ಆಕ್ಸ್‌ಫರ್ಡ್‌ ಲಸಿಕೆ ಬಳಿಕ ಇದೀಗ ರಷ್ಯಾದ ಕೊರೊನಾ ಲಸಿಕೆ ಪಡೆದವರಿಗೂ ಅಡ್ಡ ಪರಿಣಾಮ!

ಮಾಸ್ಕೋ: ಕೊರೊನಾ ತಡೆಗಟ್ಟುವ ಉದ್ದೇಶದಿಂದ ರಷ್ಯಾ ಸಿದ್ದಪಡಿಸಿರುವ ಸ್ಪುಟ್ನಿಕ್‌ ವಿ ಎಂಬ ಲಸಿಕೆ ಬಗ್ಗೆ ವೈದ್ಯಕೀಯ ಪರಿಣಿತರ ಅನುಮಾನಗಳು ವ್ಯಕ್ತಪಡಿಸಿರುವ ಮಧ್ಯೆಯೇ ಪ್ರಯೋಗಕ್ಕೆ ಒಳಗಾಗಿರುವ ಸ್ವಯಂ ಸೇವಕರಲ್ಲಿ ಏಳು ಜನರ ಪೈಕಿ ಒಬ್ಬರಿಗೆ ಅಡ್ಡ ಪರಿಣಾಮಗಳು ಕಾಣಿಸಿಕೊಂಡಿದೆ.

ಈ ಬಗ್ಗೆ ರಷ್ಯಾದ ಆರರೋಗ್ಯ ಸಚಿವ ಮಿಖೈಲ್‌ ಮುರಷ್ಕೊ ಮಾಧ್ಯಮಗಳಿಗೆ ಮಾಹಿತಿ ನೀಡಿದ್ದು, ಲಸಿಕೆ ಪಡೆದುಕೊಂಡ ಸ್ವಯಂ ಸೇವಕರಲ್ಲಿ ಏಳು ಜನರ ಪೈಕಿ ಒಬ್ಬರಿಗೆ 24 ಗಂಟೆಯೊಳಗೆ ಅಡ್ಡ ಪರಿಣಾಮಗಳು ಕಾಣಿಸಿಕೊಂಡಿದೆ. ಅಂದಾಜು ಶೇ 14ರಷ್ಟು ಜನರಲ್ಲಿ ಸುಸ್ತು, 24 ಗಂಟೆಗಳ ವರೆಗೂ ಮಾಂಸಖಂಡಗಳಲ್ಲಿ ನೋವು ಹಾಗೂ ದೇಹದ ಉಷ್ಣಾಂಶದಲ್ಲಿ ಏರಿಕೆಯಾಗಿರುವುದು ಕಂಡು ಬಂದಿದೆ ಎಂದು ಅವರು ಮಾಹಿತಿ ನೀಡಿದ್ದಾರೆ.

ಇನ್ನು 40,000 ಜನರ ಪೈಕಿ ಈವರೆಗೂ 300 ಮಂದಿಗೆ ಸ್ಪುಟ್ನಿಕ್‌ ವಿ ಲಸಿಕೆ ನೀಡಿರುವುದಾಗಿ ಆರೋಗ್ಯ ಸಚಿವ ಮಾಹಿತಿ ನೀಡಿದ್ದಾರೆ. ಈಗಾಗಲೇ ಒಂದು ಬಾರಿ ಲಸಿಕೆ ಪಡೆದಿರುವವರಿಗೆ 21 ದಿನಗಳ ಒಳಗಾಗಿ ಮತ್ತೊಂದು ಡೋಸ್ ಸ್ಪುಟ್ನಿಕ್‌ ವಿ ಲಸಿಕೆ ನೀಡಲಾಗುತ್ತದೆ. ಈ ಲಸಿಕೆಯ ಕ್ಲಿನಿಕಲ್‌ ಟ್ರಯಲ್‌ ಇನ್ನೂ ದೊಡ್ಡ ಮಟ್ಟದಲ್ಲಿ ನಡೆಯಬೇಕಿದೆ ಎಂದು ತಿಳಿಸಿದರು. ಅಲ್ಲದೇ ಅಡ್ಡಪರಿಣಾಮ ಕಂಡು ಬಂದರು ಅದಷ್ಟು ಗಂಭಿರವಾದುದು ಅಲ್ಲ ಈ ಸಮಸ್ಯೆಯನ್ನು ಪರಿಹರಿಸಿಕೊಳ್ಳಬಹುದು ಎಂದು ತಿಳಿಸಿದ್ದಾರೆ.

ಮತ್ತೆ ನೇಪಾಳದ ಕ್ಯಾತೆ: ಭಾರತದ ಭೂ ಪ್ರದೇಶಗಳಿರುವ ನಕ್ಷೆ ಪಠ್ಯದಲ್ಲಿ ಸೇರ್ಪಡೆ!

ರಷ್ಯಾದ ಸ್ಪುಟ್ನಿಕ್‌ ವಿ ಕೊರೊನಾ ಲಸಿಕೆಯ ಸಂಬಂಧ ಭಾರೀ ವೈದ್ಯಕೀಯ ಪ್ರಯೋಗಗಳು ಬಾಕಿ ಇದೆ. ಆದರೂ ರಷ್ಯಾ ಸರಕಾರ ಇದನ್ನು ಜಗತ್ತಿನ ಮೊದಲ ಕೊರೊನಾ ಲಸಿಕೆ ಎಂದು ಕಳೆದ ತಿಂಗಳು ಘೋಷಿಸಿತ್ತು. ಅಲ್ಲದೆ ಎಲ್ಲಾ ದೇಶಗಳು ಈ ಲಸಿಕೆಯನ್ನು ಮಾನವನಿಗೆ ಬಳಸಬಹುದು ಎಂದು ಘೋಷಿಸಿತ್ತು.

ನಂತರ ಸೆಪ್ಟೆಂಬರ್‌ ತಿಂಗಳ ಆರಂಭದಲ್ಲಿ ವೈದ್ಯಕೀಯ ಪ್ರಯೋಗವನ್ನು ರಷ್ಯಾ ಆರಂಭಿಸಿತ್ತು. ಇನ್ನು ಲಸಿಕೆ ನೀಡುವ ಬಗ್ಗೆ ಅನೇಕ ವೈದ್ಯಕೀಯ ಪರಿಣಿತರು ಅನುಮಾನಮ ವ್ಯಕ್ತಪಡಿಸಿರುವ ಬೆನ್ನಲ್ಲೆ ಅಡ್ಡಪರಿಣಾಮದ ಸುದ್ದಿ ಹೊರಬಿದ್ದಿದೆ.