ಭಾರತಕ್ಕೆ ಶಸ್ತ್ರಾಸ್ತ್ರ ಮಾರಾಟದಿಂದ ಪಾಕ್‌ಗೇನೂ ಅಪಾಯವಿಲ್ಲ: ಅಮೆರಿಕ

ಹೊಸದಿಲ್ಲಿ/ವಾಷಿಂಗ್ಟನ್: ಅಮೆರಿಕವು ಭಾರತಕ್ಕೆ ಪೂರೈಸುವ ಯಾವುದೇ ಮಿಲಿಟರಿ ಸಲಕರಣೆಗಳು ಪಾಕಿಸ್ತಾನಕ್ಕೆ ಬೆದರಿಕೆಯಾಗಿ ಪರಣಮಿಸುವುದಿಲ್ಲ ಎಂದು ಶ್ವೇತಭವನದ ಹಿರಿಯ ಅಧಿಕಾರಿಯೊಬ್ಬರು ಸ್ಪಷ್ಟಪಡಿಸಿದ್ದಾರೆ.

ಪ್ರಧಾನಿ ನರೇಂದ್ರ ಮೋದಿ ಅವರ ಅಮೆರಿಕ ಭೇಟಿ ಸಂದರ್ಭದಲ್ಲಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್‌ ಭಾರತದ ನೌಕಾಪಡೆ ಡ್ರೋನ್ ವಿಮಾನಗಳನ್ನು ಮಾರಾಟ ಮಾಡುವ ಒಪ್ಪಂದಕ್ಕೆ ಸಹಿ ಹಾಕುವ ನಿರೀಕ್ಷೆಯಿದೆ.

ಪ್ರಧಾನಿ ಮೋದಿ ಸೋಮವಾರ ಶ್ವೇತಭವನಕ್ಕೆ ಭೇಟಿ ನೀಡಲಿದ್ದು, ಅಧ್ಯಕ್ಷ ಟ್ರಂಪ್ ಜತೆ ನೇರ ಮಾತುಕತೆ ನಡೆಸಲಿದ್ದಾರೆ. ಬಳಿಕ ಟ್ರಂಪ್ ಏರ್ಪಡಿಸುವ ಭೋಜನ ಕೂಟದಲ್ಲೂ ಭಾಗವಹಿಸಲಿದ್ದಾರೆ.

ಈ ಸಂದರ್ಭದಲ್ಲಿ 200 ಕೋಟಿ ಡಾಲರ್‌ ಮೌಲ್ಯದ 22 ಶಸ್ತ್ರ ರಹಿತ ಡ್ರೋನ್‌ಗಳ ಖರೀದಿ ಒಪ್ಪಂದ ಪೂರ್ಣಗೊಳ್ಳುವ ನಿರೀಕ್ಷೆಯಿದೆ. ಈ ಹಿಂದೆ ಮಾಜಿ ಅಧ್ಯಕ್ಷ ಬರಾಕ್ ಒಬಾಮಾ ಈ ಒಪ್ಪಂದದ ಪ್ರಕ್ರಿಯೆ ಆರಂಭಿಸಿದ್ದರು. ಆದರೆ ಟ್ರಂಪ್‌ ಅಧ್ಯಕ್ಷರಾದ ಬಳಿಕ ಅದನ್ನು ರದ್ದುಪಡಿಸಲು ಮುಂದಾಗಿದ್ದರು. ಉತ್ತರ ಕೊರಿಯದ ಅಣ್ವಸ್ತ್ರ ಕಾರ್ಯಕ್ರಮ ತಡೆಯಲು ಚೀನಾದ ನೆರವು ಪಡೆಯುವ ಉದ್ದೇಶದಿಂದ ಭಾರತದ ಜತೆಗಿನ ಒಪ್ಪಂದಕ್ಕೆ ಎಳ್ಳುನೀರು ಬಿಡಲು ಟ್ರಂಪ್ ಮುಂದಾಗಿದ್ದರು.

ಆದರೆ ಇದೀಗ, ಭಾರತಕ್ಕೆ ನೌಕಾಪಡೆಯ ಡ್ರೋನ್‌ಗಳ ಮಾರಾಟಕ್ಕೆ ಅಮೆರಿಕ ಸರಕಾರ ಅನುಮತಿ ನೀಡಿದೆ ಎಂದು ಅಮೆರಿಕದ ಡ್ರೋನ್‌ ತಯಾರಕ ಕಂಪನಿ ಜನರಲ್‌ ಅಟೋಮಿಕ್ಸ್ ಏರೊನಾಟಿಕಲ್ ಸಿಸ್ಟಮ್ಸ್‌ ಇನ್ಕ್‌ ತಿಳಿಸಿದೆ.

Ahead of PM Modi's visit, US sees no threat to Pakistan from arms deal with India

NEW DELHI/WASHINGTON: With the United States expected to authorise India's purchase of naval drones , a senior White House official cautioned on Friday that any US military transfer to India would not represent a threat to its rival neighbour Pakistan.