ರೋಲರ್‌ ಕೋಸ್ಟರ್‌ನಲ್ಲಿ ಚಲಿಸುತ್ತಿದ್ದಾಗಲೇ ಮೊಬೈಲ್‌ ಕ್ಯಾಚ್‌ ಹಿಡಿದ ಸಾಹಸಿ ಯುವಕ

ಶರವೇಗದಲ್ಲಿ ಚಲಿಸುವ ರೋಲರ್‌ ಕೋಸ್ಟರ್‌ ನಲ್ಲಿ ಕುಳೀತುಕೊಳ್ಳವುದೇ ಒಂದು ರೋಮಾಂಚಕ ಅನುಭವ. ಎರಡು ಗುಂಡಿಗೆಯ ಭಂಟರಷ್ಠೇ ರೋಲರ್‌ ಕೋಸ್ಟರ್‌ ನಲ್ಲಿ ಕಣ್ಣು ತೆರೆದು ಕುಳಿತುಕೊಳ್ಳುವ ಧೈರ್ಯ ಮಾಡುತ್ತಾರೆ. ಆದರೆ, ಐಸ್‌ಲ್ಯಾಂಡ್‌ ಮೂಲದ ನ್ಯೂಜಿಲೆಂಡ್‌ ಪ್ರಜೆ ಸ್ಯಾಮ್ಯುಯಲ್‌ ಕೆಂಫ್‌ ಎಂಬುವರು ರೋಲರ್‌ ಕೋಸ್ಟರ್‌ ಚಲಿಸುವಾಗಲೇ ಮತ್ತೊಬ್ಬರ ಮೊಬೈಲ್‌ ಕಸಿದು ಬೀಳುವಾಗ ಅದ್ಭುತವಾಗಿ ಕ್ಯಾಚ್‌ ಹಿಡಿದಿದ್ದಾರೆ.

ಸ್ಯಾಮ್ಯುಯಲ್‌ ಕೆಂಫ್‌ ಅವರು ಯೂರೋಪಿಯನ್‌ ಆಟವಾದ ಫಿಸ್ಟ್‌ಬಾಲ್‌ ಕ್ರೀಡಾಪಟು. ಇವರು ಇತ್ತೀಚೆಗೆ ನಡೆದ ಫಿಸ್ಟ್‌ಬಾಲ್‌ ವಿಶ್ವಚಾಂಪಿಯನ್‌ಷಿಪ್‌ನಲ್ಲಿ ನ್ಯೂಜಿಲೆಂಡ್‌ ತಂಡವನ್ನು ಪ್ರತಿನಿದಿಸಿದ್ದರು. ಸ್ಯಾಮ್ಯಯಲ್‌ ಅವರ ಈ ಕ್ರೀಡಾ ಕೌಶಲ ಮೊಬೈಲ್‌ ಕ್ಯಾಚ್‌ ಹಿಡಿಯುವಾಗ ಸಮರ್ಥವಾಗಿ ಬಳಕೆಯಾಗಿದೆ. ಅದೃಷ್ಟವೆಂಬಂತೆ ಇವರು ಮೊಬೈಲ್‌ ಕ್ಯಾಚ್‌ ಹಿಡಿದಿದ್ದು, ಅದೇ ರೋಲರ್‌ ಕೋಸ್ಟರ್‌ ನಲ್ಲಿ ಕುಳಿತಿದ್ದ ಮತ್ತೊಬ್ಬರ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಈ ವಿಡಿಯೋ ಈಗ ವೈರಲ್‌ ಆಗಿದೆ.