ಕಪ್ಪು ಕುಳಿಯ ಚಿತ್ರವನ್ನು ವಿಜ್ಞಾನಿಗಳು ನೋಡಿದ್ದು ಹಾಗೆ, ದಕ್ಷಿಣ ಭಾರತೀಯರು ನೋಡುವುದು ಹೀಗೆ..

ವಿಜ್ಞಾನಿಗಳು ಬುಧವಾರ ( ಏಪ್ರಿಲ್ 10,2019)ರಂದು ಕಪ್ಪು ಕುಳಿಯ ಚಿತ್ರವನ್ನು ಸೆರೆ ಹಿಡಿದಿದ್ದರು. ಬಾಹ್ಯಾಕಾಶ ಇತಿಹಾಸದಲ್ಲೇ ಇದೇ ಮೊದಲ ಬಾರಿಗೆ ವಿಜ್ಞಾನಿಗಳು ಕಪ್ಪುಕುಳಿಯ ನೈಜ ಫೋಟೊ ಸೆರೆ ಹಿಡಿಯುವಲ್ಲಿ ಯಶಸ್ವಿಯಾಗಿದ್ದರು. ಭೂಮಿಯಿಂದ ಲಕ್ಷಾಂತರ ಕೋಟಿ ಕಿ.ಮೀ ದೂರದಲ್ಲಿರುವ, 'ಎಂ87' ಹೆಸರಿನ ನಕ್ಷತ್ರ ಪುಂಜದಲ್ಲಿ ಈ ದೈತ್ಯ ಗಾತ್ರದ ಕಪ್ಪುಕುಳಿ ಮೊದಲ ಬಾರಿಗೆ ಕ್ಯಾಮರಾ ಕಣ್ಣಿಗೆ ದೊರೆತಿತ್ತು.

ನಾಸಾ ಈ ಫೋಟೋವನ್ನು 'ಗೇಮ್ ಚೇಂಜಿಂಗ್ ಬ್ರೇಕ್‌ಥ್ರೂ' ಎಂದು ಕರೆದಿದ್ದರೆ ಟ್ವೀಟಿಗರು ಮಾತ್ರ ಈ ಐಸಿಹಾಸಿಕ ಬಾಹ್ಯಾಕಾಶ ಘಟನೆಯನ್ನು ಟ್ರೋಲ್ ಮಾಡಿದ್ದಾರೆ.


ಕಪ್ಪು ಕುಳಿಯ ಚಿತ್ರವನ್ನು ಬಿಡುಗಡೆ ಮಾಡಿದ ಕೆಲವೇ ಕ್ಷಣಗಳಲ್ಲಿ ಸಾಮಾಜಿಕ ಜಾಲತಾಣ ಬಳಕೆದಾರರು ಅದನ್ನು ಬೇರೆ ಬೇರೆ ವಸ್ತುಗಳಿಗೆ ಹೋಲಿಸಿ ಟ್ರೋಲ್‌ ಮಾಡಿದ್ದಾರೆ. ಕಪ್ಪು ಕುಳಿಯ ಚಿತ್ರವನ್ನು ಡೋನಟ್‌ಗಳಿಗೆ, ಬಾಗಲ್, ದಕ್ಷಿಣ ಭಾರತದ ವಡಾಗೆ ಹಲವರು ಹೋಲಿಸಿದ್ದಾರೆ. ಇನ್ನು ಹಲವರು ಲಾರ್ಡ್ ಆಫ್‌ ರಿಂಗ್ಸ್‌ ಚಿತ್ರದ ಸೌರಾನ್‌ ಪಾತ್ರದ ಕಣ್ಣುಗಳಿಗೆ ಹೋಲಿಸಿದ್ದಾರೆ.

''ಹೋಟೆಲ್‌ನಲ್ಲಿ ಅಡುಗೆ ಎಣ್ಣೆಯನ್ನು ಹೆಚ್ಚು ಮರುಬಳಕೆ ಮಾಡಿದಾಗ ಕೊನೆಯ ವಡಾ ನಿಧಾನವಾಗಿ ಡೀಪ್‌ ಫ್ರೈ ಆಗುತ್ತಿರುವುದು'' ಎಂದು ನೆಟ್ಟಿಗರೊಬ್ಬರು ಕಪ್ಪು ಕುಳಿಯ ಚಿತ್ರವನ್ನು ಉದ್ದಿನ ವಡೆಗೆ ಹೋಲಿಸಿದ್ದಾರೆ.
ಮತ್ತೊಬ್ಬ ಬಳಕೆದಾರ ಕಪ್ಪು ಕುಳಿಯ ಚಿತ್ರದ ಜತೆಗೆ ಡೋನಟ್‌ ಫೋಟೋವನ್ನು ಶೇರ್ ಮಾಡಿಕೊಂಡಿದ್ದು, ''ಭವಿಷ್ಯದಲ್ಲಿ ಸ್ಪೇಷಿಯಲ್‌ ರೆಸಲ್ಯೂಷನ್ ಹೆಚ್ಚಾದ ಬಳಿಕ ಕಪ್ಪು ಕುಳಿಯ ಚಿತ್ರಗಳು ಡೋನಟ್ ರೀತಿ ಕಾಣಿಸುತ್ತದೆ ಎಂಬ ವಿಶ್ವಾಸವಿದೆ'' ಎಂದು ಮತ್ತೊಬ್ಬ ನೆಟ್ಟಿಗ ಟ್ರೋಲ್ ಮಾಡಿದ್ದಾರೆ.

ಇದೇ ರೀತಿ, ಹಲವು ಟ್ರೋಲ್‌ಗಳು ಇಲ್ಲಿವೆ ನೋಡಿ..