ನಿನ್ನಿಂದ ಮಕ್ಕಳು ಬೇಡ, ವೀರ್ಯ ದಾನ ಪಡೆಯೋಣ ಎಂದವಳ ದುರುದ್ದೇಶವೇನಿತ್ತು?

ನೀ ಸುಂದರವಾಗಿಲ್ಲ, ಹೀಗಾಗಿ ಹುಟ್ಟುವ ಮಕ್ಕಳು ಸುಂದರವಾಗಿ ಹುಟ್ಟುವುದಿಲ್ಲ. ಹೀಗಾಗಿ ವೀರ್ಯ ದಾನ ಪಡೆದು ಗರ್ಭ ಧರಿಸುತ್ತೇನೆ ಎಂದು ಮಹಿಳೆಯೊಬ್ಬಳು ಹಠ ಹಿಡಿದ ವಿಲಕ್ಷಣ ಪ್ರಸಂಗದ ಕುರಿತ ಪೋಸ್ಟ್ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

30 ವರ್ಷದ ಪತಿ ಪತ್ನಿಯ ಈ ಹಠದಿಂದ ತಬ್ಬಿಬ್ಬಾಗಿ ಹೋದ. ಅವಳು ಹೇಳಿದ್ದನ್ನು ಒಪ್ಪಿಕೊಳ್ಳಬೇಕೋ, ಬೇಡವೋ ಎಂದಾತ ಗೊಂದಲದಲ್ಲಿ ಬಿದ್ದ. ಕೇವಲ ಹಣಕ್ಕಾಗಿ ಆಕೆ ನನ್ನನ್ನು ಮದುವೆಯಾದಳೇ ಎಂಬ ಚಿಂತೆ ಆತನನ್ನು ಕಾಡಿತು. ಇದನ್ನು ಯಾರ ಬಳಿ ಹೇಳಿಕೊಳ್ಳುವುದೆಂದು ಆತನಿಗೆ ತಿಳಿಯಲಿಲ್ಲ. ಕೊನೆಗೆ ರೆಡಿಟ್ ಸಾಮಾಜಿಕ ಜಾಲತಾಣದಲ್ಲಿ ತನ್ನ ಸಮಸ್ಯೆಯನ್ನು ಪೋಸ್ಟ್ ಮಾಡಿದ.


ನಮ್ಮಿಬ್ಬರಲ್ಲಿ ಒಬ್ಬರ ವಂಶವಾಹಿ ಹೊಂದಿದ ಮಗುವಿರಲಿ. ಅದಕ್ಕೆ ನಾನೇ ಸೂಕ್ತಳು. ಮಗು ಉತ್ತಮ, ಸಂತೋಷದ ಬದುಕನ್ನು ಪಡೆಯಲು ಉತ್ತಮ ಜೀನ್ಸ್‌ನಿಂದ ಮಗು ಪಡೆಯೋಣ ಎಂದಿದ್ದಳು.

ಅಕ್ರಮ ಸಂಬಂಧ ಮುಚ್ಚಿಡಲು ಹೆಣೆದಿದ್ದಳು ತಂತ್ರ

ಆಕೆ ಯಾಕೆ ಇಷ್ಟೊಂದು ಹಠಕ್ಕೆ ಬಿದ್ದಿದ್ದಾಳೆ ಎಂಬುದು ಆತನಿಗೆ ಮೊದ ಮೊದಲು ಅರ್ಥವಾಗಿರಲಿಲ್ಲ. ಕೊನೆಗೊಂದು ದಿನ ಸತ್ಯ ಹೊರಬಿತ್ತು. ವಿವಾಹಿತ ವ್ಯಕ್ತಿಯೊಬ್ಬನ ಜತೆ ಆಕೆಗೆ ಅಕ್ರಮ ಸಂಬಂಧವಿದ್ದುದು ಬೆಳಕಿಗೆ ಬಂತು. ನಿರ್ದಿಷ್ಟ ವ್ಯಕ್ತಿ ಇಂದಲೇ ದಾನ ಪಡೆಯುತ್ತೇನೆಂದು ಆಕೆ ಹೇಳಿದ್ದು ಆಕೆಯ ದುರುದ್ದೇಶವನ್ನು ಬಯಲು ಮಾಡಿತು. ಆಕೆಯ ಪ್ರಿಯತಮ ವೃತ್ತಿಯಲ್ಲಿ ವೈದ್ಯನಾಗಿದ್ದು ಊಟದ ನೆಪದಲ್ಲಿ ಒಂದೆರಡು ಬಾರಿ ಅವರ ಮನೆಗೆ ಬಂದು ಹೋಗಿದ್ದ.

ನಿನ್ನಿಂದ ಮಗು ಬೇಡ ಎಂದು ಅವಮಾನಿಸಿದ್ದ ಪತ್ನಿಯ ಬೇಡಿಕೆ ಈಡೇರಿಸ ಹೊರಟಿದ್ದ ಆ ವ್ಯಕ್ತಿಗೆ ರೆಡಿಟ್‌ನಲ್ಲಿ ಆಕೆಗೆ ವಿಚ್ಛೇದನ ಕೊಡೆಂದು ಸಲಹೆ ಬಂದಿತ್ತು. ಅಂದು ಅದನ್ನು ನಿರಾಕರಿಸಿದ್ದ ಆತ ಈಗ ಅದೇ ಸೂಕ್ತವೆಂಬ ನಿರ್ಧಾರಕ್ಕೆ ಬಂದಿದ್ದಾನೆ.