ಬಾಲಕನ ಹಾಡುಗಾರಿಕೆ, ತಬಲಾ ಜ್ಞಾನಕ್ಕೆ ನೆಟ್ಟಿಗರ ಮೆಚ್ಚುಗೆ ( ವೀಡಿಯೋ ನೋಡಿ )

2013ರ ಚಿತ್ರ ಫಕ್ರೇ ಚಿತ್ರದ ಅಂಬರ್‌ಸರಿಯಾ ಹಾಡು ದೊಡ್ಡ ಹಿಟ್‌ ಆದ ಬಳಿಕ ಭಾರತದ ಹಾಡುಗಾರ್ತಿ ಹಾಗೂ ಸಂಗೀತ ಸಂಯೋಜಕಿ ಸೋನಾ ಮೊಹಾಪಾತ್ರ ಮುಖ್ಯವಾಹಿನಿಗೆ ಬಂದರು.

ಒಡಿಶಾದ ಕಟಕ್‌ ಮೂಲದ 42 ವರ್ಷದ ಮಹಿಳೆ ಸೋನಾ ಮೊಹಾಪಾತ್ರ ಇತ್ತೀಚೆಗೆ ಟ್ವಿಟರ್‌ನಲ್ಲಿ ಯುವ ಹಾಡುಗಾರರ ಪ್ರತಿಭೆಗಳನ್ನು ಹಂಚಿಕೊಂಡಿದ್ದು, ಅದು ನೆಟ್ಟಿಗರ ಮೆಚ್ಚುಗೆಗೆ ಪಾತ್ರವಾಗಿದೆ. ಈ ಪೈಕಿ, ಚಿಕ್ಕ ಹುಡುಗ ಹಾಡುತ್ತಾ, ತಬಲಾ ಬಾರಿಸುತ್ತಿರುವ ವೀಡಿಯೋವೊಂದು ಸಿಕ್ಕಾಪಟ್ಟೆ ವೈರಲ್‌ ಆಗಿದೆ.

ಒಡಿಯಾ ಭಾಷೆಯಲ್ಲಿ ದೋಷರಹಿತವಾಗಿ ಹಾಡುವುದಲ್ಲದೇ ವೃತ್ತಿಪರರಂತೆ ತಬಲಾ ಬಾರಿಸಿರುವ ಬಶಾಲಕನ ವೀಡಿಯೋ ಟ್ವಿಟರ್‌ನಲ್ಲಿ ಅಸಂಖ್ಯಾತ ಜನರ ಮೆಚ್ಚುಗೆಗೆ ಪಾತ್ರವಾಗಿದೆ. ''ಇದನ್ನು ಮೆಚ್ಚಿಕೊಂಡು ಟ್ವೀಟ್‌ ಮಾಡಿದ್ದ ಸೋನಾ ಮೊಹಾಪಾತ್ರ, ''ಇದನ್ನು ನೋಡುತ್ತಿದ್ದರೆ ಅತ್ಯುತ್ತಮ ಭಾವನೆಗಳು ಬರುತ್ತವೆ'' ಎಂದು ಟ್ವೀಟ್‌ ಮಾಡಿದ್ದರು.

ಈ ವೀಡಿಯೋವನ್ನು ಸದ್ಯ ಸುಮಾರು 28 ಸಾವಿರ ಜನತೆ ನೋಡಿದ್ದು, 1,478 ಮೆಚ್ಚುಗೆಗಳನ್ನು ಗಳಿಸಿದೆ. ಅಲ್ಲದೆ, ಸುಮಾರು 300 ಟ್ವೀಟಿಗರು ವೀಡಿಯೋವನ್ನು ರೀ ಟ್ವೀಟ್‌ ಮಾಡಿದ್ದಾರೆ. ಅಲ್ಲದೆ, ಫೇಸ್‌ಬುಕ್‌ ಹಾಗೂ ಯೂ ಟ್ಯೂಬ್‌ನಲ್ಲೂ ಶೇರ್ ಮಾಡಲಾಗಿದೆ.

ವೀಡಿಯೋ ವೈರಲ್‌ ಆಗುತ್ತಿದ್ದಂತೆ ಹಲವು ಟ್ವಿಟರ್ ಬಳಕೆದಾರರು ಬಾಲಕನ ಪ್ರತಿಭೆಯನ್ನು ಮೆಚ್ಚಿಕೊಂಡಿದ್ದಾರೆ. ಹಲವರು ಈತನನ್ನು 'ಜೀನಿಯಸ್‌' ಎಂದು ಕರೆದಿದ್ದಾರೆ.

ಈ ಬಾಲಕನ ಸಂಗೀತಕ್ಕೆ ಟ್ವೀಟಿಗರ ಪ್ರತಿಕ್ರಿಯೆಗಳನ್ನು ನೋಡಿ..