ಬ್ಯಾಂಕಾಕ್‌: ಒಂದರ ನಂತರ ಒಂದರಂತೆ ಹನ್ನೊಂದು ಮಂದಿ ಪುರುಷರನ್ನು ಮದುವೆಯಾದ ಮಹಿಳೆಯೊಬ್ಬರು ಎಲ್ಲರಿಂದಲೂ ಹಣ ಪಡೆದು ಪಂಗನಾಮ ಹಾಕಿ ಪರಾರಿಯಾಗಿರುವ ಘಟನೆ ಬೆಳಕಿಗೆ ಬಂದಿದೆ.
ಥಾಯ್ಲೆಂಡ್‌ನ ಸಂಪ್ರದಾಯದಂತೆ ಮದುವೆಯಾಗುವ ವೇಳೆ ವರನ ಕಡೆಯವರು ವಧುವಿಗೆ ವಧುದಕ್ಷಿಣಿ ರೂಪದಲ್ಲಿ ಹಣ ನೀಡುವ ಪದ್ಧತಿ ಚಾಲ್ತಿಯಲ್ಲಿದೆ.
ಒಮ್ಮೆ ಈಕೆಯ ಬಗ್ಗೆ ಫೇಸ್‌ಬುಕ್‌ನಲ್ಲಿ ಎಚ್ಚರಿಕೆ ಸಂದೇಶವೊಂದು ಪ್ರಕಟಗೊಂಡ ಬಳಿಕ ಎಲ್ಲ ಪ್ರಕರಣಗಳು ಬೆಳಕಿಗೆ ಬಂದಿವೆ. ಈ ಸಂದೇಶವನ್ನು ನೋಡಿದ ಬಳಿಕ ಮೋಸ ಹೋದವರೆಲ್ಲರೂ ಪೊಲೀಸರಿಗೆ ದೂರು ನೀಡಿದ್ದಾರೆ.
ಈಕೆ ತನ್ನ ಕುಟುಂಬ ಸಂಕಷ್ಟಕ್ಕೆ ಸಿಲುಕಿದೆ, ಹಾಗಾಗಿ ಹಣದ ಅವಶ್ಯಕತೆ ಇದೆ ಎಂದು ಹೇಳಿ ತನ್ನ ವಂಚನೆ ದಂಧೆಗೆ ಸಮರ್ಥನೆ ನೀಡಿದ್ದಾಳೆ. ಜತೆಗೆ ಆಗಸ್ಟ್‌ ತಿಂಗಳಿನಲ್ಲಿ ನಾಲ್ಕು ಮಂದಿಯನ್ನು ಮದುವೆಯಾಗಿದ್ದಾಳೆ. ಇದುವರೆಗೆ 11 ಮಂದಿಯನ್ನು ಮದುವೆಯಾಗಿ ವಂಚಿಸಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.
ಮದುವೆಯಾಗಲು ಆಕೆ ಫೇಸ್‌ಬುಕ್‌ನಲ್ಲಿ ವರರನ್ನು ಹುಡುಕುತ್ತಿದ್ದಳು. ಅವರೊಂದಿಗೆ ಸ್ನೇಹ ಬೆಳೆಸಿ, ಪರಸ್ಪರ ಭೇಟಿಯಾಗಿ, ದೈಹಿಕ ಸಂಪರ್ಕ ಸಹ ಬೆಳೆಸುತ್ತಿದ್ದಳು. ನಂತರ ಹಣ ಪಡೆದು ಪರಾರಿಯಾಗುತ್ತಿದ್ದಳು. ಹೀಗೆ ಮದುವೆಯಾಗಲು ಮುಂದಾಗುತ್ತಿದ್ದ ಪ್ರತಿಯೊಬ್ಬ ಪುರುಷನಿಂದ 6,000 ದಿಂದ 30,000 ಡಾಲರ್‌ನಷ್ಟು ಹಣ ಪಡೆದು ವಂಚಿಸಿದ್ದಾಳೆ ಎಂದು ಪೊಲೀಸರು ತಿಳಿಸಿದ್ದಾರೆ.
11 Marriages in 2 Years