ಅಮೆರಿಕ ಅಧ್ಯಕ್ಷ ಟ್ರಂಪ್‌ರನ್ನೇ ಹೋಲುವ ಕಟ್ಟಡ ಕಾರ್ಮಿಕನ ವೀಡಿಯೋ ಸಿಕ್ಕಾಪಟ್ಟೆ ವೈರಲ್

ನ್ಯೂಯಾರ್ಕ್: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್‌ ಅನ್ನು ಹೋಲುವ ಕಟ್ಟಡ ಕಾರ್ಮಿಕರೊಬ್ಬರು ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಸದ್ದು ಮಾಡುತ್ತಿದ್ದಾರೆ. ನ್ಯೂಯಾರ್ಕ್‌ನಲ್ಲಿ ಕಟ್ಟಡ ಕಾರ್ಮಿಕರಾಗಿರುವ ಥಾಮಸ್ ಮುಂಡಿ ಟ್ರಂಪ್‌ರನ್ನು ಅನುಕರಣೆ ಮಾಡುತ್ತಾರೆ.

ಅಮೆರಿಕ ಅಧ್ಯಕ್ಷ ಟ್ರಂಪ್‌ ಮಾತನಾಡುವ ಧ್ವನಿ, ಮಾತಿನ ಮಾದರಿ ಮತ್ತು ವರ್ತನೆಗಳನ್ನೂ ಅಮೆರಿಕದ ನ್ಯೂಯಾರ್ಕ್‌ನ ಕಟ್ಟಡ ಕಾರ್ಮಿಕ ಥಾಮಸ್ ಮುಂಡಿ ಕಲಿತಿದ್ದಾರೆ. ಟ್ರಂಪ್‌ರಂತೆ ಮಾತನಾಡುವ ಥಾಮಸ್ ಅವರ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ. ಅವರ ವೈರಲ್ ವೀಡಿಯೋವನ್ನು 36 ಲಕ್ಷಕ್ಕೂ ಹೆಚ್ಚು ಜನ ವೀಕ್ಷಿಸಿದ್ದಾರೆ.

ಟ್ರಂಪ್‌ ಅಧ್ಯಕ್ಷ ಸ್ಥಾನಕ್ಕೆ ಸ್ಪರ್ಧಿಸುವುದಾಗಿ ನಿರ್ಧಾರ ಮಾಡಿದಾಗಿನಿಂದ 58 ವರ್ಷದ ಮುಂಡಿ ಟ್ರಂಪ್‌ರನ್ನು ಅನುಕರಣೆ ಮಾಡುತ್ತಿದ್ದಾರೆ. ಇನ್ನು, ಟ್ರಂಪ್‌ರನ್ನೇ ನೀನು ಹೋಲುತ್ತಿಯ ಎಂದು ಹಲವರು ಹೇಳಿದ್ದು, ಈ ಹಿನ್ನೆಲೆ ತನ್ನ ಪತ್ನಿ ಈ ವೀಡಿಯೋವನ್ನು ಶೂಟ್ ಮಾಡಿದ್ದರು ಎಂದು ಆತ ಹೇಳಿಕೊಂಡಿದ್ದಾರೆ.

ಇನ್ನೊಂದೆಡೆ, ಪಾರ್ಟಿಗಳಲ್ಲಿ, ಮದುವೆಗಳಲ್ಲಿ, ವೃತ್ತಿಪರ ಸಭೆಗಳು ಹಾಗೂ ಚಾರಿಟಿ ಸಭೆಗಳಲ್ಲಿ ಕಳೆದ 3 ವರ್ಷಗಳಿಂದ ತನ್ನನ್ನು ಹಲವರು ಆಹ್ವಾನಿಸುತ್ತಾರೆ ಎಂದು ಅಮೆರಿಕದ ನ್ಯೂಯಾರ್ಕ್‌ನ ಕಟ್ಟಡ ಕಾರ್ಮಿಕರಾಗಿರುವ ಥಾಮಸ್ ಮಾಧ್ಯಮವೊಂದಕ್ಕೆ ಹೇಳಿಕೊಂಡಿದ್ದಾರೆ.