ದೇಶದ ಸೇನೆಯನ್ನು ಟೀಕಿಸಿದ ಪಾಕ್ ಯುವತಿ

ಹೊಸದಿಲ್ಲಿ: ಪಾಕಿಸ್ತಾನದ ಪ್ರಮುಖ ರಾಜಕಾರಣಿಯ ಮಗಳೊಬ್ಬಳು ತನ್ನದೇ ದೇಶದ ಸೈನ್ಯಕ್ಕೆ ಉಗಿದು ಟ್ವಿಟರ್‌ನಲ್ಲಿ ವಿಡಿಯೋ ಪೋಸ್ಟ್ ಮಾಡಿದ್ದರು. ಅಪ್‌ಲೋಡ್ ವಿಡಿಯೋ ಜತೆಗೆ, ಆಕೆಯ ಟ್ವಿಟರ್ ಖಾತೆಯೂ ಪೋಸ್ಟ್ ಮಾಡಿದ ಕೆಲವೇ ಕ್ಷಣಗಳಲ್ಲಿ ಏಕಾಏಕಿ ಕಣ್ಮರೆಯಾಗಿದೆ, ಎಂದು ಪಾಕ್ ಮಾಧ್ಯಮ ವರದಿ ಮಾಡಿದೆ.

ತೆಹ್ರಿಕ್-ಇ.ಇನ್ಸಾಫ್ ಪಕ್ಷದ ಮುಖಂಡ ಇಮಾನ್ ಮಜರಿ ಪುತ್ರಿ ಶಿರಿನ್ ಮಜರಿ ಅವರು ಪೈಜಾಬಾದ್‌ನಲ್ಲಿ ನಡೆದ ಪ್ರತಿಭಟನೆ ವೇಳೆ ಪಾಕ್ ಸೇನೆಯ ಕಾರ್ಯಚರಣೆ ಹಾಗೂ ಪಾತ್ರದ ಬಗ್ಗೆ ಕಟುವಾಗಿ ಟೀಕಿಸಿರುವ ವೀಡಿಯೋವನ್ನು ಟ್ವಿಟರ್‌ನಲ್ಲಿ ಪೋಸ್ಟ್ ಮಾಡಿದ್ದರು. ಈ ವೀಡಿಯೋ ಪಾಕ್ ದೇಶಾದ್ಯಂತ ಜನರು ವೀಕ್ಷಿಸಿದ್ದಾರೆ.


ದೈವನಿಂದನೆ ಆರೋಪದಲ್ಲಿ ಪಾಕಿಸ್ತಾನದ ಕಾನೂನು ಸಚಿವ ಝಾಹಿದ್‌ ಹಮೀದ್‌ ರಾಜೀನಾಮೆಗೆ ಆಗ್ರಹಿಸಿ ಇಸ್ಲಾಮಿಕ್ ಮೂಲಭೂತವಾದಿಗಳು ರಾವಲ್ಪಿಂಡಿ ಮತ್ತು ಇಸ್ಲಾಮಾಬಾದ್‌ ನಡುವಿನ ಫೈಜಬಾದ್‌ ಗೇಟ್‌ವೇಯಲ್ಲಿ, ರಸ್ತೆ ಬಂದ್ ಮಾಡಿ ಪ್ರತಿಭಟಿಸಿದ್ದರು. ಈ ವೇಳೆ ಭದ್ರತಾ ಪಡೆ ಹಾಗೂ ಪ್ರತಿಭಟನೆಕಾರರ ನಡುವೆ ಸಂಘರ್ಷ ನಡೆದು, ಘಟನೆಯಲ್ಲಿ 6 ಜನ ಬಲಿಯಾಗಿ, ನೂರಾರು ಮಂದಿ ಗಾಯಗೊಂಡಿದ್ದರು.

ಪ್ರತಿಭಟನೆ ವೇಳೆ ಪಾಕ್ ಸೇನೆ ನಡೆಸಿರುವ ಕಾರ್ಯಚರಣೆ ಅಮಾನವೀಯವಾಗಿದ್ದು, ಎಂದು ಆರೋಪಿಸಿದ ಶಿರಿನ್ ಪಾಕ್ ಸೇನೆಯನ್ನು ಕಟುವಾಗಿ ಟೀಕಿಸಿದ್ದರು.