ಏಳು ಕಡಲಾಚೆಗಿನ ದುಬೈನಲ್ಲಿ ಕನ್ನಡ ಕಲಿಯಲು ಶಾಲೆಗೆ ಸೇರಿದ್ದಾರೆ 310 ಮಕ್ಕಳು..!

ದುಬೈ: ಕನ್ನಡವೆಂದರೆ ಬರೀ ಭಾಷೆಯಲ್ಲ ಅದೊಂದು ಬದುಕು ಅನ್ನೋರು ಲಕ್ಷಾಂತರ ಜನರ ಸಿಗ್ತಾರೆ. ಇನ್ನೊಂದೆಡೆ ಕರ್ನಾಟಕದಲ್ಲಿದ್ದೇ ಕನ್ನಡ ಮಾತಾಡೋಕೆ, ಕಲಿಯೋಕೆ ಹಿಂಜರಿಯೋ ಜನರನ್ನು ನೋಡಿರ್ತೀವಿ. ಇದೆಲ್ಲದ್ರ ಮಧ್ಯೆ ದೂರದ ದುಬೈನಲ್ಲಿ ನೂರಾರು ಮಂದಿ ಕನ್ನಡ ಕಲಿಯೋಕೆ ಮುಂದಾಗಿರೋ ಸಂತಸದಾಯಕ ಸುದ್ದಿ ಕನ್ನಡ ಪ್ರೇಮಿಗಳಿಗೆ ಸಿಕ್ಕಿದೆ.

ಅಮೆರಿಕ ಚುನಾವಣೆಯಲ್ಲಿ ಕೊರೊನಾವೇ ಪ್ರಮುಖ ವಿಷಯ ಎಂದ ಮತದಾರ..! ಟ್ರಂಪ್‌ ಗೆಲುವಿಗೆ ವೈರಸ್ ಅಡ್ಡಿ..?

ದುಬೈನಲ್ಲಿರುವ ಕರ್ನಾಟಕ ಮೂಲದ ಜನರು ‘ಕನ್ನಡ ಮಿತ್ರರು’ ಸಂಸ್ಥೆಯ ಮೂಲಕ ಕಳೆದ ಐದಾರು ವರ್ಷಗಳಿಂದ ಆಸಕ್ತರಿಗೆ ಕನ್ನಡ ಕಲಿಸೋಕೆ ಮುಂದಾಗಿದ್ದರು. ಆರಂಭದಲ್ಲಿ ಅಷ್ಟೇನೋ ಬೆಂಬಲ ಸಿಗದಿದ್ದರೂ ಕೂಡ ಇದೀಗ ನೂರಾರು ಮಂದಿ ಕನ್ನಡ ಕಲಿಯೋಕೆ ಮುಂದಾಗಿದ್ದಾರೆ. ದುಬೈನಲ್ಲಿ ವಾಸಿಸುತ್ತಿರುವ ಕನ್ನಡಿಗರು ತಮ್ಮ ಮಕ್ಕಳನ್ನು ಅಲ್ಲಿನ ವಿವಿಧ ಶಾಲೆಗಳಿಗೆ ಸೇರಿಸಿದ್ದಾರೆ. ಅಲ್ಲಿ ಶಾಲಾ ಮಕ್ಕಳು ಇಂಗ್ಲಿಷ್, ಅರೇಬಿಯನ್, ಪರ್ಷಿಯನ್ ಮತ್ತು ಇತರೆ ಭಾಷೆಗಳನ್ನು ಕಲಿಯುತ್ತಿದ್ದಾರೆ.

ಕಮಲಾ ಹ್ಯಾರಿಸ್‌ ಅಮೆರಿಕ ಅಧ್ಯಕ್ಷರಾದರೆ ಟೆರಿಬಲ್ ಥಿಂಗ್‌‌ ಎಂದ ಡೊನಾಲ್ಡ್‌ ಟ್ರಂಪ್‌

ಹೀಗಾಗಿ ತಮ್ಮ ನಾಡಿನ ಭಾಷೆಯಾದ ಕನ್ನಡವನ್ನೂ ಕಲಿಸಬೇಕೆಂಬ ಒತ್ತಾಸೆಯಿಂದ ಕನ್ನಡದ ಬಗ್ಗೆ ಒಲವು ಹೊಂದಿರುವ ಕೆಲವು ಮಿತ್ರರು ಸೇರಿ ಮಕ್ಕಳಿಗೆ ಉಚಿತವಾಗಿ ಕನ್ನಡ ಭಾಷೆಯನ್ನು ಕಲಿಸೋಕೆ ಮುಂದಾಗಿದ್ದಾರೆ. ಆರು ತಿಂಗಳ ಕನ್ನಡ ಕೋರ್ಸ್‌ ಇದಾಗಿದ್ದು, ವಾರಾಂತ್ಯದಲ್ಲಿ ತರಗತಿಗಳು ನಡೆಯುತ್ತಿವೆ. ಕನ್ನಡ ಭಾಷೆಯಲ್ಲಿ ಹಿಡಿತವಿರುವ ತಜ್ಞರು ತರಗತಿಗಳನ್ನು ಮಾಡಲಿದ್ದು, ಇದೊಂದು ಸರ್ಟಿಫಿಕೇಟ್ ಕೋರ್ಸ್ ಆಗಿದೆ.

ಟ್ರಂಪ್ ಕುರಿತು ಮಾತನಾಡಿದ್ದು ಸಾಕು, ಮುಂದುವರೆಯೋಣ: ಕಮಲಾ ಹ್ಯಾರಿಸ್!

ದುಬೈನಲ್ಲಿ ಕೇರಳ ಮೂಲದ ಅನೇಕ ಜನರು ವಾಸಿಸುತ್ತಿದ್ದು, ಅವರಿಗೆ ಮಲಯಾಳಂ ಕಲಿಯುವ ಅವಕಾಶ ದುಬೈನಲ್ಲಿದೆ. ಆದರೆ ಕನ್ನಡ ಭಾಷಿಕರಿಗೆ ತಮ್ಮ ಭಾಷೆಯನ್ನು ಕಲಿಯುವ ಅವಕಾಶವಿರಲಿಲ್ಲ. ಹೀಗಾಗಿ ಕನ್ನಡ ಮಿತ್ರರು ಕೂಡ ತಮ್ಮ ಮಾತೃ ಭಾಷೆಯನ್ನು ಕಲಿಸಲು ಮುಂದಾಗಿದ್ದೇವೆ ಎಂದು ಈ ಕೋರ್ಸ್‌ನ ಸಂಯೋಜಕರಾದ ಭಾನುಕುಮಾರ್ ತಿಳಿಸಿದ್ದಾರೆ. ಮೊದಲ ಮೂರು ವರ್ಷ ಸುತ್ತೂರು ಮಠದ ಸಹಾಯದಿಂದ ತರಗತಿಗಳನ್ನು ನಡೆಸಲಾಗಿತ್ತು.