ಚೀನಾ ಟ್ರಿಪ್‌ ಸುಳ್ಳು ಹೇಳಿ ಟ್ರೋಲ್ ಆದವಳ ಕತೆ

ಸುಳ್ಳು ಹೇಳಬಾರದು... ಆದರೆ ಕೆಲವರು ಸತ್ಯದ ತಲೆಗೆ ಹೊಡೆದಂಗೆ ಸುಳ್ಳು ಹೇಳುತ್ತಾರೆ. ಇಲ್ಲೊಬ್ಬಾಕೆ ಹೇಳಿದ ಸುಳ್ಳಿನಿಂದಾಗಿ ಇಂಟರ್‌ನೆಟ್‌ನಲ್ಲಿ ನಗೆಪಾಟಲಿಗೆ ಈಡಾಗಿದ್ದಾಳೆ. ಈಕೆಯ ಹೆಸರು ಸೇವಾ ಗಟ್, ಆಫ್ರಿಕ ದೇಶದವಳು.




ಈಕೆಗೆ ಚೀನಾ ದೇಶಕ್ಕೆ ಭೇಟಿ ನೀಡಿ ಅಲ್ಲಿಯ ಮಹಾಗೋಡೆ ನೋಡಬೇಕೆಂಬ ಆಸೆ. ಆದರೆ ಆಕೆಗೆ ಅಲ್ಲಿಗೆ ಹೋಗಿ ಬರುವಷ್ಟು ಆರ್ಥಿಕ ಅನುಕೂಲತೆ ಇರಲಿಲ್ಲ. ತಾನು ಹೋಗದಿದ್ದರೂ ಚೀನಾ ಟ್ರಿಪ್‌ ಹೋಗಿದ್ದೇನೆ ಎಂದು ಸೋಷಿಯಲ್‌ ಮೀಡಿಯಾದಲ್ಲಿ ಪೋಸ್ಟ್ ಮಾಡಿದಳು. ಈಕೆ ಹೇಳಿದ್ದನ್ನು ಸ್ನೇಹಿತರು ನಂಬಲಿ ಎಂದು ತಾನು ಚೀನಾದಲ್ಲಿರುವಂತೆ ಚೀನಾದ ಫೋಟೊಳಿಗೆ ತನ್ನ ಫೋಟೊ ಹಾಕಿ ಅವುಗಳನ್ನು ಅಪ್ಲೋಡ್‌ ಮಾಡಿದಳು.




ಸ್ವಲ್ಪವೂ ಡೌಟ್‌ ಬಾರದಂತೆ ಫೋಟೊಶಾಪ್‌ ಮಾಡಿ ಹಾಕಿದರೂ ಅದು ನೈಜ ಫೋಟೊವಲ್ಲವೆಂದು ನೆಟ್ಟಿಗರಿಗೇ ಗೊತ್ತಾಗಿದ್ದೇ ತಡ ಟ್ರೋಲ್‌ ಮಾಡಲಾರಂಭಿಸಿದರು.



ಈಕೆ ಮಾಡಿದ್ದೇ ಬ್ಲಂಡರ್‌, ಅದರಲ್ಲೂ ದೊಡ್ಡ ಬ್ಲಂಡರ್‌ ಏನಪ್ಪಾ ಅಂದರೆ ಅಲ್ಲಿಯ ಶ್ರೀಮಂತ ಉದ್ಯಮಿ ಸ್ಯಾಮ್ ಗಿಚುರು ಜತೆ ಇರುವ ಒಂದು ಫೋಟೊ ಹಾಕಿ , ಈತನೇ ಪ್ರವಾಸಕ್ಕೆ ಆರ್ಥಿಕ ಸಹಾಯ ಮಾಡಿದ್ದು ಎಂದು ಬರೆದುಕೊಂಡಿದ್ದಾಳೆ.



ಇನ್ನೊಂದೂ ಇಂಥ ಹುಚ್ಚು ಕೆಲಸಕ್ಕೆ ಕೈ ಹಾಕಬಾರದು, ಹಾಗೇ ಟ್ರೋಲ್ ಮಾಡಿದ್ದಾರೆ ನೆಟ್ಟಿಗರು.