುತ್ತಿದೆ. ಅಷ್ಟೂ ಮೆಟ್ಟಿಲುಗಳನ್ನು ಹತ್ತಿ, ಒಮ್ಮೆ ಜಾರು ಬಂಡಿಯಿಂದ ಜಾರಿದಾಗ ಆ ಮಗುವಿನ ಮುಖದಲ್ಲಿ ಮೂಡುವ ಮಂದಹಾಸ ಎಲ್ಲರಲ್ಲಿಯೂ ನಿರುಮ್ಮಳ ಭಾವ ಮೂಡಿಸುವುದು ಸಹಜ.

At first I couldn't bear to look & then I was left feeling uplifted. I don't think I will ever complain again about any job being too hard.. pic.twitter.com/06mzMAxxjp — anand mahindra (@anandmahindra) 11 September 2017 ಇಂಥ ಮನ ಕಲಕುವ ವೀಡಿಯೋವನ್ನು ಬ್ಯುಸಿನೆಸ್ ಐಕಾನ್ ಆನಂದ್ ಮಹಿಂದ್ರಾ 'ಮೊದಲು ಇದನ್ನು ನೋಡಲು ನನ್ನ ಕೈಲಿ ಸಾಧ್ಯವಾಗಲಿಲ್ಲ. ಬಳಿಕ ಸಂಪೂರ್ಣ ನೋಡಿ ಚಕಿತನಾದೆ. ಇನ್ನು ಜಗತ್ತಿನಲ್ಲಿ ಯಾವುದೇ ಕೆಲಸವನ್ನೂ ಕಷ್ಟವೆಂದು ದೂಷಿಸುವುದಿಲ್ಲ,' ಎಂದು ಟ್ವೀಟ್ ಮಾಡಿದ್ದಾರೆ. ಈ ಟ್ವೀಟ್ 16 ಸಾವಿರ ಬಾರಿ ರಿ ಟ್ವೀಟ್ ಆಗಿದೆ.