ಕ್ಯಾಲಿಫೋರ್ನಿಯಾ: ಕಾಲವನ್ನು ತಡೆಯೋರು ಯಾರೂ ಇಲ್ಲ. ವಯಸ್ಸು ಹೆಚ್ಚಿದಂತೆ ಮುಪ್ಪು ಅಡರುತ್ತದೆ. ಕೆಲವರು ಆರೋಗ್ಯವಂತರಾಗಿರಲು ನಿತ್ಯ ವ್ಯಾಯಾಮದ ಮೊರೆ ಹೋಗುತ್ತಾರೆ. ಮತ್ತೆ ಕೆಲವರು ವಯಸ್ಸನ್ನು ಮರೆಮಾಚಲು ಪ್ಲಾಸ್ಟಿಕ್‌ ಸರ್ಜರಿಯಂತಹ ವೈದ್ಯಕೀಯ ಅಡ್ಡ ಮಾರ್ಗಗಳ ಮೊರೆ ಹೋಗುತ್ತಾರೆ. ಆದರೆ 45 ವರ್ಷ ವಯಸ್ಸಿನ ಬ್ರಿಯಾನ್ ಜಾನ್ಸನ್ ಎಂಬ ಅಮೆರಿಕದ ಉದ್ಯಮಿಯೊಬ್ಬರು 'ಯೌವನ'ಕ್ಕೆ ಮರಳಲು ವಯೋಚಕ್ರವನ್ನೇ ಹಿಂದಕ್ಕೆ ತಿರುಗಿಸುತ್ತಿದ್ದಾರೆ! 18 ವರ್ಷದವರಂತೆ ಕಾಣಲು ವರ್ಷಕ್ಕೆ ಬರೋಬ್ಬರಿ 16 ಕೋಟಿ ರೂ. ವೆಚ್ಚದ ದುಬಾರಿ ಟ್ರೀಟ್‌ಮೆಂಟ್‌ ಪಡೆಯುತ್ತಿದ್ದಾರೆ.
ಬ್ಲೂಮ್‌ಬರ್ಗ್‌ ಮಾಧ್ಯಮದ ವರದಿಯ ಪ್ರಕಾರ, ಬ್ರಿಯಾನ್ ಜಾನ್ಸನ್ ನಿತ್ಯ ಈ ಚಿಕಿತ್ಸೆ ಪಡೆಯುತ್ತಿರುವುದರಿಂದ ಅವರ ಶ್ವಾಸಕೋಶದ ಸಾಮರ್ಥ್ಯ ಮತ್ತು ದೇಹದಾರ್ಢ್ಯ 18 ವರ್ಷದ ಮಟ್ಟಕ್ಕೆ ಮರಳಿದೆಯಂತೆ, ಅವರ ಹೃದಯವು 37 ವರ್ಷದ ವಯಸ್ಸಿನವರ ಹಂತಕ್ಕೆ ಮರಳಿದೆಯಂತೆ. ಅವರ ತ್ವಚೆಯು 28 ವರ್ಷದ ವ್ಯಕ್ತಿಯ ತ್ವಚೆಯಂತೆ ಬದಲಾಗಿದೆ!
ಮಿದುಳು, ಹೃದಯ, ಶ್ವಾಸಕೋಶ, ಕಿಡ್ನಿ, ಲಿವರ್‌, ಹಲ್ಲು, ಕೂದಲು, ಚರ್ಮ, ಮೂತ್ರಕೋಶ, ಜನನಾಂಗ ಸೇರಿದಂತೆ ದೇಹದ ಬಹುತೇಕ ಅಂಗಗಳನ್ನು 18 ವರ್ಷದ ವಯೋಮಾನದವರ ಸ್ಥಿತಿಗೆ ಕೊಂಡೊಯ್ಯುವುದು ಈ ಚಿಕಿತ್ಸೆಯ ಗುರಿಯಾಗಿದೆ.
45 ವರ್ಷದ ಬಯೋಟೆಕ್ ಸಿಇಒ ಜಾನ್ಸನ್ ಹಾಗೂ ವೈದ್ಯ ಒಲಿವರ್ ಇಬ್ಬರೂ ವಯಸ್ಸು ಮತ್ತು ದೀರ್ಘಾಯುಷ್ಯದ ಕುರಿತಾದ ಅನೇಕ ವೈಜ್ಞಾನಿಕ ಸಾಹಿತ್ಯಗಳನ್ನು ಎಡೆಬಿಡದೆ ಓದುತ್ತಿದ್ದಾರಂತೆ. ಪ್ರತಿದಿನವೂ ಅದರ ಫಲಿತಾಂಶಗಳನ್ನು ಪರಿಶೀಲಿಸುತ್ತಿದ್ದಾರೆ. ಕ್ಯಾಲಿಫೋರ್ನಿಯಾದ ವೆನಿಸ್‌ನಲ್ಲಿರುವ ಜಾನ್ಸನ್ ಅವರ ಮನೆ ಕೂಡ ವೈದ್ಯಕೀಯ ಪ್ರಯೋಗಾಲಯದಂತೆ ಬದಲಾಗಿದೆ. ಅದಕ್ಕಾಗಿ ಅವರು ಹತ್ತಾರ ಕೋಟಿ ಡಾಲರ್ ಹಣ ವ್ಯಯಿಸಿದ್ದಾರೆ.
ಬ್ಲೂಮ್‌ಬರ್ಗ್‌ ಮಾಧ್ಯಮದ ವರದಿಯ ಪ್ರಕಾರ, ಬ್ರಿಯಾನ್ ಜಾನ್ಸನ್ ನಿತ್ಯ ಈ ಚಿಕಿತ್ಸೆ ಪಡೆಯುತ್ತಿರುವುದರಿಂದ ಅವರ ಶ್ವಾಸಕೋಶದ ಸಾಮರ್ಥ್ಯ ಮತ್ತು ದೇಹದಾರ್ಢ್ಯ 18 ವರ್ಷದ ಮಟ್ಟಕ್ಕೆ ಮರಳಿದೆಯಂತೆ, ಅವರ ಹೃದಯವು 37 ವರ್ಷದ ವಯಸ್ಸಿನವರ ಹಂತಕ್ಕೆ ಮರಳಿದೆಯಂತೆ. ಅವರ ತ್ವಚೆಯು 28 ವರ್ಷದ ವ್ಯಕ್ತಿಯ ತ್ವಚೆಯಂತೆ ಬದಲಾಗಿದೆ!
ಮಿದುಳು, ಹೃದಯ, ಶ್ವಾಸಕೋಶ, ಕಿಡ್ನಿ, ಲಿವರ್‌, ಹಲ್ಲು, ಕೂದಲು, ಚರ್ಮ, ಮೂತ್ರಕೋಶ, ಜನನಾಂಗ ಸೇರಿದಂತೆ ದೇಹದ ಬಹುತೇಕ ಅಂಗಗಳನ್ನು 18 ವರ್ಷದ ವಯೋಮಾನದವರ ಸ್ಥಿತಿಗೆ ಕೊಂಡೊಯ್ಯುವುದು ಈ ಚಿಕಿತ್ಸೆಯ ಗುರಿಯಾಗಿದೆ.
45 ವರ್ಷದ ಬಯೋಟೆಕ್ ಸಿಇಒ ಜಾನ್ಸನ್ ಹಾಗೂ ವೈದ್ಯ ಒಲಿವರ್ ಇಬ್ಬರೂ ವಯಸ್ಸು ಮತ್ತು ದೀರ್ಘಾಯುಷ್ಯದ ಕುರಿತಾದ ಅನೇಕ ವೈಜ್ಞಾನಿಕ ಸಾಹಿತ್ಯಗಳನ್ನು ಎಡೆಬಿಡದೆ ಓದುತ್ತಿದ್ದಾರಂತೆ. ಪ್ರತಿದಿನವೂ ಅದರ ಫಲಿತಾಂಶಗಳನ್ನು ಪರಿಶೀಲಿಸುತ್ತಿದ್ದಾರೆ. ಕ್ಯಾಲಿಫೋರ್ನಿಯಾದ ವೆನಿಸ್‌ನಲ್ಲಿರುವ ಜಾನ್ಸನ್ ಅವರ ಮನೆ ಕೂಡ ವೈದ್ಯಕೀಯ ಪ್ರಯೋಗಾಲಯದಂತೆ ಬದಲಾಗಿದೆ. ಅದಕ್ಕಾಗಿ ಅವರು ಹತ್ತಾರ ಕೋಟಿ ಡಾಲರ್ ಹಣ ವ್ಯಯಿಸಿದ್ದಾರೆ.