ಕಾಮೋತ್ತೇಜಕ ಇಂಜೆಕ್ಷನ್ ಪ್ರಮಾಣ ಅತಿಯಾಗಿ ಯುವತಿ ಸಾವು

ಭಿವಾಂಡಿ: ಸುಮಾರು 29 ವರ್ಷದ ಯುವತಿಯೊಬ್ಬರಿಗೆ ಕಾಮೋತ್ತೇಜಕ ಇಂಜೆಕ್ಷನ್ ಪ್ರಮಾಣ ಅತಿಯಾಗಿ ಮೃತಪಟ್ಟಿರುವ ಘಟನೆ ಮಹಾರಾಷ್ಟ್ರ ಭಿವಾಂಡಿಯಲ್ಲಿ ಏಪ್ರಿಲ್ 8ರಂದು ನಡೆದಿದೆ. ಮುಂಬ್ರಾದ ಅಮೃತನಗರದ ನಿವಾಸಿಯಾಗಿರುವ ಯುವತಿಯನ್ನು ಆಕೆಯ ಬಾಯ್‌ಫ್ರೆಂಡ್ ಅಶೋಕ ಹೋಟೆಲ್‍ಗೆ ಕರೆದೊಯ್ದು ಈ ಕೃತ್ಯ ಎಸಗಿರುವುದಾಗಿ ಪೊಲೀಸರು ಶಂಕಿಸಿದ್ದಾರೆ.

ಕಾಮೋತ್ತೇಜಕ ಇಂಜೆಕ್ಷನ್ ಬಳಿಕ ಆಕೆ ಅನಾರೋಗ್ಯಕ್ಕೆ ಒಳಗಾದ ಕಾರಣ ಆಕೆಯ ಬಾಯ್‌ಫ್ರೆಂಡ್ ಕಲ್ಯಾಣ್ ಹೋಟೆಲ್‍ನಿಂದ ಪರಾರಿಯಾಗಿದ್ದಾನೆ. ಹೋಟೆಲ್ ಸಿಬ್ಬಂದಿ ಕೊಠಡಿಯ ಬಾಗಿಲು ತೆರೆದು ನೋಡಿದಾಗ ಘಟನೆ ಬೆಳಕಿಗೆ ಬಂದಿದೆ. ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ಕಲ್ಯಾಣ್‌ಗಾಗಿ ಹುಡುಕಾಟ ನಡೆಸಿದ್ದಾರೆ.

ಹೋಟೆಲ್ ಸಿಬ್ಬಂದಿ ಕೊಠಡಿಯ ಬಾಗಿಲು ತೆರೆದಾಗ ಯುವತಿ ಪ್ರಜ್ಞಾಹೀನ ಸ್ಥಿತಿಯಲ್ಲಿದ್ದರು. ಬಳಿಕ ಆಕೆಯನ್ನು ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಯಿತು. ಆರಂಭದಲ್ಲಿ ಚಿಕಿತ್ಸೆ ಸ್ಪಂದಿಸಿದ ಆಕೆ ತನ್ನ ಹೆಸರು ಮತ್ತು ವಿಳಾಸವನ್ನು ತಿಳಿಸಿದ್ದರು. ಬಳಿಕ ಮೃತಪಟ್ಟಿದ್ದಾಗಿ ಪೊಲೀಸರು ತಿಳಿಸಿದ್ದಾರೆ. ಆಕೆಗೆ ಚಿಕಿತ್ಸೆ ನೀಡಿರುವ ಡಾ.ಸುಮಯ್ಯ ಶಮೀಮ್ ಅನ್ಸಾರಿ ಈ ಬಗ್ಗೆ ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ.
Read this news in Hindi