ಸೆನ್ಸಾರ್ ಮಾಡಿದ ಕೊರೊನಾ ಸುದ್ದಿಗಳನ್ನು ಸಂಗ್ರಹಿಸಿದ ಮೂವರು ಚೀನಿಯರು ನಾಪತ್ತೆ!

ಬಿಜಿಂಗ್: ಮಹತ್ವದ ಬೆಳವಣಿಗೆಯೊಂದರಲ್ಲಿ ಕೊರೊನಾ ವೈರಸ್‌ ಸಂಬಂಧಿತ ಸೆನ್ಸಾರ್ ಮಾಡಲಾದ ಸುದ್ದಿಗಳನ್ನು ಆನ್‌ಲೈನ್‌ನಲ್ಲಿ ಶೇಖರಿಸಿ ಇಟ್ಟಿದ್ದ ಮೂವರು ಸಾಮಾಜಿಕ ಕಾರ್ಯಕರ್ತರು ನಾಪತ್ತೆಯಾಗಿರುವ ಘಟನೆ ಚೀನಾದಲ್ಲಿ ನಡೆದಿದೆ.

ಸಾಫ್ಟ್‌ವೇರ್ ಡೆವಲಪ್‌ಮೆಂಟ್ ಪ್ಲಾಟ್‌ಫಾರ್ಮ್ ಗಿಟ್‌ಹಬ್‌ನಲ್ಲಿ ಕ್ರಿಯಾಶೀಲವಾಗಿರುವ ಚೆನ್ ಮೇ, ಕೈ ವೀ ಮತ್ತು ಅವರ ಗೆಳತಿ ಟ್ಯಾಂಗ್ ಕಳೆದ ಏ.19ರಿಂದ ನಾಪತ್ತೆಯಾಗಿದ್ದಾರೆ ಎನ್ನಲಾಗಿದೆ.

ಸ್ಟಾಪ್ ಕಮ್ಯೂನಿಸ್ಟ್ ಚೀನಾ: ನಿಕ್ಕಿ ಹ್ಯಾಲೆಯಿಂದ ಆಂದೋಲನ ಆರಂಭ

ಟರ್ಮಿನಸ್ 2049 ಹೆಸರಿನ ಸ್ವಯಂಸೇವಕ ಸಂಸ್ಥೆ ಚೀನಾದ ಆಕ್ರಮಣಕಾರಿ ಆನ್‌ಲೈನ್ ಸೆನ್ಸಾರ್‌ಶಿಪ್ ನೀತಿಯ ಪರಿಣಾಮವಾಗಿ ಪ್ರಮುಖ ಸುದ್ದಿ ಪತ್ರಿಕೆಗಳು ಹಾಗೂ ಸಾಮಾಜಿಕ ಮಾಧ್ಯಮಗಳಿಂದ ನಿರ್ಬಂಧಿಸಲ್ಪಟ್ಟ ಅಥವಾ ತೆಗೆದುಹಾಕಲ್ಪಟ್ಟ ಲೇಖನಗಳನ್ನು ಸಂರಕ್ಷಿಸಿದೆ.

ಈ ಲೇಖನಗಳನ್ನು ಸಂಗ್ರಹಿಸುವಲ್ಲಿ ನಿರತರಾಗಿದ್ದ ಚೆನ್ ಮೇ, ಕೈ ವೀ ಮತ್ತು ಅವರ ಗೆಳತಿ ಟ್ಯಾಂಗ್ ಅವರನ್ನು ಪೊಲೀಸರು ಬಂಧಿಸಿದ್ದಾರೆ ಎಂದು ಹೇಳಲಾಗಿದ್ದರೂ, ಇದುವರೆಗೂ ಯಾವುದೇ ಖಚಿತತೆ ಇಲ್ಲವಾಗಿದೆ.

ತನ್ನ ವಿರುದ್ಧ ದಾವೆ ಹೂಡಿದ ಅಮೆರಿಕದ ರಾಜ್ಯದ ನಡೆಯನ್ನು 'ಅಸಂಬದ್ಧ' ಎಂದ ಚೀನಾ!

ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಚೆನ್ ಮೇ ಸಹೋದರ ಚೆನ್ ಕುನ್, ಕಳೆದ ಏಪ್ರಿಲ್ 19ರಿಂದ ತನ್ನ ಸಹೋದರ ನಾಪತ್ತೆಯಾಗಿದ್ದು, ಆತನನ್ನು ಬಂಧಿಸಲಾಗಿದೆಯೇ ಎಂಬುದರ ಕುರಿತು ಚಾಯಾಂಗ್ ಪೊಲೀಸರು ಯಾವುದೇ ಮಾಹಿತಿ ನೀಡುತ್ತಿಲ್ಲ ಎಂದು ಆತಂಕ ವ್ಯಕ್ತಪಡಿಸಿದ್ದಾರೆ.