ಇಸ್ಲಾಂಗೆ ಮತಾಂತರವಾದರೆ ಕೊಲೆ ಕೇಸ್‌ನಿಂದ ಖುಲಾಸ್!

ಹೊಸದಿಲ್ಲಿ: ಮುಸ್ಲಿಂರಾಗಿ ಮತಾಂತರವಾದರೆ 42 ಕ್ರಿಶ್ಚಿಯನ್ ಆರೋಪಿಗಳನ್ನು ಕೊಲೆ ಕೇಸ್‌ನಿಂದ ಖುಲಾಸೆಗೊಳಿಸುವುದಾಗಿ ಲಾಹೂರ್‌ನ ಪಬ್ಲಿಕ್ ಪ್ರಾಸಿಕ್ಯೂಟರ್‌ ಹೇಳಿರುವುದಾಗಿ ಪಾಕಿಸ್ತಾನದ ನ್ಯೂಸ್‌ಪೇಪರ್‌ ದಿ ಎಕ್ಸ್‌ಪ್ರೆಸ್ ಟ್ರಿಬ್ಯೂನೆ ವರದಿ ಮಾಡಿದೆ.

ಈ 42 ಜನ ಆರೋಪಿಗಳಿಗೆ ಗಲ್ಲು ಶಿಕ್ಷೆ ನೀಡಲಾಗಿದ್ದು, ಇವರು ಪಾಕಿಸ್ತಾನದ ಕ್ರಿಶ್ಚಿಯನ್ ಅಲ್ಪಸಂಖ್ಯಾತ ಸಮುದಾಯಕ್ಕೆ ಸೇರಿದವರಾಗಿದ್ದಾರೆ.

ಲಾಹೂರ್‌ನಲ್ಲಿ ಮಾರ್ಚ್‌ 2015ರ ಎರಡು ಚರ್ಚ್‌ಗಳಲ್ಲಿ ಆತ್ಮಹತ್ಯೆ ಬಾಂಬ್‌ ದಾಳಿಯಾಗಿತ್ತು. ಆ ದಾಳಿಯ ಬಳಿಕ ಕ್ರಿಶ್ಚಿಯನ್ ಗುಂಪು ಹೋಗಿ ಇಬ್ಬರನ್ನು ಕೊಲೆ ಮಾಡಿದರು. ಬಾಂಬ್‌ ದಾಳಿಗೆ ಆ ಇಬ್ಬರು ಕಾರಣಕರ್ತರು ಎಂದು ಭಾವಿಸಿ ಕೊಲೆಗೈದಿದ್ದರು.

ಈ ಕೊಲೆ ಕೇಸ್‌ನ ವಿಚಾರಣೆ ವೇಳೆ ಪ್ರಾಸಿಕ್ಯೂಟರ್‌ ಮತಾಂತರವಾದರೆ ಕೇಸ್‌ನಿಂದ ವಜಾ ಮಾಡುವುದಾಗಿ ಹೇಳಿದ್ದಾರೆ.

ಮತಾಂತರದ ಬದಲು ಸಾಯಲು ಸಿದ್ಧ ಎಂದು ಆ ಆರೋಪಿಗಳಲ್ಲಿ ಒಬ್ಬರು ಹೇಳಿದ್ದಾರೆ ಎಂದು ಪತ್ರಿಕೆ ವರದಿ ಮಾಡಿದೆ.