ಮಗುವನ್ನು ರಕ್ಷಿಸಿದ ನಾಯಿ: ಹೃದಯಸ್ಪರ್ಶಿ ವೈರಲ್ ವೀಡಿಯೋ

ನಾಯಿ ಎಂದರೆ ನಿಯತ್ತು, ನಿಷ್ಠೆ, ನಿಸ್ವಾರ್ಥ ಪ್ರೀತಿಯ ಸಂಕೇತ. ತಮ್ಮನ್ನು ಸಾಕಿದವರಿಗಾಗಿ, ಪ್ರೀತಿ ತೋರಿಸಿದವರಿಗಾಗಿ ಅದು ಪ್ರಾಣವನ್ನು ಕೂಡ ತ್ಯಾಗ ಮಾಡಬಲ್ಲದು. ಅಂತಹ ನಿದರ್ಶನಗಳು ಸಾಕಷ್ಟು ಸಿಗುತ್ತಿವೆ.

ಇದು ನಾಯಿಯ ನಿಷ್ಠೆ ಅಷ್ಟೇ ಅಲ್ಲ, ಬುದ್ಧಿವಂತಿಕೆಯನ್ನು ತೋರಿಸುವ ವೀಡಿಯೋ. ನಾಯಿಯೊಂದು ನದಿಯ ನೀರಿಗೆ ಬೀಳಲಿದ್ದ ಮಗುವನ್ನು ಬಾಯಿಂದ ಹಿಡಿದೆಳೆದು ರಕ್ಷಿಸಿದ ದೃಶ್ಯ ಈ ವೀಡಿಯೋದಲ್ಲಿದೆ. ಈ ವೀಡಿಯೋ ನೋಡಿ ನೆಟ್ಟಿಗರು ಭಾವುಕರಾಗಿದ್ದು , ಸಾಮಾಜಿಕ ಜಾಲತಾಣದಲ್ಲಿ ಇದು ವೈರಲ್ ಆಗಿದೆ.

16 ಸೆಕೆಂಡುಗಳ ಈ ವೀಡಿಯೋದಲ್ಲಿ ಪುಟಾಣಿ ಮಗುವೊಂದು ನದಿ ಬಳಿ ಓಡುತ್ತಿದ್ದೆ. ಅಪಾಯ ಗ್ರಹಿಸಿದ ನಾಯಿ ತಕ್ಷಣಕ್ಕೆ ಆ ಮಗುವಿನ ಹಿಂದೆ ಧಾವಿಸಿ ಎಳೆದು ಕರೆತಂದಿದೆ. ಅಷ್ಟೇ ಅಲ್ಲ ಮಗು ಅಲ್ಲಿಗೆ ಹೋಗಿದ್ದೇಕೆ ಎಂಬುದನ್ನು ಸಹ ಗ್ರಹಿಸಿರುವ ನಾಯಿ, ಬಳಿಕ ನದಿಗೆ ಹೋಗಿ ಅದರಲ್ಲಿ ಬಿದ್ದಿದ್ದ ಬಾಲ್ ಎತ್ತಿಕೊಂಡು ಬಂದಿದೆ.



ನೆಟ್ಟಿಗರಿದಕ್ಕೆ ವಿವಿಧ ರೀತಿಯಲ್ಲಿ ಪ್ರತಿಕ್ರಿಯಿಸಿದ್ದು, ಕೆಲವರು ಪದಗಳೇ ಇಲ್ಲ ಇದನ್ನು ಬಣ್ಣಿಸಲು ಎಂದರೆ, ಮತ್ತೊಬ್ಬರು ಮನುಷ್ಯರೇಕೆ ನಾಯಿ ತರ ನಿಷ್ಠರಾಗಿರುವುದಿಲ್ಲ ಎಂದು ಪ್ರಶ್ನಿಸಿದ್ದಾರೆ.